Koha e pjeshkave të ‘Instagram’-it nuk kishte ardhur…

“Showbizz”-i sot është një ndër gjërat më të përfolura sot. Të gjithë kanë interes, e madje shumë njerëz apo edhe artistë bëjnë “sjellje, gjeste, deklarata” apo gjithçka tjetër për të qenë pjesë e “showbizz”-it, pra pjesë e “grupit të të përfolurve”.

Edhe para 10 vitesh kishte “showbizz”, edhe pse sot shohim një rikonceptim të mënyrës se si disa njerëz bëhen publik dhe gëzojnë popullartitet. Vite më parë mjaftonte që të bëje një grim pak më të rënduar, apo të kuroheshe pak më shumë se e zakonshmja, dhe “ualaa” bëheshe një vajzë e famshme që të njeh e gjithë Shqipëria.

Sa nga ju i mbani mend VIP-et që ishin atëherë? Realisht për të gjithë nostalgjikët, duhet të themi se VIP-at atëherë, publiku i donte më shumë, pasi shumë pak vajza apo edhe djem e merrnin përsipër të dilnin publikisht, ndryshe nga sot ku rrjetet sociale mund të bëjnë të famshëm shumë njerëz, pa bërë ndonjë përpjekje të madhe në vetvete.

Le t’i kujtojmë pak këto vajza që thyen tabutë këtu e para 10-15 viteve.

1. Çiljeta Xhilaga.
Çiljeta lindi në Tiranë, Shqipëri, nga Ferdinand Xhilaga, një kontabilist, familja e të cilit ishte nga Dibra, por e lindur në Delvinë, dhe Majlinda Xhilaga, një parukiere, nga Korça. Ajo ndoqi shkollën e mesme “Sami Frashëri” në qytet.

E patjetër nuk mund të harrohen hitet e asaj kohe si: “Dridhe”, bashkëpunimi me Tingullin 3nt, “Tekila”, por as bashkëpunimi me miken e saj Ingrit Gjoni me këngën “Mike dhe Rivale” nuk mund të harrohen.

2. Ingrit Gjoni
Fillimet e karrierës i pati herët rreth viteve 2007-2008. Është duartrokitur fort kudo ku ka kënduar, është adhuruar shumë fort në çdo skenë ku ka shkelur dhe po kaq shumë është pëlqyer edhe për performancat e saj të veçanta… Këngëtarja e suksesshme e muzikës moderne në Shqipëri, Ingrit Gjoni, ishte një ndër emrat më të spikatur të skenës, që gjithmonë me shumë lezet përcillte edhe provokim që për kohën ishte i mjaftueshëm për të bërë bujë.

3. Zajmina Vasjari

Zajmina Vasjari është një këngëtare shqiptare. U lind në Vasjar, Tepelenë, më 17 qershor të vitit 1986. Mban titullin e “Miss Shqipëria 2002”. Bukuroshja nga Tepelena, mori kurorën e më të bukurës së vendit ditën e lindjes së saj. Por gjithmonë do të mbahet mend bashkëpunimi i saj me Kastro Zizon “Jam si karamele”. Aso kohe ishte një ndër vajzat më tërheqëse, por edhe sot mbetet një “kinge” e vërtetë.

4. Tuna Sejdi
E kush nuk e mban mend Tunën. Gjithmonë një grifshë, gjë që e përcillte në çdo videoklip, derisa mori një famë shumë të madhe “Zogu ma i mir prej krejtve”. Tabu për kohën, por kjo i dha një popullaritet shumë të madh, duke i hapur shumë rrugë në tregun muzikor.

5. Inis Gjoni
Motra e Ingrit Gjonit, sot një regjisore, por dikur ka eksperimentuar edhe në muzikë. Sa nga ju e mbani mend bashkëpunimin e saj me Ingritin? Gocat aso kohe bënë shumë bujë, pasi u shfaqën mjaft provokuese edhe në videoklipin e tyre.

6. Genta Ismaili
Sa nga ju e e mbajnë mend Gentën në fillimet e karrierës së saj, ku përveç zërit ajo spikati edhe për format trupore dhe shumë më shumë për aftësitë e saj në kërcim. Ajo ishte vetëm 19 vjeçe kur mori një famë shumë të madhe.

7. Adelina Ismaili
Është konsideruar si një divë e muzikës, pasi para viteve 2000 ajo guxoi që të xhironte një videoklip me një veshje lëkure mjaft të zbuluar.

Gjithsesi, bukuria e saj spikati edhe në konkursin e bukurisë në vitin 1997 ku u shpall edhe “Miss Kosovarja”.

8. Xhemi Shehu
Një bionde bukuroshe dhe shumë e buzëqeshur, kjo ishte Xhemi, që arriti të fitonte zemrat e njerëzve që me daljet e saj të para. Shumë e cilësonin si një engjëll, pasi ashtu e imët dhe me sytë blu bënte për vete këdo. Rrugëtimi i saj nisi si velinë në emisionin “Fiks Fare”, për të vijuar më tej karrierën si moderatore.

10. Rovena Stefa
A ju kujtohet një videoklip i saj provokues, teksa ishte shtrirë në rërë me një djalë bukurosh? Sapo ta shikoni do t’iu kujtohet kënga “Malli” apo jo? Kjo ishte kënga që e bëri bukuroshen Rovenë që të shkonte përtej asaj që kanalet televizive shqiptare mund të “përballonin” në ato kohë./CNA.al