Durrës/ Makinat përplasen me njëra-tjetrën, ndërron jetë 37-vjeçari

Një aksident me pasojë vdekjen ka ndodhur sot në qytetin e Durrësit.

Dy makina janë përplasur në lagjen nr. 13, Durrës, në rrugën “Martin Camaj”.

Si pasojë e përplasjes ka ndërruar jetë një 37-vjeçar, teksa janë plagosur edhe drejtuesja e automjetit tjetër dhe pasagjerja.

“Më datë 27.02.2025, në lagjen nr. 13, Durrës, në rrugën “Martin Camaj”, automjeti me drejtues shtetasin  Rinor Lami, 37 vjeç, është përplasur me automjetin me drejtuese shtetasen Trëndelina Çaushi 49 vjeçe.

Si pasojë ka humbur jetën në vendngjarje shtetasi  Rinor Lami dhe janë dëmtuar shtetasja Trëndelina Çaushi dhe pasagjerja në automjetin e saj, shtetasja Kiara Dida, të cilat ndodhen në kujdesin e mjekëve”, informoi sot policia.

Grupi hetimor po punon për zbardhjen e rrethanave të aksidentit.