Connect with us

Sport

Shorti i Ligës së Kampioneve/ Probabilitetet, ja duelet më të mundshme mes ekipeve në fazën e 1/8-ave

Jyrgen Klop mund të rikthehet në Gjermani në duelin e 1/8-ave të Ligës së Kampioneve, në një transfertë të Liverpulit ndaj Borusia Mynshengladbahut në shortin e së hënës në Nion të Zvicrës. Një llogaritje e probabiliteteve të 8 çifteve të mundshme tregon se tri klubet angleze të kualifikuara në 16 skuadrat më të mira të turneut, Liverpuli, Mançester Siti dhe Çelsi, të cilat u renditën në vendin e parë në grupet e tyre, statistikisht kanë më shumë shanse që të përballen me ekipin e Marko Rouz në duelin e parë me eliminim direkt. Klubet gjermane kanë vetëm 5 alternativa të mundshme në short, për shkak se kanë dy klube në vazon e parë (Bajernin dhe Dortmundin) dhe dy në vazon e dytë (Gladbahun dhe Lajpcigun).

Ky nuk është një lajm i mirë për Barcelonën, që humbi vendin e parë ndaj Juventusit në javën e fundit dhe gjasat më të mëdha i ka të shortohet kundër kampionëve në fuqi të Bajernit të Mynihut. Bavarezët i kanë shanset të kapin një klub spanjoll, ose Sevijen, ose Barcelonën. Skuadra e Lionel Mesit do të preferonte që ta shmangte një përballje që në këtë moment me fituesit e tripletës. Hera e fundit që këto dy skuadra u përplasën, ishte në “Final 8” në Lisbonë sezonin e shkuar. Ajo çerekfinale me një ndeshje për shkak të ndryshimit të formulës prej Koronavirusit, i kushtoi stolin Kike Setienit, pas humbjes historike 8-2.

Mënyra se si funksionon matematika në tabelën e probabiliteteve llogaritet si më poshtë: 16 ekipet e kualifikuara në këtë fazë do të ndahen në dy vazo, ato që u renditën të parat në grup dhe ato që u renditën në vend të dytë. Megjithatë, në këtë fazë të turneut, skuadrat nga i njëjti shtet do të veçohen, ashtu si ato që luajtën në të njëjtin grup kundër njëra-tjetrës. Dhe kjo i redukton shanset e një klubi për t’u përballur me një ekip të caktuar. Fakti që përqindjet e probabiliteteve nuk janë të njëjta, vjen për shkak se disa skuadra kanë shanse që të shortohen kundër 5 ekipeve të mundshme, ndërkohë që të tjera skuadra kanë gjashtë apo shtatë opsione dhe kjo ndryshon vlerat. Juventusi dhe Gladbahu kanë të dyja pesë mundësi shortimi dhe kështu kanë më shumë gjasa që të përballen.

Ndërkohë që Reali mund të shortohet vetëm me katër skuadra (Lajpcigun, Porton, Atalantën dhe Lacion). Në shortin e së hënës ka 4 klube gjermane, 4 spanjolle, 3 angleze, 3 italiane, 1 franceze dhe 1 portugeze. Sipas llogarive, Liverpuli që u rendit në vend të parë në grupin me Atalantën që u klasifikua pas tyre, ka 18.38% shanse që të shortohet kundër Gladbahut. Çelsi, që fitoi grupin përpara Sevijes, ka akoma më shumë gjasa që të udhëtojë drejt “Borussia Park”, 18.62%. Siti ka shanse të mëdha të luajë kundër Atalantës (12.4%). Portoja, që u rendit në vend të dytë në grupin e Sitit, është rivali i preferuar i ekipeve të vazos së parë dhe skuadra e Zidanit ka shanset më të mëdha për të gjetur komshinjtë luzitanë në goglat e së hënës.

PANORAMASPORT.AL

Advertisement
Click to comment

Leave a Reply

Your email address will not be published. Required fields are marked *

Sport

“Kam lindur në Athinë, por nuk jam grek”, Mario Mitaj flet me zemër

Një nga më të mirët në dy miqësoret që Kombëtarja shqiptare zhvilloi, ishte Mario Mitaj. Mbrojtësi i majtë dha sinjale pozitive si në sfidën e parë përballë Kilit, por sidomos në atë ndaj Suedisë në Stokholm. Mitaj është kthyer në një pikë kyçe jo vetëm për Shqipërinë e Sylvinhos, por edhe për Lokomotivën e Moskës në Rusi. Teksa pikërisht në një media ruse, ka folur së fundmi futbollisti shqiptar. Mitaj flet për transferimin e tij nga AEK në Greqi te Lokomotiva në Rusi. Gjithashtu ai shpreh dashurinë e madhe që ka për Shqipërinë, teksa shpjegon se nuk është grek edhe pse ka lindur në shtetin helen, duke theksuar se ndihet krenar sa herë sheh flamurin kuqezi.

“Kam pasur një situatë të vështirë në Greqi. Problemi me futbollin grek është se ata nuk u besojnë fare lojtarëve të rinj. Ata presin menjëherë një paraqitje të jashtëzakonshme nga një djalosh i ri në ndeshjen e tij debutuese. Praktikisht nuk ka asnjë shans për gabim, nëse dilni dhe nuk tregoni asgjë, ata fillojnë t’ju ‘marinojnë’ në një kavanoz. Për shkak të kësaj, shumë djem të rinj u mërzitën dhe i dhanë fund karrierës së tyre në futboll.

Jam përballur edhe me këtë tmerr. Në sezonin tim të parë për AEK-un në moshën 17-vjeçare kam luajtur rreth 30 ndeshje, por në sezonin tjetër kam luajtur vetëm dy. Oferta nga Lokomotiva  ishte një frymë e freskët për mua, një shans për t’u larguar përgjithmonë nga një vend ku ata nuk besojnë në mua. Për më tepër, në atë kohë Premier Liga Ruse ishte liga e 6-të në Evropë.

Preferoj të punoj në gjëra që mund të më bëjnë më të shpejtë, më fleksibël dhe më teknik. Unë nuk jam një bodybuilder për të patur parësore masën muskulore. Në artet marciale, muskujt nuk luajnë gjithmonë një rol kryesorë, ato mund të fitohen me dinakërinë dhe teknikën. Një futbollist i dobët mund të jetë mirë për shkak të inteligjencës së tij.

Disavantazhet në Rusi? Gjëja e parë është bllokimi i trafikut. Unë jam mësuar tashmë! Së dyti, çmimet e larta për pothuajse gjithçka (përveç benzinës). Jeta në Moskë është shumë më e shtrenjtë se në Greqi. Dhe së treti, kamerat që kontrollojnë shpejtësinë. Kjo është absolutisht e tmerrshme, si arrijnë t’i kapin të gjithë kështu? Vitin e kaluar kam pasur 5-6 gjoba.

Unë kam lindur në Athinë, por jam shqiptar. Fakti që kam lindur në Athinë nuk më bën grek. Kam shumë miq atje, flas greqisht dhe e dua atë vend për mundësitë që ka dhënë për mua dhe familjen time. Por unë dashuroj më shumë Shqipërinë time, jam një patriot i atdheut tim. Kur shoh flamurin shqiptar dhe flas me shqiptarë, mbushem me një ndjenjë krenarie”, është shprehur mbrojtësi i Kombëtares shqiptare, Mario Mitaj.

Continue Reading

Sport

Dhunë pas ndeshjes Kastrioti-Elbasani, tifozi 30-vjeçari godet me bidon plastik policin

 Një punonjës policie është goditur me bidon plastik pas përfundimit të ndeshjes Kastrioti-Elbasani për Kategorinë e Parë.

A.B., 30 vjeç gjuajti në drejtim të policit i cili ndodhej jashtë perimetrit të stadiumit. Punonjësi i policisë, sipas njoftimit, bëri thirrje shtetasit të ndalojë veprimet e tij, por 30-vjeçari ka vijuar me ofendime dhe fyerje ndaj policit.

Ky i fundit tentoi ta ndalojë shtetasin për ta shoqëruar, por hasi në rezistencën e tifozëve të tjerë.

Më pas shërbimet e tjera të policisë kanë ndërhyrë duke e shoqëruar në komisariat A.B., për veprime të mëtejshme.

Ndeshja Kastrioti-Elbasani e luajtur mesditën e sotme në Krujë, u mbyll me rezultatin 2-2. Sfida ishte e vlefshme për javën e 26-të të Kategorisë së Parë të futbollit.

Continue Reading

Sport

VIDEO/ Franca ‘merr hakun’ e Shqipërisë, mposht 3-2 Kilin në një duel dramatik

Stadiumi “Velodrome” në Marseille pa një sfidë të luftuar, aty ku pas 90 minutave të ethshme vendasit e Francës fituan 3-2 kundër Kilit. Skuadra e Deschamps përmbysi ndeshjen, me amerikano-latinët që pasi mposhtën Shqipërinë 0-3 e pësuan nga “Gjelat”.

Miqtë shokuan Francën pas vetëm gjashtë minutave lojë me Nunez, ndërsa Franca përmbysi me Fofana dhe Kolo Muani në minutat 19-të dhe 25-së. Në pjesën e dytë ishte Giroud që shënoi golin e tretë për francezët, ndërsa Osorio shkurtoi shifrat, duke bërë që dhjetë minutat e mbetura të ishin një thriller i vërtetë.

Në fund Franca fitoi 3-2 këtë duel, teksa “Gjelat” janë një nga skuadrat pretendente për të shkuar në finalen e Euro 2024.

 

Continue Reading

Sport

Miqësoret/ Gjermania mposht 2-1 Holandën, Austria ‘shkërmoq’ Turqinë

Mbrëmja e së martës ka rezervuar disa miqësore luksi në Europë. Anglia ka barazuar 2-2 ndaj Belgjikës, teksa “Tre Luanët” shënuan vetëm në fund me Bellingham.

Në Austri, vendasit “shkërmoqën” 6-1 Turqinë e Montelës. Sfidë interesante në Frankfurt, ku Gjermania fitoi 2-1 ndaj Holandës edhe me asist të Kroos. Ndërkohë Gjerdan Shaqiri te Zvicra shënoi golin e fitores ndaj Irlandës nga goditja e dënimit. Portugalia humbi 2-0 në Ljubjanë me Slloveninë.

Miqësoret e së martës:

Austri 6-1 Turqi (Schlager 2′, Gregoritsch 44′, 48′, 59′, Baumgartner 78′ / Calhanoglu 25′)

Angli 2-2 Belgjikë (Toney 17′ (p), Bellingham 90+5′ / Tielemans 11′, 36′)

Gjermani 2-1 Holandë (Mittelstadt 11′, Fullkrug 85′ / Veerman 4′)

Irlandë 0-1 Zvicër (Shaqiri 23′)

Slloveni 2-0 Portugali (Cerin 72′, Elsnik 80′)

Continue Reading

Sport

Greqia mbetet jashtë Europianit, Gjeorgjia e eliminon dhe shkon për herë të parë në Europian

Greqia ka mbetur jashtë Kampionatit Europian. Kombëtarja helene është eliminuar sot nga Gjeorgjia.

Koha e rregullt përfundoi në baraspeshë 0-0, duke bërë që lojtarët t’i drejtoheshin minutave shtesë. Rastet nuk munguan në 30 minutat e mbetura të lojës, por asnjë prej tentativave nuk përfundoi me gol.

Në fund, fituesi i përcaktua nga pika e bardhë e penalltisë.

Gjeorgjianët u treguan më të saktë nga 11 metrat, duke siguruar kështu për herë të parë biletën për në Kampionatin Europian Gjermani 2024.

Kombëtarja gjeorgjiane do të luajë në të njëjtin grup me Turqinë, Portugalinë dhe Republikën Çeke.
Continue Reading
Advertisement

TRENDING