Lifestyle

Prindërit postojnë fotot e fëmijëve, ja nga çfarë rrezikohen të vegjëlit

Prindërit hedhin në internet gjithnjë më shumë fotografi të fëmijëve të tyre. Kjo jo vetëm që shkel të drejtat e fëmijëve, por është edhe me rrezik për ta.

Shpesh prindërit janë shumë të lumtur kur lind një fëmijë, kur buzëqesh për herë të parë, kur hedh hapat e para, kur pinjollët e tyre bëjnë përjetimet e para të jetës. Këto momente shpesh fiksohen edhe nëpër fotografira që i tregohen me krenari rrethit familjar dhe të njohurve. Kjo gjë mund t’i hipë nervat dikujt, por nuk është kthyer asnjëherë në problem kur albumi i fotografive ka përfunduar më pas në sirtar. Por me fillimin e mediave sociale, gjithnjë e më shpesh fotografitë e fëmijëve shpërndahen edhe publikisht në internet, dhe një gjë e tillë mund të jetë me pasoja të padëshiruara.

1300 fotografi para mbushjes së 13 vjeçëve

“Në fund të fundit shpesh kemi të bëjmë me bërjen të njohur të dikujt, me anë të mekanizmave si likes ose zemra”, shpjegon Sophie Pohle, referente për mësimdhënien e mediave në organizatën gjermane për mbrojtjen e fëmijëve, Deutschen Kinderhilfswerk, në Berlin.

Në internet hidhen mes të tjerash fotografitë e imazheve të bëra me ultratinguj të fëmijëve në barkun e nënën, fotografi të bëra në plazh, në festat e ditëlindjeve ose ceremoninë e fillimit të shkollës. “Në princip nuk ka asnjë gjë që të mos tregohet me fotografitë që hidhen në internet.” Nganjëherë madje fotografitë e bebeve përdoren për të bërë reklama për shitje produktesh, influencuesit i përdorin ato për produkte kozmetike ose veshje për fëmijë. Por çdo njeri ka të drejta mbi fotografinë e tij, dhe kjo gjë vlen edhe për fëmijët, e veçanërisht për ata.

Që në vitin 2018, ish e ngarkuara me mbrojtjen e të drejtave të fëmijëve në qeverinë angleze, Anne Longfield, paralajmëronte në një raport të saj se në internet qarkullojnë mesatarisht 1300 fotogafi për çdo fëmijë, para se të ketë mbushur moshën 13 vjeçare. Ky fenomen ka arritur madje të ketë një emërtim të vetin: “Sharenting”, fjalë e përbërë e krijuar nga fjalët angleze “to share” (të shpërndash) dhe “parents” (prindër).

Postimi i fotografive në rrjet është me pasoja

Por rrjeti i internetit nuk harron asgjë. Kjo fjali e dëgjuar shpesh mund të kthehen vërtet në problem. Për shembull kur fëmijët nuk janë të kënaqur me fotografimet që u janë bërë. “Fëmijët mund të kenë turp për fotografitë që prindërit kanë shpërndarë duke menduar se në to fëmija duket i ëmbël ose i lezetshëm”, shpjegon referentja e Deutschen Kinderhilfswerkes. “Dhe kur këto fotografi përfundojnë në qarkullim publik, atëherë ato mund të kthehen në objekte sulmi për të bërë tallje, ofendime, bullizëm ose komente të mbushura me urrejtje.” Po ashtu edhe më vonë kur gjatë aplikimit për punë shefat e kuadrit kërkojnë në goggle emrat e aplikuesve, dhe marrin si rezultat fotografi të pakëndshme atëherë kjo gjë kthehet në problem”. Për t’i hapur sytë njerëzve për këto rreziqe, bloggerja Toyah Diebel ka filluar që në vitin 2019 me projektin #deinkindauchnicht (asfëmijajot).

Edhe pamjet në dukje normale mund të bien në duart e pedofilëvePërveç kësaj, shpesh në fotografi nuk duket vetëm fëmija, por edhe ambienti personal i tij: dhoma, banesa, bahçja. Në tekstin e postuar bashkë me fotografinë lexohen edhe të dhëna të tjera, si për shembull emri i fëmijës, dita e lindjes. “Nëpërmjet këtyre të dhënave të ndërthurura mund të merret vesh madje edhe ku jeton fëmija,” thotë duke paralajmëruar për rreziqet, Sophie Pohle.

Kjo gjë nuk përbën problem vetëm për arsye të mbrojtjes së të dhënave: “Natyrisht që gjithnjë ekziston rreziku që informacione dhe fotografi të tilla të bien në duar të gabuara, dhe të qarkullojnë për shembull në rrethet e pedofilëve.”

Që në vitin 2019, portali i internetit krijuar nga federata dhe landet gjermane, Onlineportal jugendschutz.net ka bërë të ditur në një raport se “instagrami keqpërdoret për të lidhur me njëri tjetrin njerëz meinteresa seksuale ndaj fëmijëve. Fotografitë e fëmijëve mblidhen për shembull, komentohen me komente seksuale ose shoqërohen dhe shpërndahen me hashtags”.

Shpesh nënvleftësohet fakti që: “Prindërit janë relativisht të vetëdijshëm se postimi publik i fotografive në Facebook, TikTok ose Instagram është problematik”, shpjegon Sophie Pohle. “Por njëkohësisht ata mendojnë se Messenger e Whatsapp janë relativisht privatë dhe shpërndajnë atje pa hezituar.” Përshembull duke përdorur funksionin e statusit, që çdo person që bën pjesë në grupin e të njohurve të ketë të drejtë t’i marrë fotografitë. “E rëndësishme këtu është niveli i vetëdijes së prindërve për këtë pikë, dhe si pasqyrohet kjo në rregullimet që i janë bërë sferës private në rrjetet e caktuara të internetit. Pyetja është a i shpërndaj unë fotografitë vërtet në publik apo vetëm për ata që më ndjekin?”, thotë Pohle. Por edhe në bisedat private në Privatchat nuk mund të jesh i sigurt se një fotografi e bashkëbiseduesit nuk u jepet të tjerëve, pa pyetur më parë. Prandaj organizata gjermane Deutsche Kinderhilfswerk ka nxjerrë një udhëzues të vetin për çfarë duhet patur parasysh kur postohen në internet fotografi fëmijësh.

Francë: Ndalim me ligj i shareting

Për të kufizuar shpërndarjen pa kufi të fotografive, edhe të atyre që shkelin dinjitetin e njeriut, Franca është duke hedhur tani një hap që nuk e ka hedhur asnjë vend tjetër në botë: Franca do që të ndalojë me ligj prindërit që të mos shpërndajnë në mediat sociale fotografi të fëmijëve, pa marrë më parë pëlqimin e tyre. Në rastet kur ekzistojnë pikëpamje të ndryshme të prindërve, atëherë mund të ndalohet njëri prind që të mos bëjë publikim dhe dërgim të fotografive të fëmijëve, pa marrë pëlqimin e prindit tjetër. Në rastet ekstreme prindërit mund të humbasin madje të drejtën e tyre për të zotëruar fotografi të fëmijëve të tyre.

Kujdes të veçantë projektligji i ri i kushton “shfrytëzimit të fotografive të fëmijëve në platformat online”. Kështu për shembull të ardhurat që nxirren nga përdorimi komercial i fotografive të fëmijëve, duhet të dërgohen në një numër llogarie bankare, të cilën fëmija mund ta përdorë vetë kur të mbushë moshën 16 vjeçare. Përveç kësaj mund të krijohet një “e drejtë për tu harruar”, që të zbatohet në rast se fëmijët kërkojnë me dëshirën e vet që të largohen nga rrjeti fotografi dhe video, që i kanë shpërndarë vetë.

Fëmijët duhet të pyeten kur publikohen fotografitë e tyre

Sophie Pohle e vlerëson në përgjithësi pozitivisht projektligjin francez. Sepse ai forcon më shumë të drejtat personale të fëmijëve, të ankoruara tashmë në Konventën e OKB për të drejtat e minorenëve. “Ai nuk ka të bëjë me ndalimin në përgjithësi të postimit të fotografive të fëmijëve, por ndalimin e shpërndarjen e tepruar dhe trajtimin jodinjitoz të tyre në mediat sociale,” thotë Pohle.

“E drejtë mbi fotografinë personale, do të thotë që çdo njeri duhet të vendosë vetë cilat fotografi të tij duhet të bëhen publike dhe cilat jo. Dhe duke patur parasysh të drejtat e fëmijëve është shumë e rëndësishme, që fëmijët të marrin pjesë në një vendim të tillë dhe “Jo-ja” e fëmijët të pranohet nga prindërit, dhe të mos anashkalohet lehtë.”

Në vendet e tjera të botës nuk ka patur deri tani një projektligj të tillë si në Francë. Prandaj, thotë Sophie Pohle, puna sqaruese është mjeti më i rëndësishëm për mbrojtjen e fëmijëve nga pasojat e padëshiruara të Sharenting. Në kopshtet e fëmijëve, në shkolla, në platformat e mediave sociale, por edhe tek vetë prindërit. Familjet duhet në radhë të parë të zhvillojnë “një mirëkuptim të përbashkët si të sillen me respekt dhe përgjegjësi me fotografitë e njëri tjetrit”, thotë Pohle. “Sepse sapo të marrin celularin e vetë në dorë, fëmijët do të qarkullojnë vetë në mediat sociale dhe sigurisht që do të ketë mësuar nga familja si duhet vepruar për gjëra të tilla.”

Related Topics:femijet foto internet lifestyle prinderit

Lifestyle

Nëse bëjmë grim çdo ditë, a është i dëmshëm për lëkurën tonë?

Të mbash grim çdo ditë është kënaqësi për disa . Sido që të jetë, mund të keni pyetur veten nëse lëkura juaj po vuan për shkak të bërit përditë grim?

Për njerëzit me shqetësime specifike të lëkurës, dermatologët thonë se lloji “i gabuar” i grimit mund të shkaktojë acarim. Por në përgjithësi, nuk mund të bëhet asnjë dëm, për sa kohë që ndiqni një hap kyç.

Njerëzit me shqetësime specifike të lëkurës, të tilla si puçrrat, lëkurë të ndjeshme ose të thatë, mund të kenë nevojë të jenë më selektivë se çfarë grimi përdorin dhe si, thotë Antoinette Bologna.

Ajo është një artiste grimi dhe specialiste e mbështetjes së bukurisë në Shkollën Australiane të Bukurisë.

Lifestyle

Trëndafili i egër mrekullibërës. I pasur me vitaminë C, shmang rrudhat në lëkurë dhe lufton variçet

Kokrrat e trëndafilit të egër janë të afta të reduktojë një sërë sëmundjesh në organizëm, si variçet dhe inflamacionet e muskujve e tendinave.

Përsa i përket estetikës, trëndafili është i veçantë për trajtimin e rrudhave të lëkurës dhe luftën kundër plakjes.

Medline Plus rekomandon konsumimin e tij gjatë gjithë vitit, pasi përmban më shumë vitaminë C sesa, për shembull, portokalli ose limoni, dy agrume shumë të vlerësuara në fushën e mjekësisë.

Përdorimi i kokrrave të trëndafilit, qoftë direkt si krem, reçel, lëng ose nëpërmjet ilaçeve, ndihmon në trajtimin e inflamacionit në traktin respirator; gjendje që zakonisht manifestohet në ftohje për shkak të temperaturave të ulëta ose ndryshimeve drastike të motit.

Efektet negative

Por trëndafili egër gjithashtu mund të shkaktojnë alergji te disa njerëz që përfshijnë simptoma të tilla si kruajtje, skuqje, ënjtje dhe probleme me frymëmarrjen.

Përveç kësaj, konsumimi i tij mund të shkaktojë kapsllëk për shkak të vetive të tij astringente.

Sipas Medline Plus, gratë shtatzëna ose ato që ushqehen me gji duhet të shmangin konsumimin e tij.

Lifestyle

Kolesteroli ke femrat,a rritet rreziku i sulmeve në zemër dhe goditjeve në tru?

Kolesteroli është një armik i fshehur. Edhe pse meshkujt priren të konsiderohen si më të prekur, femrat janë gjithashtu në rrezik nga kjo gjendje e rrezikshme që mund të çojë në komplikime serioze shëndetësore.

Sa kolesterol është normale për një grua?

Ka dy lloje, LDL ose kolesteroli “i keq”, i cili mund të jetë i dëmshëm dhe HDL, i cili është i dobishëm për shëndetin kardiovaskular.

Gama normale e kolesterolit tek femrat luhatet në varësi të moshës, shëndetit të përgjithshëm dhe faktorëve të rrezikut kardiovaskular.

Gratë shpesh kanë nivele më të larta të kolesterolit HDL, i njohur si “i mirë”, për shkak të estrogjenit. Gjithashtu hulumtimet tregojnë ndryshimet në nivelet e kolesterolit tek gratë, lidhen me fazat e ndryshme të ciklit menstrual.

Kjo është për shkak të luhatjeve në nivelet e estrogjenit gjatë ciklit. Megjithatë, në terma të përgjithshëm, një nivel total i kolesterolit më pak se 200 mg/dL konsiderohet i shëndetshëm.

Niveli i HDL apo kolesterolit të mirë konsiderohet normal te femrat nëse është më i madh se 40 mg/dl.

Nga ana tjetër, Healthline tregon se, në mungesë të sëmundjeve të zemrës, rekomandohet që gratë të kenë nivele të LDL ose kolesterolit të keq nën 100 mg/dl për të ruajtur një shëndet të mirë kardiovaskular.

Nëse keni faktorë rreziku për sëmundje të zemrës si mbi 55 vjeç, diabeti, hipertensioni ose një histori familjare e sëmundjeve të zemrës, rekomandohet që kolesteroli i keq të jetë nën 70 mg/dl.

Çfarë e shkakton kolesterolin e lartë tek femrat?

Akumulimi i kolesterolit në arterie mund të formojë një pllakë që i ngushton ato dhe redukton qarkullimin e gjakut, gjë që rrit rrezikun e sulmeve në zemër dhe goditjeve në tru, thotë institucioni.

Kolesteroli i lartë tek gratë mund të ndikohet nga ndryshimet natyrore në jetën tuaj.

Gjatë shtatzënisë, është e zakonshme të shfaqen ndryshime në nivelet e lipideve në gjak.

Përveç kësaj, menopauza përfaqëson një tjetër moment kyç ku kolesteroli mund të rritet, thekson Fondacioni Spanjoll i Zemrës.

Healthline saktëson se me ardhjen e menopauzës, është e zakonshme që kolesteroli total dhe LDL të rritet, ndërsa HDL ulet, gjë që mund të rezultojë në nivele të larta të kolesterolit tek gratë që më parë kishin vlera normale.

Lifestyle

Kanceri i fshikëzës dhe trajtimi i tij.

Një trajtim i ri për një lloj kanceri të fshikëzës urinare u miratua muajin e kaluar nga Administrata Amerikane e Ushqimit dhe Barnave (FDA).

Ilaçi, i cili do të shitet me emrin e markës Anktiva dhe që është quajtur imunoterapia e gjeneratës së ardhshme, është menduar për disa pacientë që vuajnë nga disa lloje të kancerit të fshikëzës jo-invazive muskulore, thuhet në njoftimin e FDA, përcjell Telegrafi.

Trajtimi i ri aktivizon imunitetin afatgjatë.

Terapia e kancerit të fshikëzës funksionon duke aktivizuar llojet e qelizave të bardha të gjakut që luftojnë sëmundjet, të quajtura qeliza vrasëse natyrore (NK) dhe qelizat T për të krijuar imunitet afatgjatë në trup.

Ilaçi tani është duke u zhvilluar nga kompania ImmunityBio e Culver City, dhe para kësaj ilaçi është formuluar nga kompania biofarmaceutike Altor BioScience e Miramar nga Florida.Miratimi i ilaçit të ri nga FDA u bazua në rezultatet e një prove klinike të udhëhequr nga Dr. Karim Chamie, profesor i urologjisë në Shkollën e Mjekësisë David Geffen në Universitetin e Kalifornisë.

Një deklaratë nga Universiteti i Kalifornisë thotë se trajtimi i ri ofron “një alternativë bindëse për pacientët që kanë ezauruar opsionet e trajtimit konvencional”.

Trajtimi Anktiva është i destinuar për pacientët me kancer të fshikëzës urinare të cilët nuk i janë përgjigjur trajtimeve të mëparshme, vlerëson FDA. Ai shpërndahet përmes një kateteri dhe inkurajon sistemin imunitar të pacientit “të kryejë një sulm të synuar mbi qelizat e kancerit”, shpjegoi profesori Chamie.

Sipas tij, trajtimi mund të kursejë disa pacientë nga procedurat invazive, si operacioni për heqjen e gjithë ose një pjesë të fshikëzës.

Shumica e diagnozave të reja të kancerit të fshikëzës janë jo-invazive të muskujve, që do të thotë se tumori është në indin që rreshton sipërfaqen e brendshme të fshikëzës dhe nuk është përhapur në murin e fshikëzës, sipas një deklarate të Universitetit të Kalifornisë.

Pacientët me këtë lloj kanceri zakonisht i nënshtrohen operacionit dhe imunoterapisë me bazë bakteriale, e cila vendoset direkt në fshikëz. Megjithatë, edhe me këtë trajtim, kanceri mund të kthehet dhe shumë pacientë nuk i përgjigjen mirë trajtimit të mëtejshëm, duke i lënë disa pacientë me mundësi të kufizuara.

Lifestyle

Si festohen Pashkët nga çdo shenjë e zodiakut?

DASHI

Pashka, si festë, simbolizon fillimin e një epoke të re. Nuk është rastësi që e gjithë kjo përkon natyrshëm me ditëlindjen tuaj. Është koha e duhur që çdo Dash të fillojë diçka të re. Ndonjëherë një plan, projekt apo hobi mund t’ju mbushë me ankth, por shpresa dhe frymëzimi që ju jep është një vlerë… e paçmuar.

DEMI

Demi është një shenjë e Tokës dhe kontakti i tij me natyrën e bën atë të ndihet më i qetë dhe rehat. Një shëtitje në fshat, ecje, skarë apo barbeque jashtë me njerëzit e dashur është mënyra ideale për të festuar Pashkët!

BINJAKËT

Një Binjak bëhet sërish fëmijë në Pashkë! Me shenjën e tij të sunduar nga Mërkuri, zemra e tij do të mbushet me gëzim dhe për këtë arsye, ai do të mbushë me gëzim edhe ata që e rrethojnë. Madje i jepet mundësia të shkojë në ekskursionet e tij, të shoqërohet dhe të kontaktojë me shumë njerëz, gjë që i pëlqen shumë!

GAFORRE

Hëna luan një rol shumë të madh për Gaforren, pasi është edhe planeti i tij sundues, sidomos kur kemi Hënë të Plotë. Pashka për këtë shenjë, përveçse të ngarkuar emocionalisht, është edhe një festë që ai me kënaqësi e kalon me familjen (si gjithë të tjerat gjithsesi), duke respektuar zakonet tradicionale.

LUANI

Në anën e kundërt të Gaforres, është Luani, i sunduar nga Dielli. Kjo është edhe arsyeja pse Luanët ndihen shumë më bukur në ditët e Pashkëve, veçanërisht nëse është me diell. Ata kërcejnë, këndojnë, argëtohen, festojnë, me pak fjalë, me shpirt.

VIRGJËRESHA

Virgjëresha është e lidhur me Virgjëreshën Mari, ndaj Pashkët është periudha kur ana e saj femërore “zgjohet” përsa i përket lindjes dhe kujdesit. Pashkët janë një rast që çdo Virgjëreshë të kujdeset për familjen e saj, të kujdeset për shtëpinë dhe të përqendrojë vëmendjen te gratë e jetës së saj, të cilat nuk janë askush tjetër veçse gjyshja, nëna apo vajza.

PESHORJA

Hëna e parë e Plotë e Ekuinoksit të Pranverës , siç thamë më lart, zakonisht ndodh në shenjën e Peshores, kështu që Peshorja mendon se duhet të heqë dorë nga e kaluara dhe në një farë mënyre “të ecë përpara” në të ardhmen. Pra, Pashkët zakonisht bëjnë një listë të gjërave që ai dëshiron të heqë qafe dhe ai do të jetë i lumtur nëse më në fund mund t’i heqë qafe ato.

AKREPI

Ashtu si një Jezus tjetër, edhe Akrepi “ringjallet” në Pashkë! Në përgjithësi, është një kohë ndryshimi. Tani, nëse këto kanë të bëjnë me një profesion të ri, një marrëdhënie të re ose thjesht rinovimin ose rimodelimin e hapësirës së tij, kush e di?

SHIGJETARI

Pashkët mund të festohen kryesisht nga të krishterët katolikë dhe ortodoksë, por ka ende shumë kultura të largëta që kanë Pashkët e tyre “të ngjashme”. Nëse i përkisni shenjës së Shigjetarit dhe keni mundësi, bëni një udhëtim në një nga këto vende. Përndryshe, udhëtoni brenda Greqisë në një qytet apo fshat që ka zakone të veçanta!

BRICJAPI

Me hyrjen e Diellit në Dashi, Bricjapët mendojnë se është koha për të vendosur synime të reja afatgjata të vogla apo edhe madhështore. Pra, këtë Pashkë, ata janë plot energji dhe vigjilent! Megjithatë, kur vjen puna për ta festuar, ato janë si gjithmonë… klasike!

UJORI

Pashka për një Ujor është koha ideale për të hyrë në kontakt me njerëz që i bëjnë ata të lumtur! Një mbledhje familjare, një piknik, një zakon, madje edhe pjesëmarrja e tij në një grup vullnetarësh do t’i mbushin zemrën me optimizëm.

PESHQIT

Pavarësisht nëse jeni një person thellësisht fetar apo jo, Pashkët është një kohë për ndjekje të mëtejshme shpirtërore. Të mos harrojmë se ai ka një intuitë shumë të fortë dhe tërhiqet lehtësisht në një kërkim të brendshëm. Një bisedë me miqtë apo të afërmit që ai ka mundësi të takojë, këtë festë, mund ta shtyjë të zgjerojë horizontet e tij.