Shkrime
Federata e opozitës me “Republika Srbska”
![](https://ntv.al/wp-content/uploads/2023/11/f1.jpg)
Nga Ylli Pata
Që debati publik në Tiranë është kthyer në një skenë e një teatri absurd nuk ka ditë e emision që të mos tregohet.
Ku shpallet hartat e Ballkanit dhe Europës pas vitit të ri, luftrat e kataklizmat e reja së bashku me adhamudhët që luftojnë kancerin me spec djegës, avokatë që shpallin jashtë procedurave jo vetëm SPAK, por edhe EUROPOL-in e policinë francize me përgjimet e aplikacionit Sky.
Po ka edhe më; muxhahidinët iranianë të strehuar në Manëz, pas blitzit të verës që u bëri policia janë mbledhur dhe kanë xhiruar një klip “Rrjedh në Këngë e Ligjërime” version Farsi, ku refreni “Po ku ka si ti o Shqipëria Ime” binjakëzohet me “Ohhh, Ohhh Irannn!”.
E kjo ishte një nga ato teoritë konspiracioniste më të mëdha që konkurron fort Rrethin Katror të së djelës, ku thuhen të mëdha pa fund.
E në fakt, e thotë një kryetar i një partie, i cili e mori nga Sabri Godo si një forcë politike në mos kundërshtare, alternative në opozitë, e që prej vitit 2005, e dha me konçension te doctor Berisha me skëmën e Megadushkut. E prej asaj dite, Partia Republikane nuk është më realitet as politik as numerik, madje as publik.
Si PR-ja e Mediut, edhe partitë e tjera janë thjesht fantazma të së shkuarës së emrit të tyre. PBDNJ-ja tashmë është kthyer në një grupim që kërkon Asocacionin në Himarë me “martirin” Beleri, pasi në zonat ku ka minoritarë grekë nuk merr asnjë kokërr vote.
Partia e Dash Shehit, e cila ka qenë gjithmonë një entitet politik që është e emëruar me kreun e saj, e cila në çdo zgjedhje ku ka konkurruar i ka shkaktuar një humbje të fortë Sali Berishës. Duke treguar sadopak diferencën që një elektorat i moderuar mendon dhe e koncepton krejt ndryshe të djathtën.
Ndërkaq, Partia Agrare e Agron Dukës, nuk ka mundur asnjëherë që të garojë realisht në një palë zgjedhje, pasi është margjinalizuar prej lëvizjeve që kanë ardhur nga SHQUP-i.
Në thelb, siç thotë Aleks Xinxat e filmi Vendimi, këto parti kanë vetëm kryetarët, pasi bazën ua ka marrë “Enver Hoxha” i së djathtës.
Ndërkaq, qëndrimi politik në lidhje me çështjen kryesore që ka opozita sot: ç’do të bëjë me Sali Berishën, ata janë më fluid se Gaz Bardhi.
Sipas tyre ata pranojnë që në federatë të hyjnë të gjithë ata që janë kundër kësaj qeverie dhe janë gati për të luftuar regjimin aktual. Pra, të ketë edhe grekë edhe çamë që kanë inat Edi Ramën.
E krahasuar me një realitet paksa afër nesh, duket si Federata e Bosnjës që ka pranuar me zor nga Fuqitë e Mëdha, një shtet të përbashkët me Republika Srbska të Milorad Dodikut. E cila prej 30 vjetësh duket një realitet që nuk funksionon. Prite këto ditë, kur edhe Gazmend Bardhi të shpallë: “Shtetet e Bashkuara të deputetëve të opozitës”…
![](https://ntv.al/wp-content/uploads/2022/08/LogoWeb.2-e1644580268739.png)
![](https://ntv.al/wp-content/uploads/2023/12/OledroHot.gif)
OPINION
Vula e Partisë apo vula e historisë!
![](https://ntv.al/wp-content/uploads/2024/03/GALDINI.jpg)
OPINION
Nata e “thikave te gjata”/ Vula që shkon te Berisha rikthen në shtëpinë e madhe të penduarit e Bashës
![](https://ntv.al/wp-content/uploads/2024/06/fuga.jpg)
Nga Artan Fuga
Shkrime
Rama dhe Kurti në luftë për liderin shqiptar, konflikt politik dhe personal
![](https://ntv.al/wp-content/uploads/2024/06/w1-1.jpg)
“Mes Albin Kurtit dhe Edi Ramës ka konflikte shumë të thella, të natyrës personale dhe politike. Në thelb është një luftë për supremaci, pra kush do të jetë lideri shqiptar, sepse në korpusin shqiptar këto dy role nuk janë të përcaktuara dhe Rama e Kurti e shohin veten si liderët kryesorë mbarëshqiptarë. Derisa të kristalizohen marrëdhëniet hierarkike mes tyre, ndoshta nuk mund të presim që të ketë takime të ndërsjella” – keshtu tha politologu Ognjen Gogiç.
Duke komentuar faktin se kryeministri i Shqipërisë ka vizituar Prishtinën të hënën, por nuk është takuar me kryeministrin Kurti, dhe nuk ishte as në ngjarjen që shënoi përvjetorin e Lidhjes së Prizrenit po atë ditë, sipas Gogiç kjo tregon ndër të tjera se nuk ka dashur të marrë pjesë në “triumfin e Kurtit”, sepse ishte ai qe do dilte “në skenë” teksa në atë tubim, ai dërgoi mesazhe mbarëshqiptare.
“Nëse Rama do ishte atje, do kishte një rol dytësor. Ai e gjykoi se ishte e pamatur politikisht që të merrte pjesë. U takua vetëm me Vjosa Osmanin në Prishtinë, gjë që tregoi se ai bën dallimin në lidershipin e Kosovës dhe se e njeh dallimin që ekziston mes tyre. Rama gjithahstu është takuar edhe me kryebashkiakun e Prishtinës dhe më pas dërgoi mesazhe kritike për qeverinë në Prishtinë. E gjithë kjo kur shikohet së bashku, tregon shkallën e konfliktit mes tij dhe Kurtit dhe që të dy përdorin çdo mundësi për ta nënvizuar këtë hendek mes te dyve” – vlerësoi Gogiç, duke theksuar se dt kryeministrat shqiptarë i ndajnë shumë gjëra, e njëra prej tyre është se Rama do donte të kishte një rol të caktuar në dialogun ndërmjet Beogradit dhe Prishtinës, siç kishte në kohën kur Hashim Thaçi drejtonte negociatat nga anën e Kosovës.
“Por Kurti nuk e dëshiron këtë. Ai nuk do që Rama të faktorizohet, por se është vetëm Prishtina që i përcakton kushtet e dialogut me Beogradin pa rolin e madh që mund te merrte kryeministri I Shqiperise. Kësaj Rama iu përgjigj në mënyrën e tij, duke tentuar ta margjinalizojë Kurtin duke bërë vetë një draft të statutit të asociacionit, duke folur për çështjen, por edhe për marrëveshjet si ajo franko-gjermane dhe në përgjithësi kritikoi politikën dhe qasjen e Kurtit në dialog. Dhe tani në Prishtinë ai kritikoi qeverinë e Kosovës teksa tha se ajo bën politikë të jashtme krahas funksionit të politikës së brendshme” – deklaroi Gogiç.
Kurti, shtoi ai, nuk është pa përgjegjësi për marrëdhënien siç ekziston, sepse dikur ai drejtoi fushata kundër Ramës në zgjedhjet parlamentare në Shqipëri, në të cilat kishte kandidatët e tij dhe mes tyre kishte edhe mosmarrëveshje përsa i përket Nismës së Ballkanit të Hapur, një nga propozuesit kryesorë të së cilës ishte Rama, ndërsa Kurti ishte kundërshtar i nismës dhe e perceptoi atë si një tradhti qe vinte nga Shqipëria……………
“Në marrëdhëniet e tyre janë kontestuese edhe marrëdhëniet mes kryeministrit Rama dhe presidentit të Serbisë, Aleksander Vuçic, të cilët kanë një lloj partneriteti që Kosova asnjëherë nuk e ka parë me miratim dhe gjithmonë ka pasur frikë se do të margjinalizohet. Gjithashtu Rama kishte Marrëdhëniet shumë të mira me Hashim Thaçin, Rama e mbështeti Thaçin gjatë negociatave me Beogradin dhe para disa kohesh e vizitoi Thaçin në paraburgim në Hagë, gjë që Kurti e konsideroi si sulm ndaj vetes se tij, pasi kundërshtari kryesor politik i Kurtit vazhdon te jete Hashim Thaçi” – potencoi analisti politik.
Ai tha gjithashtu se është interesant fakti që Rama është takuar të hënën me Presidenten e Kosovës Vjosa Osmani pasi siç shprehet ai, të dy nuk kanë pasur marrëdhënie të mira në të kaluarën.
“Marrëdhëniet e Ramës me Thaçin dhe Vuçicin dikur rëndonte edhe marrëdhëniet që kishte me Osmanin. Mirëpo, kohet e fundit ka pasur një çarje në marrëdhëniet mes Osmanit dhe Kurtit, dhe duket se Osmani në njëfarë mënyre po i kundërvihet Kurtit duke i dalë krah Ramës. Kjo në fakt tregon se marrëdhëniet mes liderëve shqiptarë janë shumë më të ndërlikuara dhe më komplekse sesa do të supozonim dhe se ato madje ndryshojnë në disa çështje kyçe të interesit të tyre kombëtar” – theksoi politologu Ognjen Gogiç
Shkrime
Kecat që ulërinin si këlyshë ujqish për të shqyer Bashën, tani do poshtërohen nga ujku Berisha
![](https://ntv.al/wp-content/uploads/2024/06/8-5.jpg)
Nga Artur Zheji
Përfundimisht Sali Berisha dhe grupi i tij më i ngushtë, politik dhe ekonomik, janë vështirësisht të konkurrueshëm. Sepse të fitosh betejat në një terren rrëshqitës dhe armiqësor, duke patur administratën amerikane dhe Brukselin kundra, është padyshim në kufirin e të pamundurës.
Sepse beteja e Doktorit, nuk ishte rikthimi në pushtet, por pushteti i plotë mbi Partinë Demokratike, të cilin ja lëkundi për disa kohë vetëm Lulzim Basha.
Porse ambicia verbuese dhe etja e pasosur për vrarë politikisht Bashën, që nuk kishte pas vetes grupime ekonomike, apo grupime të fortësh të mirë armatosur, punoi mirë e bukur, në interes të Doktorit.
Grupi i brishtë i deputetëve të rinj rreth Bashës, gjykuan krejt para kohe, se Saliu, politikisht morri fund dhe vrapuan te oborri i Doktorit, me shpresë t’i rrëmbenin Partinë Demokratike.
Doktori, një ujk i sprovuar politik, i joshi me dhurata dhe me xhingla vezulluese, përderisa të zgjidhte dy çështje kryesore:
– Rrëzimin politik të Bashës
– Marrjen e vulës, pra aktin përfundimtar noterial të pronësisë ndaj Partisë, godinën madhështore dhe truallin e pafund përreth…
Tani Doktori, ka lluksin e trashëgimisë së pronës së vet, tapinë e së cilës, të gjithë ambiciozët me brirë, i dhanë një dorë që ay, ta fitonte, ta fitonte me çdo kusht, edhe duke gënjyer ujqit e rinj, si të ishin ca keca me këmborë.
Një bravo të madhe për Doktorin, që korri një fitore të fundit, të denjë për manual studimi, në shkencat politike shqiptare.
Kardiologu, u rrëfye mbi të gjitha një psikolog i përkryer! Dhe me fyellin e një Fakiri persian, luajti fort bukur me gjarpërinjtë dhe gjarpërueshet e reja.
Fillimisht i magjepsi që të kafshonin me dhëmbkat e helmuara Lulzim Bashën e njomë, e më pas i joshi të lodronin si “liderët” e të ardhmes, duke i futur përmes tingujve të të njëjtit fyell magjik, në thesin e tij, thurur me fije kërpi dhe premtimesh që mrekulluan kecat apo gjarpërushët pa kërbisht!
Tani Sali Berisha, është rikthyer përfundimisht!
Është në pushtet të plotë të lojës politike dhe komunikon me kode vetëm me Edi Ramën!
Gjykoj se vetëm Argita dhe Shkëlzeni mund të trashëgojë natyrshëm këtë Parti, të tjerat janë fjalë dhe tinguj plot fantazi të Flautit magjik, që ja mbërriti deri këtu!
Se çdo bëjnë kecat që ju fal ca kohë e drejta të ulurinj si këlyshë ujqish, është çështje garniture dhe sallaturinash… rizgjimi i tyre do të jetë një dramë e vockël dhe e parëndësishme.
Game over!
Sali Berisha në poltronën e PD ndërsa Edi Rama, në poltronën e kryeministrit, edhe për një mandat të katërt!
Kjo është marrëveshja, që të gjithë do ta mohojnë dhe do të përbetohen, se nuk ka ndodhur kurrë!
Dhe madje, shumë kush do ti besojë këto përbetime, për të “mirën” e Shqipërisë dhe shqiptarëve.
Spak, nëse do të vazhdosh të jesh SPAK-u! Është rasti ta kesh mirë mendjen, tash e tutje!
Kaq për sot…
Shkrime
Asgjë e re nga Fronti i Lindjes në “Botën serbe”
![](https://ntv.al/wp-content/uploads/2024/06/q1-1.jpg)
Nga Enver Bytyçi
Të dielën u zhvillua parada e asaj që quhet “Bota serbe”! Ceremonia e kësaj parade u zhvillua në Beograd dhe morën pjesë deputetët dhe zyrtarë të lartë të Serbisë, Republikës Srpska, si dhe ata të Listës Srpska të Kosovës. U përfaqësuan në këtë asamble paradë edhe përfaqësuesit e Kishës Ortodokse të Serbisë, si dhe anëtarët e akademive të Shkencave të Beogradit dhe Banja Lukës. U konstitua një organ jo legjitim, por që paraqet rrezik për paqen dhe stabilitetin e rajonit të Ballkanit Perëndimor. U miratua dhe një dokument, të cilin parlamenti i Republikës Srbska do ta miratohet në korrik, d.m.th në kohën kur nga këta serbë u krye para 25 vitesh Masakra e Srebrenicës.
Manifestimi i 8 qershorit ishte një lloj demonstrimi force kundër Perëndimit, kundër popujve dhe shteteve të tjera të rajonit e sidomos kundër Kosovës, shqiptarëve, si dhe kundër boshnjakëve dhe Bosnjë-Hercegovinës. Ai i ngjante mitingut të madh të Milosheviçit në Fushë-Kosovë më 28 qershor 1989. I ngjan memorandumeve të Akademisë së Shkencave dhe të Arteve të Serbisë për asgjësimin e elementit shqiptar në Ballkan e sidomos në trevat e ish-Jugosllavisë. Por ka një qasje edhe si ato të memorandumeve të Sinodit të Kishës Ortodokse të Serbisë.
Aty u bënë bashkë të gjitha elitat serbe në Ballkan me qëllim që të mobilizohen për mbrojtjen e asaj që Aleksandër Vulin e quan “Bota serbe”!
sigurt është se të gjithë politikanët serbë në Serbi, në Republikën Srpska dhe në Kosovë duan të strehohen nën çatinë e nacionalizmit ultrashovinist. Milorad Dodik, Aleksandër Vulin, kryeministri i ri i Serbisë, ministri Ivica Daçiq e disa të tjerë janë më entuziastë për këtë, sepse i besojnë Botës ruse të Vladimir Putin dhe Aleksandër Dugin në Moskë. Dodik sapo u kthye nga Petersburgu, ku takoi presidentin Putin. Nuk ishte rastësi vizita e tij dhe takimi me Putin pas përpjekjeve të fundit për shpalljen e Republikës së Pavarur Srpska dhe në prag të këtij takimi të madh nacionalist të së shtunës në Beograd.
Të gjithë këta ishin shumë optimistë për atë që po ndodhte dhe janë gati që të ndezin sërishmi një konflikt tjetër në Ballkan në emër të Serbisë së Madhe.
Por, presidenti Vuçiq ishte i dyzuar. Ndërsa fliste për Botën serbe, thoshte se respekton DAYTO-n dhe vendimet e tij për krijimin dhe funksionimin e shtetit të Bosnjë-Hercegovinë. Foli për unitet, për kohët e vështira që e presin Serbinë, por u angazhua për “paqe”! Pra, vetëm Vuçiq shfaqi dualitetin e vet, me të cilin ka operuar gjatë një dekade. Dhe me këto dy fytyra e kanë besuar perëndimorët. Mendon se do ta besojnë sërishmi. A do t’ia dalë? Nuk besoj! Sepse janë bashkëpunëtorët e tij në qeverisje po e dekonspirojnë atë vazhdimisht. Sepse është Kisha Ortodokse dhe Akademia serbe që vendosin për rrugën që do ndiqet. Ai pushtetin e tij e mbron me nacionalizmin e këtyre aktorëve në Serbi.
Dhe në thelb është i detyruar të veprojë sipas programeve kishtare dhe akademike të përkrahura nga shumica dërmuese e politikanëve serbë, pra për “Botën serbe” edhe me mjete ushtarake. Për pasojë nuk ka ndodhur të shtunën diçka e paparashikuar! Gjithçka që u bë pardje në Beograd, është skenar i praktikuar nga Serbia për më shumë se një shekull! Asgjë e re nga Fronti i Lindjes së “Botës serbe”!
-
Politike5 hours ago
Vula te Berisha/ Nisin largimet nga grupi i Bashës, deputetja: Jam dhe do të mbetem pjesë…
-
Lifestyle11 hours ago
Nuk e keni ditur më parë! Të laheni rrallë sjell përfitime në shëndetin tuaj, zbulojini cilat janë
-
Pinknews4 hours ago
Stresi i hap vetes një beteje të re/ Futet në konflikt me reperin e njohur
-
Kosova10 hours ago
Befason Xhejmi Shea: Ja fajtorët për ngecjen e dialogut Kosovë-Serbi…
-
Politike5 hours ago
Vula te Berisha/ Ja deputetja e parë që largohet nga Basha dhe bashkohet me Grupin Parlamentar të PD
-
Horoskopi16 hours ago
Do të dini të jeni shumë të zgjuar dhe strategjik dhe do të keni mundësi të përfitoni nga…
-
Pinknews2 hours ago
Sara postoi foton teksa kafshonte Bardhin, por komenti i Eglës merr gjithë vëmendjen
-
OPINION3 hours ago
Nata e “thikave te gjata”/ Vula që shkon te Berisha rikthen në shtëpinë e madhe të penduarit e Bashës