“Jo të gjithë kalojmë periudha të bukura”, Xhensila Myrtezaj ndan me fansat çastet e vështira, falenderon psikologen

Artistja u shpreh se ka kaluar edhe periudha të vështirë në jetë dhe me këtë deklaratë, falënderoi psikologen e saj, që ishte e pranishme në sallë, Adelina Pjetrën. Veçanërisht, Xhensila u ndal te periudha e shtatzënisë.

“Dua të bëj një monolog të vogël. Ndodh ndonjëherë që jo të gjithë kalojmë periudha të bukura, por e rëndësishme është që të kesh njerëzit e duhur në krah. Adelina të falënderoj shumë zemër, për gjithçka, për gjithë suportin që më ke dhënë në të gjithë rrugëtimin tim dhe gjatë gjithë shtatzënisë sime. Ishe një krah i fortë, faleminderit shumë”, tha këngëtarja.

E emocionuar nga kjo deklaratë e papritur, psikoterapistja e saj publikoi videon në rrjetet sociale. “Faleminderit Xhensila Myrtezaj, ishte një surprizë e bukur, nuk e prisja”, shkruan ajo krahas videos.