Spiropali vizitë në qendrën e të moshuarve: Ka ardhur koha që pensionet të rriten

Duke biseduar me të moshuarat e të moshuarit që jetojnë në këtë qendër, Kryetarja Spiropali u  angazhua në emër të Kuvendit për përmirësimin e legjislacionit mbi  mirëqenien e të moshuarve, ofrimin e shërbimeve të ndihmës e kujdesit ekonomik, shëndetësor dhe social,  rritjen e kapaciteteve të institucioneve të kujdesit për të moshuarit etj.

“Le ta konsiderojmë këtë ditë si një mundësi për të reflektuar mbi përgjegjësinë e përbashkët për rritjen e kujdesit ndaj të moshuarve. Nëpërmjet ndërhyrjeve legjislative, programeve e masave të qeverisjes, mbështetjes komunitare apo angazhimit të qytetarëve, të kontribuojmë për të ndërtuar një shoqëri ku të moshuarit të gëzojnë shëndet, mirëqenie dhe dinjitet. Me respekt e mirënjohje për kontributin e të moshuarve  në shoqëri dhe edukimin e brezave.

Jam dakord që ka ardhur koha që pensionet të rritën dhe të jenë më të larta dhe ne po bëjmë një politike për këtë fundvit, për në dhjetor qe për te rritur pensionet ne mënyrë të konsiderueshme. Nuk është një barrë e lehtë për buxhetin sepse janë rreth 730 mijë pensionistë dhe besoj secili e bën llogarinë ne fund se sa i kushton buxhetit. Por pensionistët e meritojnë sepse kanë dhëne kontribut për ketë vend, kanë punuar ne kohë të vështira…”, u shpreh Spiropali.