Në rast se vuani nga alergjitë, atëherë nuk duhet të merrni vaksinën Pfizer / BioNTech

Pas shfaqjes së reaksioneve alergjike tek dy punonjës shëndetësore në Mbretërinë e Bashkuar, Rregullatori i medikamenteve në vend thotë se kushdo që ka një histori të reaksioneve alergjike “të rëndësishme” ndaj ushqimit, ilaçeve ose vaksinave nuk duhet të marrë vaksinën antiCOVID.

NHS konfirmoi se dy anëtarë të stafit që morën dozën e parë të martën – në ditën e parë të programit të vaksinimit masiv – pësuan një reaksion alergjik.

Pas incidentit, Agjencia Rregullatore të Barnave dhe Produkteve Shëndetësore (MHRA)  tha se kushdo që ka një histori të reaksioneve alergjike “të rëndësishme” nuk duhet të marrë vaksinën.

Profesor Stephen Powis, drejtor kombëtar mjekësor në Angli, tha: “Siç ndodh rëndom me vaksinat e reja, MHRA ka këshilluar mbi baza paraprake që njerëzit me një histori të konsiderueshme të reaksioneve alergjike nuk duhet të marrin këtë vaksinë”.

Lajmi erdhi ndërsa Dr June Raine, shefi ekzekutiv i MHRA, i cili miratoi vaksinën e Pfizer / BioNTech, tha se rregullatorët në SHBA po kërkojnë të përfundojnë shqyrtimin e tyre të vaksinës së shpejti.

Dr Raine shtoi se ajo nuk ishte në gjendje të jepte një “datë të caktuar” kur do të përfundonte rishikimi i vaksinës  të krijuar në vend nga bashkëpunimi  i Oxford / AstraZeneca.