82-vjeçari humb kontrollin e mjetit dhe i bie shtyllës, ndërron jetë në spital

Një aksident me pasojë vdekjen është regjistruar në aksin rrugor “Çermë-Divjakë”.

Sipas të dhënave paraprake, 82-vjeçari Hyqmet Dervishi, teksa drejtonte automjetin, ka humbur kontrollin mbi drejtimin dhe është përplasur me një shtyllë.

Si pasojë e përplasjes, ai ka mbetur i plagosur dhe është transportuar për ndihmë mjekësore në spital. Pavarësisht ndërhyrjes së mjekëve, 82-vjeçari ka ndërruar jetë.

Në vendngjarje ka mbërritur grupi hetimor, i cili po punon për dokumentimin e aksidentit dhe përcaktimin e shkaqeve dhe rrethanave të plota të tij.