Twitter në duart e Musk/ Trump: Në duar të shëndosha

Ish-presidenti i SHBA-së, Donald Trump tha sot se ishte i lumtur që Twitter ishte në “duar të shëndosha” pasi Elon Musk finalizoi blerjen prej 44 miliardë dollarësh, por nuk tha nëse ai do të kthehej në llogarinë e tij në platformën që e ndaloi atë.

Trump tha se ai mendonte se platforma e tij e mediave sociale Truth “duket dhe funksionon më mirë”.

“E DUA TË VËRTETËN”, ka shkruar Trump në një postim në platformën e tij. Trump u ndalua nga Twitter pas sulmit vdekjeprurës të 6 janarit 2021 në Kapitol, SHBA. Musk ka thënë se do të rivendoste llogarinë e Trump, por Trump më parë tha se nuk do të kthehej.