KONFLIKTI RUSO-UKRAINAS

A është farsa e referendumeve ruse në rajonet lindore të Ukrainës e para e një serie? Ndoshta. Të paktën për faktin se kufijtë e rajoneve të aneksuara nuk janë të qarta dhe kjo sipas vetë Kremlinit, siç konfirmohet nga zëdhënësi Dmitry Peskov, i cili përsërit faktin se republikat e vetëshpallura të Donetskut dhe Luhanskut janë pjesë e Rusisë sipas kufijve të vitit 2014. 

I pyetur nga gazetarët, Peskov nuk i zgjidhi nyjet dhe nuk mundi të thotë se ku shtrihen kufijtë e territoreve ukrainase të aneksuara së fundmi.

I pyetur nëse zonat e këtyre rajoneve që janë nën kontrollin e Kievit konsiderohen ruse nga Kremlini, zëdhënësi u përgjigj: “Nuk kam asgjë më shumë për të shtuar tani”. 

Në terren, forcat ukrainase kontrollojnë ende pjesë të mëdha të rajoneve Donetsk dhe Zaporizhia dhe disa zona të rajoneve të Luhanskut dhe Khersonit, një realitet ushtarak që nuk ka gjasa të ndryshojë në të ardhmen. 

Sipas Institutit për Studimin e Luftës (ISW), “Putin nxitoi aneksimin e këtyre territoreve para se të merrte vendime themelore administrative për kufijtë dhe qeverisjen. 

Pamja duket paradoksale. Rusia nuk kontrollon plotësisht asnjë nga katër rajonet e aneksuara. Ajo që thotë Peskov ka vlerë relative në çdo rast. 

Humbja e qytetit strategjik Lyman, në rajonin e Donjeckut, është shuplaka e fundit në fytyrë për Rusinë. Forcat e Kievit vazhdojnë ofensivën e tyre në Donbass dhe në rajonin Kherson dhe Kharkiv. Sipas disa analistëve ushtarakë, Moska ka humbur në 72 orët e fundit 9% të territoreve të aneksuara të premten e kaluar.

https://www.youtube.com/watch?v=7j0_ewmA9fI