Lufta e re…Rusia sulmoi me 415 dronë dhe 42 raketa, Polonia paralajmëron qytetarët

Ngjarja ndodhi mes rëndimit të situatës së sigurisë në lindje të vendit. Kryebashkiaku Mariusz Zanko deklaroi se banorët dëgjuan shpërthimin dhe panë avionë luftarakë polakë duke patrulluar në zonë.

Ky incident përforcon pasigurinë në zonat kufitare të Polonisë, në një kohë kur vendi ka rritur gatishmërinë ushtarake për shkak të shkeljeve të përsëritura të hapësirës ajrore nga dronë rusë gjatë sulmeve ndaj Ukrainës.

Ushtria polake falënderoi NATO-n dhe Holandën për ndihmën në sigurimin e qiellit mbi Poloni duke vendosur avionë luftarakë F-35 pas një sulmi me dron rus.

Sistemet e mbrojtjes ajrore tokësore dhe të zbulimit me radar janë rikthyer në operacione normale, shtoi Ushtria në X, duke deklaruar se operacioni ka përfunduar.

“Operacionet nga forcat ajrore polake dhe aleate në lidhje me shkeljet e hapësirës ajrore polake kanë përfunduar. Kërkimi dhe vendndodhja e vendeve të mundshme të ndikimit të objekteve që kanë shkelur hapësirën ajrore polake është duke u zhvilluar.

Duke pasur parasysh sigurinë e qytetarëve, ne i bëjmë thirrje kujtdo që vëren një objekt të panjohur ose mbeturinat e tij të mos i afrohet, prekë ose lëvizë atë. Objekte të tilla mund të përbëjnë një kërcënim dhe përmbajnë materiale të rrezikshme. Ato duhet të inspektohen plotësisht nga shërbimet përkatëse”, raportoi ushtria polake.

Polonia është e gatshme t’i përgjigjet çdo sulmi apo provokimi, tha kryeministri polak Donald Tusk pasi Polonia rrëzoi dronë rusë që hynë në hapësirën e saj ajrore.

“Po përballemi me një provokim në shkallë të gjerë… Jemi të gatshëm të sprapsim provokime të tilla. Situata është serioze dhe askush nuk dyshon se duhet të përgatitemi për skenarë të ndryshëm. Inkursioni i dronëve rusë në hapësirën ajrore polake nuk ishte rastësi”, tha kryeministri polak Donald Tusk, duke shtuar se ishte “një sulm në shkallë të gjerë”.

………………………

Presidenti i Polonisë pritet të kryesojë një takim urgjent mbi sigurinë kombëtare, ndërsa kryeministri Donald Tusk ka deklaruar se operacioni është ende në vazhdim dhe se është në kontakt të drejtpërdrejtë me shefin e NATO-s. Ai ka thirrur gjithashtu një mbledhje të jashtëzakonshme të kabinetit qeveritar brenda orës.

Për shkak të situatës, qytetarëve në tre rajone kufitare, përfshirë rajonin Mazowieckie ku ndodhet kryeqyteti Varshava, u është kërkuar të qëndrojnë në shtëpi dhe të strehohen. Në të njëjtën kohë, operacionet në katër aeroporte janë pezulluar, përfshirë aeroportin ndërkombëtar Chopin në Varshavë, pasi hapësira ajrore e vendit është mbyllur përkohësisht.

Rusia shkeli hapësirën ajrore polake, Kievi: Putini po e vë Perëndimin në provë, BE duhet të përgjigjet me forcë

Presidenti rus Vladimir Putin po e vë në provë Perëndimin dhe do të vazhdojë ta bëjë këtë “nëse nuk ka një përgjigje të fortë” ndaj veprimeve të tij. Kështu shkroi ministri i Jashtëm ukrainas, Andriy Sybiha në një postim në X, duke komentuar ndërhyrjen e dronëve rusë gjatë natës në hapësirën ajrore polake.Ai bëri gjithashtu thirrje Evropës të ofrojë një “përgjigje të fortë” për të parandaluar që shkelje të ngjashme të ndodhin përsëri.

“Putin vazhdon të përshkallëzojë, të zgjerojë luftën e tij dhe të vërë në provë Perëndimin. Një përgjigje e dobët sot vetëm sa do ta provokojë më tej Rusinë, dhe raketat dhe dronët rusë do të fluturojnë edhe më thellë në Evropë”, shtoi ai.