Vuçiç nuk “heq dorë” nga Putini: Serbia do të vazhdojë të ketë marrëdhënie shumë të mira me Rusinë

Presidenti i Serbisë Aleksandër Vuçiç ka deklaruar se vendi i tij do të vijojë të mbajë marrëdhënie me Moskën.

Një deklaratë e tillë vjen pavarësisht këmbënguljes së herë pas hershme të Bashkimit Europian që Beogradi të mbajë qëndrim e t’u bashkohet sanksioneve të ndërmarra kundrejt Rusisë, që nga nisja e luftës në Ukrainë.

“Niveli i marrëdhënieve ndërmjet Serbisë dhe Rusisë është shumë i mirë dhe do të mbetet i tillë pavarësisht keqbërësve. Ne kemi marrëdhënie të mira, shumë të mira me Federatën Ruse, dhe ato do të vazhdojnë pavarësisht nga të gjithë ata që do të donin që ne të mos i kishim ato. Ashtu siç do të vazhdojmë rrugën tonë evropiane pavarësisht të gjithë atyre që do të donin që ne të ndalonim këtu, dhe këta nuk janë njerëz me mendje pro-ruse”, u shpreh ai, raporton media serbe TASS.

Më herët, Vuçiç u shpreh se Serbia synon të ndjekë politikën e saj në përputhje me planet për t’u anëtarësuar në Bashkimin Evropian, por do të mbajë qëndrimin e saj për refuzimin për t’iu bashkuar sanksioneve anti-ruse.