Mbretëresha Elisabeth vdiq, Rroftë mbreti!

Mbretëresha vdiq, rroftë mbreti!

Pas vdekjes së Mbretëreshës Elisabeth, trashëgimtari Charles zyrtarisht ulet në fronin mbretëror, teksa dhe pritet që paskësaj të ketë risi në jetën e Oborrit.

Hyrja e tij në fronin e Mbretërisë së Bashkuar tashmë paraqet një rekord: atë të pritjes më të gjatë. Që nga ‘Zotërues i Uellsit’ në ’69, Charles, “trashëgimtari i përjetshëm” i duhej të priste 73 vjet.

Përveç kontekstit social dhe politik, marrja e stafetës për Charles do të jetë një sfidë.

Është një rrugë për të cilën ai është gjithsesi i përgatitur që në moshë të vogël: i pari mbretëror që nuk u shkollua në shtëpi, por në institutet më prestigjioze të vendit dhe u diplomua me Bachelor në Arte në Kembrixh. Kurioz dhe i kulturuar, ai u bë i pasionuar pas politikës që në moshë të re dhe mbajti postet e tij të para publike në fund të viteve 1970. Sipas traditës familjare, ai filloi një karrierë ushtarake, detare dhe aviacioni.

Në vitin 1981, martesa me Dianën ishte me një përrallë. Vendi ra në dashuri me princeshën e tij dhe të gjithë botës. Fotoja u kompletua më vonë nga William, në ’82, dhe Harry, në ’84. Por bashkimi matrimonial u mbyt brenda pak vitesh mes grindjeve, pabesisë dhe skandaleve. Kështu, pas shumë rezistence, mbretëresha Elizabeth lejoi çiftin të divorcohej.

Por në ’97 princesha e re vdiq në një aksident automobilistik në Paris. Një dramë që çimentoi edhe më shumë dashurinë mes Carlos dhe fëmijëve të tij, megjithëse me disa valëzime pas largimit të Harrit nga Anglia me gruan e tij Meghan.

Dhe pati sërish një martesë që u festua në vitin 2005, ai i Carlos me Camilla Parker, e cila kishte qenë gjithmonë e dashura e tij dhe që tani do të ulet pranë tij si bashkëshorte mbretëreshë. E përbuzur nga tabloidët për rolin e luajtur në martesën katastrofike mes Charles dhe Dianës, Camilla arriti të bëhej e njohur me maturi dhe tani duket se e pranojnë me dëshirë.

I apasionuar pas sportit dhe artit, filantrop me 16 organizata humanitare, Charles vitet e fundit ka përqafuar kauzën mjedisore.

Trashëgimtar i fronit duket se nuk e ka patur me dëshirë këtë rol, aq sa vitet e fundit kishte zëra për abdikimin e tij të mundshëm në favor të të parëlindurit të tij William.

Monarku i ri do të shpallet zyrtarisht mbret më 10 shtator, përpara një organi ceremonial të njohur si Këshilli i Aderimit.

Nëse faqet e tabloideve janë përqendruar në të kaluarën në shumë aspekte të jetës së tij private, Carlo është më pak i njohur në politikë: si princ duket se nuk i mungojnë vëzhgimet dhe komentet e tij për politikanët. Tani ai do të duhet të respektojë kufijtë e kushtetutës, të cilën nëna e tij e respektoi në çdo fjalë për 70 vjet.

Por ka çështje që janë veçanërisht për zemrën e tij dhe për të cilat ai mund të bëjë që zëri i tij të dëgjohet, të tilla si ndryshimi i klimës dhe mbrojtja e mjedisit. Ka mundësi që ai të jetë një mbret aktivist, i cili do të përdorë pozicionin e tij për të vazhduar fushatat për çështjet që ka pasion: ndoshta jo me zë të lartë si më parë, por me të njëjtin përkushtim.

Një ndryshim i rëndësishëm që Charles duhet t’i bëjë Kurorës është zvogëlimi i monarkisë për sa i përket numrit të anëtarëve mbretërorë që kryejnë në mënyrë aktive përgjegjësitë zyrtare.

Charles preferon një familje mbretërore më të dobët, edhe ndoshta prej skandaleve seksuale të vëllait të tij Andrea dhe marrëdhënien e vështirë me djalin e tij Harry.