Lufta s’ka përfunduar/ Trump: Na kanë mbetur pa goditur edhe 3554 objektiva

Një muaj nga sulmi që SHBA dhe Izraeli ndërmori kundër Iranit, presidenti Donald Trump deklaroi se ‘lufta ende nuk ka përfunduar’ dhe se ‘SHBA-ja ende ka 3,554 objektiva të tjera” për të goditur në Iran.

E megjithatë, I pranishëm në samitin ekonomik ndërkombëtar  FII (Future Investment Initiative) në Miami të premten, Trump përsëriti edhe një herë se ‘lufta do të përfundojë shumë shpejt’.

Për Sekretarin amerikan të Shtetit, Marco Rubio, Shtetet e Bashkuara planifikojnë të përfundojnë operacionin e tyre në Iran brenda “javësh, jo muajsh”.

Pas përfundimit të takimit të ministrave të Jashtëm të G7 në Francë, deklaroi se Shtetet e Bashkuara  ai tha se SHBA-të mund të arrijnë objektivat e tyre “pa dislokuar trupa tokësore”

Megjithëse burime të cituara nga CBS Neës, aeroplanmbajtësja USS George HW Bush, një bazë ajrore lundruese që mund të mbajë mbi 80 avionë, do të vendoset në Komandën Qendrore të SHBA-së në Lindjen e Mesme.

Anija transportuese masive dhe grupi i saj goditës përfunduan trajnimin para vendosjes në fillim të këtij muaji dhe tani mund t’i bashkohen operacioneve amerikane në Iran, thanë zyrtarët amerikanë për CBS.

Nuk dihet nëse do t’i bashkohet apo do të zëvendësojë aeroplanmbajtëset amerikane që janë tashmë në rajon.

Ndërkohë dy shkatërrues me raketa të telekomanduara – USS Donald Cook dhe USS Mason – u nisën gjithashtu nga SHBA-të këtë javë në rrugën e tyre për t’u bashkuar me operacionet amerikane në Iran. Dhe një tjetër, USS Ross, është larguar gjithashtu nga SHBA-të këtë javë, megjithëse destinacioni i tij nuk është ende publik.

E në këtë luftë Trump është ‘shumë i zhgënjyer; për mos mbështetjen nga NATO

“Unë gjithmonë kam thënë se NATO është një tigër prej letre. Dhe gjithmonë kam thënë se ne e ndihmojmë NATO-n, por ata kurrë nuk do të na ndihmojnë neve” tha ai forumin e investimeve në Miami.

Ai shtoi se duke qenë se vendet e NATO-s nuk e kanë ndihmuar Amerikën në luftën kundër Iranit, Shtetet e Bashkuara mund të mos kenë më nevojë të jenë aty për aleatët e tyre duke lënë të kuptohet mundësinë e uljes së financimit për NATO-n, pasi disa aleatë evropianë refuzuan të kontribuojnë në operacionet ushtarake kundër Iranit dhe në sigurimin e ngushticës së Hormuzit.

“Mendoj se ishte ngabim i madh që NATO nuk ishte e pranishme, Ne shpenzojmë qindra miliarda dollarë në vit për NATO-n, për t’i mbrojtur ata. Ne gjithmonë kemi qenë aty për ta, por tani, duke parë sjelljen e tyre, mendoj se nuk është më e nevojshme, apo jo? Pse të jemi ne për ta nëse ata nuk janë aty për ne?” deklaroi Trump në  forumin e investimeve në Miami, Florida, citon CNN.

“Kjo tingëllon si një lajm i ri? Po, zotëri. A është lajm i ri? Mendoj se sapo kemi një lajm të ri, por kjo është e vërteta. Kam thënë gjithmonë këtë. Pse të jemi ne për ta nëse ata nuk janë aty për ne? Ata nuk ishin aty për ne,” shtoi Trump.

Aleatët evropianë të Uashingtonit nuk u konsultuan nga SHBA-ja për vendimin për të sulmuar Iranin në fund të muajit të kaluar, së bashku me Izraelin, dhe shumë liderë të aleancës NATO kanë kundërshtuar këtë veprim.