Connect with us

Aktualitet

Manastirliu: Rimbursim 100% nga shteti për trajtimin ambulator për Covid-19

Ministrja e Shëndetësisë dhe Mbrojtjes Sociale, Ogerta Manastirliu, nga qendra shëndetësore Nr.2 në Tiranë, tha se është siguruar financimi i plotë për paketat e trajtimit ambulator falas për pacientët që trajtohen në shtëpi.

“Rimbursimi 100% dhe financimi nga shteti për paketën e trajtimit me barna për të gjithë qytetarët të cilët kanë forma të lehta dhe të moderuara të sëmundjes, është një tjetër hap drejt mbështetjes së qytetarëve, drejt angazhimit dhe kujdesit që qeveria shqiptare ka për gjithë qytetarët shqiptarët”, tha Manastirliu.

Duke folur për lehtësinë e përfitimit të barnave në banesë, mundësuar falë sistemit elektronik në rrjetin e qendrave shëndetësore, Manastirliu tha: “Është lehtësia që ne tashmë kemi vendosur jo vetëm për diagnozën Covid19 por edhe për diagnoza të tjera në sistem, që mundëson rimbursimin e shpejtë. Në fakt gjatë gjithë periudhës së pandemisë qytetarëve të cilëve i’u është dashur që të marrin barna me rimbursim, i kanë marrë pikërisht nëpërmjet kodit elektronik dhe vendosjes në lidhje direkte të mjekut të familjes, qytetarit dhe farmacisë”.

Mjekët e familjes shpjeguan procedurën që ndiqet për përfitimin e barnave me rimbursim.

“Tashmë kemi filluar dhe pjesën e rimbursimit, gjithmonë në fazën dhe në stadin që është pacienti, në stadet e lehta duke e trajtuar me vitaminën terapi dhe në format e moderuara që i trajtojmë me antikoagulantë, me antibiotikë, në varësi të simptomave që shfaq dhe të sëmundshmërisë kronike dhe kodi i dërgohet pacientit dhe mund të merren barnat në farmaci me anë të familjarëve që nuk ka kontakt të drejtpërdrejtë”, tha dr. Dorinela Saliaj.

Ministrja e Shëndetësisë vlerësoi punën e madhe që po bëjnë mjekët e familjes për ndjekjen dhe trajtimin e pacientëve me covid19.

“Roli i mjekut të familjes është vendimtar, është thelbësor në luftën kundër Covid19. Sepse në terren është lufta e vërtetë. Patjetër është në spitale, sepse është lufta për jetën. Por në qendrat tona shëndetësore ku bëhet një punë fantastike dhe një punë kaq voluminoze për të trajtuar në kohë rastet e formave të lehta apo të moderuara, është edhe këtu një rol thelbësor dhe i rëndësishëm për të parandaluar atë që mund të vijë më vonë si një risk i shkaktuar nga mungesa e trajtimit”, tha Manastirliu.

Gjatë vizitës në qendrën shëndetësore nr. 2 në Tiranë, Ministrja Manastirliu u shpreh se vazhdon vaksinimi falas kundër gripit i grupeve në risk në të gjitha qendrat shëndetësore, duke e konsideruar këtë një ushtrim të mirë në pritje të ardhjes së vaksinës anti-covid.

gsh/

Advertisement
Click to comment

Leave a Reply

Your email address will not be published. Required fields are marked *

Aktualitet

“Vetting”/ Drejtori i Tatimeve pagoi fatura për punime të papërfunduara te inceneratorët ekspertët ngrenë alarmin

Emisioni “Vetting” ka sjellë në episodet e kaluara se për  kishte rekomandim nga Kontrolli i Lartë të Shtetit për ta përjashtuar nga Administrata Publike për shkelje me faturat te Operatori i Shpërndarjes së Energjisë Elektrike dhe tenderin te Agjencia Kombëtare e Ujësjellës-Kanalizimeve dhe Mbetjeve të Ngurta.

Por në kundërshtim me këto rekomandime, Ceno Klosi u vendos në këtë pozicion, duke fshehur në deklaratën e tij të pasurisë fonde të kompanive në Londër, në shkelje të hapur të ligjit.

Me ardhjen e Ceno Klosit në krye të AKUM-it, do të fillonin dhe zjarret masive në zonën e Fierit te mbetjet e grumbulluara, të cilat duhet të transportoheshin te inceneratori i Fierit. Sipas ekspertëve të mjedisit, djegia e mbetjeve paraqet pasoja të rënda për komunitetin.

 

Ahmet Ahmeti, ekspert i Mjedisit tha për Vetting se: “Të gjitha vendet kur grumbullohen këto, japin pasojë dmth, një ndikim të madh në shëndet, që janë kosto shëndetësore, por janë edhe vuajtje njerëzore, janë shkurtim i jetës “

Te impianti i Fierit, mbetjet duhet të përpunoheshin, seleksionoheshin dhe në fund të digjeshin për prodhimin e energjisë elektrike. Madje në kontratë përfshihej edhe impianti i përpunimit të ujërave të ndotura dhe landfilli.

Çfarë roli kishte AKUM i drejtuar nga Ceno Klosi te kontratat e inceneratorëve?

Në vitin 2018, kompetencat e Agjencisë Kombëtare të Ujësjellës Kanalizimeve (AKUK) do të zgjeroheshin edhe te kontratat e inceneratorëve. Konkretisht me anë të Vendimit të Këshillit të Ministrave nr. 431, datë 11.7.2018, zv.kryeministrja Senida Mesi, me anë të propozimit të ish-ministrit Damian Gjiknuri, do të miratonte krijimin e Agjencisë Kombëtare të Ujësjellës-Kanalizimeve dhe Infrastrukturës së Mbetjeve nën çatinë e ish-AKUK (Agjencia Kombëtare e Ujësjellës-Kanalizimeve).

Kompetencat e kësaj Agjencie u zgjeruan në fushën e planifikimit territorial dhe infrastrukturës së mbetjeve, qendrat e transferimit, investimet në impiantet e incenerimit si dhe rehabilitimin e vend depozitimeve ekzistuese të mbetjeve.

Për çdo incenerator, të Tiranës, Fierit dhe Elbasanit, ekzistonte Njësia e Zbatimit të Projektit, e cila kishte në përbërje të saj anëtarë nga Ministria e Infrastrukturës dhe Energjisë, Agjencia Kombëtare e Mbetjeve dhe Bashkitë përkatëse.

Kjo njësi monitoronte punimet dhe miratonte situacionet, duke mbajtur përgjegjësi për punimet e pakryera.

“Sipas pikës nr.13, k, paragrafi 2, shkruhet: Asistenca e AKUM-it në fushën e planifikimit territorial dhe të infrastrukturës së mbetjeve jepet, ndërmjet të tjerave, por pa u kufizuar nëpër qendrat e transferimit, investimet në impiantet e incenerimit, në përcaktimin e venddepozitimeve (urbane dhe inerte), për impiantet e ricklimit, të kompostimit dhe të trajtimit të ujërave të ndotura të landfillit, për impiantet e trajtimit të gazit, për rehabilitimin dhe mbylljen e venddepozitimeve ekzistuese etj.;”

Pra, ish-Drejtori i Përgjithshëm i AKUM, Ceno Klosi ka përgjegjësi direkte, si për investimet ashtu dhe për monitorimin e kontratave koncesionare të inceneratorëve. Në këtë rast, për Fierin kemi akuza nga SPAK për punime të pakryera, të cilat janë faktuar nga vendimi i Gjykatës.

Emisioni “Vetting” ka zbuluar një faturë të lëshuar nga vet Ceno Klosi me vlerë 140 milionë lekë, për kompaninë “Integrated Technology Services”, e cila kishte në zotërim inceneratorin e Fierit, faturë kjo e lëshuar për punime të pakryera.

Eksperti i ekonomisë, Pano Soko shprehet se: “Ajo që ka ndodhur realisht është se Buxheti i Shtetit ka transferuar para të vërteta, pra 25 milionë, 28 milionë dhe 30 milionë gati, pra rreth 60 milionë euro tek të dy inceneratorët, ndërkohë që mbrapsht nuk ka marrë asnjë gjë. Sot që flasim nuk kemi as inceneratorë që punon dhe asnjë premisë që në të ardhmen të kemi inceneratorë që punojnë, qoftë në Fier, qoftë në Elbasan.”

Continue Reading

Aktualitet

Kosova | Lajmet më të fundit – NTV.AL

Continue Reading

Aktualitet

Kosova e kërcënuar nga Serbia/ Vjen paralajmërimi

Në kohën kur debatohet mundësia e mbajtjes së zgjedhjeve të parakohshme, një nga temat që ka nisur të shfaqet është diskutimi rreth koalicioneve të mundshme në skenën politike. Në kuadër të kësaj, disa subjekte politike kanë filluar të lëvizin në drejtim të një koalicioni të përbashkët, ndërsa të tjerat kanë bërë deklarata të qarta se kë duan apo nuk duan në koalicion.

Continue Reading

Aktualitet

Hetimi i SPAK/ Arrest për 9 ish-zyrtarë të bashkisë së Tiranës, si i dhanë tendera kompanisë së tyre Molla dhe Qato

Këtë të enjte me urdhër të SPAK-ut, Gjykata e Posaçme kundër Korrupsionit dhe Krimit të Organizuar ka firmosur nëntë urdhërarreste për ish-zyrtarë të Bashkisë së Tiranës, tre prej të cilëve janë arrestuar, ndërsa gjashtë të tjerë, janë lënë në masën detyrim paraqitje.

Në pranga kanë përfunduar Mariglen Qato, ish-drejtor i Inspektoratit të Mbrojtjes së Territorit në Bashkinë e Tiranës dhe ish-drejtorin e Ujësjellës Kanalizimeve të Tiranës, Redi Molla. SPAK ka kërkuar po ashtu masë të dytë sigurie ‘arrest me burg’ edhe për Taulant Tushën, ish-drejtorin e Punëve Publike në Bashkinë e Tiranës.

Gjykata e Posaçme la në masën detyrim paraqitje ish-zyrtarët e tjerë Enton Punavija, Julian Zanaj, Albano Janku, Nestor Muhamellari dhe Debora Keçi. Mbi ish-zyrtarët rëndojnë akuzat për veprat penale “Shkelja e barazisë së pjesëmarrësve në tendera dhe në ankande publike” si dhe “Korrupsioni pasiv i personave që ushtrojnë funksione publike”.

Sipas SPAK-ut, për 4 vite që Redi Molla ka ushtruar funksionin e Drejtorit të Përgjithshëm të shoqërisë “Ujësjellës Kanalizime Tiranë” ka shpallur fituese tenderash kompaninë që ai dhe drejtori tjetër Mariglen Qato, kishin themeluar vetë.

SPAK-u ka dyshime se ish-drejtori i Punëve Publike në Bashkinë e Tiranës dhe anëtarët e Komisionit të Vlerësimit të Ofertave, Enton Punavija, Julian Zanaj, Albano Janku në disa procedua prokurimi, e kanë favorizuar dhe i kanë krijuar kompanisë së Mollës e Qatos privilegje të padrejta duke e shpallur fituese të tenderave.

Po ashtu SPAK thekson se edhe Debora Keçi, drejtuesja e autoritetit kontraktor Klubi Sportiv “Tirana”, ka favorizuar në një tender kompaninë e dy ish-drejtorëve të arrestuar tashmë. Hetimet e Prokurorisë së Posaçme nisën vitin e kaluar, pas kallëzimit që bëri në kohën e fushatës zgjedhore Belind Këlliçi.

Continue Reading

Aktualitet

Akuzohet për shpërdorim detyre, ish-Sekretari i Ministrisë së Financave Arlind Gjokutaj shpallet…

Akuzohet për shpërdorim detyre, ish-Sekretari i Ministrisë së Financave Arlind Gjokutaj shpallet i pafajshëm

Continue Reading
Advertisement

TRENDING