Zjarret në Greqi, evakuohet për herë të dytë një fshat në Evros

Për shkak të temperaturave të larta Greqia prej javësh është duke luftuar me zjarret, ku së fundmi zjarri po prek edhe pjesën e fshatit Lefkimmi.

Kjo është hera e dytë që në këtë zonë është dhënë një urdhër për evakuimin e banorëve pasi për herë të parë rreziku nga zjarri në Lefkimi ishte më 27 gusht, raporton Protothema.

Mediat greke kanë raportuar se autoritetet u kanë bërë thirrje banorëve në zonë që të largohen pasi vatrat e zjarrit po përhapen me shpejtësi.

Zjarri po shkon drejt fshatit dhe kampit të Brigadës së shtatë.

Në vendngjarje janë vendosur 582 zjarrfikës me 122 automjete, 16 brigada ushtarake, 8 avionë dhe 2 helikopterë.