Aktualitet
‘Kërciti arma, u gjakosën njerëzit’, pamje nga sherri në ish-bllok
Një sherr masiv mes disa personave ka ndodhur në një nga zonat më të populluara në kryeqytet, në atë të ish-Bllokut.
Ngjarja ka ndodhur në lokalin “Check Point”, ku mësohet se disa persona janë konfliktuar duke qëlluar njëri-tjetrin me sende të forta, gota, karrige madje raportohet se pjesë e sherrit ka qenë edhe një punonjës policie i Komisariatit nr.1 në Tiranë, i identifikuar me inicialet D. D, 26 vjeç.
Sipas burimeve mediatike bëjnë me dije se efektivi i policisë i cili u përfshi në sherr mbante në brez armën e shërbimit.
- 3 të plagosur te Trauma, AMP dhe Prokuroria nisin hetimet
Ndrëkaq si pasojë e sherrit në fjalë, 3 persona kanë shkuar më dëmtime në Spitalin e Traumës në kryeqytet.
Burimet mediatike pohuan se pjesë e sherrit ka qenë edhe një familjar i një prej drejtuesve të Policisë së Shtetit, i cili është shoqëruar në komisariat bashkë me dy persona të tjerë.
Po të njëjtat burime shtojnë se AMP dhe Prokuroria kanë nisur hetimet. Një prej personave të shoqëruar është shtetasi S.D, një emër i njohur për policinë, pasi më heret ka qenë shkaktar i një aksidenti të rëndë në kryeqytet.
- Denoncimi i dëshmitarit: Në “Checkpoint Club” kërciti arma si në Sinaloa, Mexico
Një qytetar i është drejtuar redaksisë së JOQ Albania me një mesazh, ku shkruan se pak pas mesante në një klub nate në Tiranë ka ndodhur një përplasje me armë. Me nënshtetësi italiane, shqiptari që ka ardhur në Tiranë me pushime, shkruan se në një klub nate, të quajtur “Checkpoint Club”, ka parë ngjarje makabër me sy.
Sipas qytetarit, në këtë lokal nate, ka kërcitur pistoleta, si të ishte në Sinaloa Mexico. Më tej, qytetari, i cili ka qenë dëshmitarë në vendin e ngjarjes, shkruan se gjatë konfliktit të dhunshëm në lokalin e natës, “Checkpoint Club” ka pasur edhe gjuajte me gota kokës.
I shqetësuar pas ngjarjes, qytetari kërkon të dijë se përse bodyguard-ët e lokaleve të natës, nuk bëjnë kontrollet minimale të personave që futen në klub. Ndërkohë nuk dihet nëse nga ngjarja ka të plagosur apo viktima, teksa pritet një njoftim nga policia.
Mesazhi i qytetarit: “Pershendetje joq. Jam nje qytatar shqiptar me nenshtetesi italiane erdha me pushime ne tirane dola ne nje club i cili quhet checkpoint pashe makaber me sy kerciti pistoleta si te ishim ne sinaloa mexico kerciten gotat kokes u gjakosen njerzit nuk e kuptoj kto lokalet nates me badigard te cilet nuk bejme minimale nje kontroll tek dera, mjer ne ku jetojme”.
Lidhur me ngjarjen ka reaguar kamarieri i lokalit të natës. Për JOQ, punonjësi i klubit shkruan se nuk ka pasur përplasje me armë, por vetëm thjesht janë zënë me grushte.
- Pamjet VICEO nga sherri mes të rinjve:
- Reagimi i Taulant Ballës, paralajmëron ‘Vetëpastrim të Policisë’
“Vetëpastrimit të Policisë së Shtetit do t’i shkohet deri në fund dhe asnjë rast i shkeljes së ligjit dhe normave etike nuk do të tolerohet”. Kështu u shpreh sot ministri i Brendshëm, Taulant Balla në një reagim në rrjetet sociale nisur nga rasti i një punonjësi policie të përfshirë në një konflikt fizik mes palëve.
“Rikthimi i plotë i besimit të qytetarëve tek Policia e Shtetit është përpjekja ime kryesore si Ministër i Brendshëm dhe e drejtuesve të Policisë së Shtetit, me angazhimin për tu ofruar qytetarëve nivelin e duhur të sjelljes, profesionalizmit dhe shërbimit të sigurisë publike.
Duhet gjithashtu të jetë e qartë se kush nuk i bindet urdhërit/thirrjes së ligjshme të policit, ose më rëndë akoma e kundërshton me forcë, guxon ta fyejë, ta agresojë, ta kanosë, ta godasë apo larg qoftë t’i rrezikojë jetën në ushtrim të detyrës apo për shkak të detyrës, duhet ta ketë të qartë që toleranca do të jetë zero”, tha Balla.
Por, vijoi ministri i Brendshëm, “në rast se një punonjës i Policisë së Shtetit, siç jam informuar sot duke u gdhirë në Tiranë, bëhet palë në një konflikt fizik, ndërsa do të duhej të ndërhynte menjëherë në vendosjen e rregullit, atëherë ky individ nuk mund të qëndrojë më për asnjë çast në Policinë e Shtetit”.
“Ndërkohë AMP dhe Prokuroria të vazhdojnë verifikimet dhe hetimet e tyre ligjore”, perfundoi Balla.
Aktualitet
Ilir Meta: Monika më ka nxitur të merrem me palestër, po bëj gjithçka që të motivoj të rinjtë
Ilir Meta, përgjatë muajve të fundit e ka marrë shumë seriozisht palestrën dhe e kemi parë mjaft të fokusuar në ushtrimet fizike.
Por, kush e ka inspiruar vallë Metën që t’i futet më kokë aktivitetit fizik? Epo, kush tjetër veçse bashkëshortja e tij Monika Kryemadhi e cila po ashtu ushtrohet pothuajse çdo ditë. I ftuar në “News 24”, Meta tha se Monika e ka motivuar që ai t’i futet sportit.
“Me aktivitetet e mia sportive kam dashur te jap mesazhin per mbrojtjen e shendetit nepermjet sportit Garat na ndihmojne te gjitheve.
Pa stervitje dhe pa djersitje nuk ka arritje. Monika ka qene nje nga nxiteset qe une te merresha me palester.
Me pelqen qe shoh shume njerez qe merren me sport dhe sterviten ne palester. Po bej gjithcka qe te motivoj te rinjte te merren me sport.
Kujtojmë se mes Metës dhe Kryemadhit kohët e fundit ka pasur përplasje politike, e cila është konfirmuar nga të dy. Gjithashtu kohët e fundit, raportohet se ata nuk jetojnë më në një shtëpi, pasi siç tha Monika Kryemadhi, janë futur palë të treta, që nuk i kanë ndarë vetëm politikisht.
Aktualitet
Skema e re e pensioneve: Do të rriten më shumë të ardhurat për rezidentët dhe ata që banojnë në fshat
Teksa opozita kërkon të miratohet një minimum jetik për çdo shqiptar që ka mundësi të kufizuara mirëqenieje, qeveria po rishikon skemën e pensioneve.
Sipas të dhënave brenda vitit do të ketë një skemë e cila do të marrë në konsideratë dy elemente kryesor. Milva Ekonomi deputete e mazhorancës zbardhi disa detaje nga kjo skemë e cila po negociohet me bankën botërore
“Nuk ka ende detaje konkrete, por në parim dy janë shtyllat kryesore që po shihen. Së pari rezidentët brenda dhe jashtë vendit si dhe pensionistët urban dhe rural. E thënë ndryshe, prioritet në rritjen e pensionit do të kenë ata pensionistë që jetojnë në Shqipëri, më shumë se ata që kanë një rezidencë jashtë Shqipërie. Natyrisht edhe ata jashtë do të përfitojnë rritje pensioni, por me një diferencim në indeksim që bën qeveria vit pas viti. Këto janë planet e ministrisë së Financave”, sqaroi Ekonomi në emisioni E-ZONE.
Aktualitet
Konfindustria kërkon ndërhyrje urgjente për Durrës-Tiranë, të hetohet korrupsioni te rrugët
Konfindustria përmes një njoftimi publik i kërkon ekzekutivit që të ndërhyjë për të përmirësuar situatën mjaft të vështirë të dy akseve rrugore më strategjike të vendit, konkretisht: Tiranë-Durrës dhe Durrës-Rrogozhinë.Segmentet rrugorë të mësipërm janë tërësisht jashtë standarteve teknike të lejueshme, përveç pamundësisë për të përballuar ngarkesën e lartë të lëvizjes të qytetarëve dhe bizneseve, paraqesin dhe rrezik mjaft të lartë për aksidente me pasoja fatale për jetën- thuhet në njoftimin për shtyp.
Konfindustria vlerëson, se ndërhyrjet përmirësuese në akset rrugore, që lidhin kryeqytetin dhe portin kryesor të Shqipërisë, është e domosdoshme të kryhet para fillimit të sezonit turistik 2024. Gjëndja plotësisht jashtë standarteve e segmenteve rrugore në fjalë janë goditje e rëndë edhe për turizmin shqiptar.
Konfindustria gjithashtu, i kërkohet institucioneve të drejtësisë dhe SPAK të vlerësojnë mundësinë e shkallës së lartë të korrupsionit në sistemin e tenderimit të mirëmbajtjes rrugore ku, megjithëse shpenzohen me qindra milionë Euro, gjëndja paraqitet e papranueshme. Institucioni ka marrë si shembull akset rrugore Tiranë-Durrës dhe Durrës-Rrogozhinë që ishin gjithashtu pjesë e projektit të rehabilitimit të rrugëve prej 80 milionë dollarësh të Bankës Botërore të mbyllur së fundmi, krahas financimit të buxhetit vjetor.
Marrë nga Monitor
Aktualitet
Vranë djalin dhe tentuan t’a fshehin si aksident, Prokuroria e Korçës përfundon hetimet dhe dërgon në gjyq prindërit
Vrau të birin dhe tentoi t’a fshehë si aksident, Prokuroria Korçë përfundon hetimet dhe dërgon në gjyq prindërit
Prokuroria pranë Gjykatës së Shkallës së Parë të Juridiksionit të Përgjithshëm Korçë, mbylli hetimet dhe dërgoi në gjyq shtetasit Sh.B. i akuzuar për kryerjen e veprës penale të “Vrasje për shkak të marrëdhënieve familjare” si dhe shtetasen H.B. për kryerje të veprës penale “Deklaratat e rreme para oficerit të policisë gjyqësore”, parashikuar nga neni 305/ i Kodit Penal.
Nga tërësia e provave të grumbulluara gjatë hetimit për procedimin penal nr.126/2023, rezulton e provuar se në datën 17.02.2023, rreth orës 16:00, është marrë njoftim se në Urgjencën e Spitalit Rajonal Korçë, ishte transportuar me autoambulancë për të marrë ndihmë mjekësore shtetasi H. B., me dëmtime në pjesën e kokës. Ky shtetas, pak çaste më vonë, ka ndërruar jetë në ambientet e reanimacionit të këtij spitali. Sipas pretendimeve të para të familjarëve, ai ishte rrëzuar dhe kishte vrarë kokën, në oborrin e banesës, duke qenë në gjendje të dehur.
Nga veprimet hetimore, rezultoi se ngjarja e paraqitur si aksidentale, në fakt ishte ngjarje kriminale dhe në orën 02:00, të datës 18.02.2023, u bë arrestimi në flagrancë i babait të viktimës, shtetasit Sh. B., si i dyshuar për kryerjen e kësaj vepre penale, konkretisht “Vrasja për shkak të marrëdhënieve familjare”, parashikuar nga neni 79/c i K.Penal”, i cili pranoi autorësinë e krimit.
Është marrë deklarim nga shtetasia H.B., mamaja e viktimës, e cila ka deklaruar se i biri është kthyer nga Franca pasi është divorcuar me të shoqen dhe që atëherë konsumonte shumë alkool. Ajo ka qenë me bashkëshortin në banesë kur ka dëgjuar zhurmën e derës së oborrit. Ata kanë dalë dhe kanë parë Hamdiun, i cili ishte i gjakosur nga koka dhe ata e kanë futur në shtëpi. Çka nuk rezultoi e vërtetë.
Sa më sipër, nga tërësia e veprimeve hetimore të kryera dhe aktet e administruara në fashikullin e procedimit penal, rezulton e provuar se shtetasi Sh. B., ka konsumuar elementët e veprës penale të parashikuar nga neni 79/c i Kodit Penal, pasi me veprimet e tij aktive, të kundërligjshme, të kryera me dashje, ka vrarë djalin e tij, shtetasin H.B.
Në rastin konkret, autori me dashje dhe me vullnet të plotë si dhe me qëllimin për ta vrarë, ka goditur djalin e tij në kokë, disa herë. Ai ka marrë dhe ka përdorur çekiç gurësh dhe dru zjarri si armë të krimit dhe pasi i ka dhënë goditjet fatale të birit, është përpjekur ta mbulojë krimin si vetëdëmtim të viktimës, duke përforcuar idenë që veprimet e tij në drejtim të vrasjes të të birit kanë qënë të vullnetshme dhe të qëllimta për të sjellë pasojën e dëshiruar, humbjen e jetës të të birit.
Sa më sipër e bazuar në kërkesat e nenit 331 të K.Proc.Penale Prokuroria pranë Gjykatës së Shkallës së Parë Korçë, kërkoi:
– Dërgimin në gjyq të çështjes penale Nr.126/2023 me të pandehur shtetasin Sh. B., akuzuar për kryerjen e veprës penale të “Vrasja për shkak të marrëdhënieve familjare”, parashikuar nga neni 79/c i K.Penal dhe me të pandehur shtetasen H. B., akuzuar për kryerjen e veprës penale “Deklaratat e rreme para oficerit të policisë gjyqësore”, parashikuar nga neni 305/b i Kodit Penal
Aktualitet
VIDEO/ Qentë e rrugës në Vlorë kafshojnë turisten buzë lungomares
Një incident është regjistruar mëngjesin e kësaj të diele në Vlorë, ku një turiste e huaj është kafshuar nga qentë e rrugës.
Ngjarja ka ndodhur buzë lungomares, ku turistja, një vajzë në moshë të re, kishte dalë për të vrapuar. Siç shihet edhe në videon e mëposhtme, katër qenësh rruge i janë sulur, duke e kafshuar në këmbë.
Banorët e zonës i kanë dhënë ndihmën e parë turistes, duke e dezinfektuar plagën me alkool. Ky nuk është incidenti i parë që qentë e rrugës sulmojnë qytetarët.
-
Horoskopi5 hours ago
Distanca me partnerin ju ka krijuar jo pak probleme, ndaj sot këshillohet që të…
-
Kronike21 hours ago
FOTO/ Makina e shkatërruar në anët e rrugës, si ndodhi aksidenti që i mori jetën të 20-vjeçarit
-
Politike20 hours ago
Analiza për vizitën e Ramës në Athinë/ Monika Stafa: Kthehuni në Itakë
-
Rajon20 hours ago
Silianovska e quajti vendin e saj “Maqedoni”, ambasadorja e Greqisë braktis ceremoninë e betimit të Presidentes
-
Aktualitet20 hours ago
Konfindustria kërkon ndërhyrje urgjente për Durrës-Tiranë, të hetohet korrupsioni te rrugët
-
Politike20 hours ago
“Laskarina Boubulina, shqiptare”/ Mediat greke: Rama falsifikues i historisë
-
Politike22 hours ago
Mediat greke jehonë disa mbështetësve të PD, dolën në protestë kundër Ramës në Athinë
-
Kronike23 hours ago
FOTO/ Ky është 20-vjeçari që vdiq në aksident, shoku i tij në gjendje të rëndë