Ukraina godet uzinën kimike ruse me raketa Storm Shadow

Ukraina ka goditur një uzinë kimike ruse me raketa Storm Shadow, tha ushtria e saj, duke iu referuar armës me rreze të gjatë veprimi të prodhuar në Mbretërinë e Bashkuar.

Duke e quajtur sulmin “një goditje të suksesshme” që depërtoi në sistemin rus të mbrojtjes ajrore, shtabi i përgjithshëm i forcave të armatosura të Ukrainës tha se ata ende po vlerësonin rezultatin e sulmit “masiv”.

Kremlini e ka paralajmëruar Perëndimin të mos i japë Ukrainës armë të afta për sulme me rreze të gjatë veprimi, por Kievi thotë se është e domosdoshme të synohen objektet ruse që luajnë një rol kyç në luftën e Moskës kundër Ukrainës.

Shtoi se uzina “prodhon barut, eksplozivë dhe përbërës të karburantit për raketa që përdoren në municione dhe raketa të përdorura nga armiku për të bombarduar territorin e Ukrainës”.