Kosova dhe ky shtet të bëhen gati për luftë/ Eksperti tregon planet e Serbisë

Së fundimi, kryetari i komitetit ushtarak të NATO-s, Rob Bauer, u bëri thirrje sektorëve publikë dhe privatë në Perëndim që gjatë kësaj periudhe të përgatiten për çdo gjë, përfshirë luftën.

“Që nga fillimi i luftës në Ukrainë, anëtarëve të NATO-s u është dashur të përshtaten me “një epokë kun ë cdo kohë mund të ndodhë cdo gjë, edhe më e papritura, lufta, prandaj dhe na duhet të vazhdojmë të përqendrohemi në efikasitet në mënyrë që të jemi efektivë” – tha Bauer.

Kjo deklaratë erdhi pas paralajmërimeve të shumta për shpërthime të konflikteve të reja, pas atyre që janë duke u zhvilluar në Ukrainë, Gaza dhe në Detin e Kuq.

Si zonë e ‘nxehtë’ ku mund të shpërthejë ndonjë konflikt është edhe Ballkani Perëndimor, veçanërisht në Kosovë dhe Bosnjë, kjo për faktin që Serbia në vazhdimësi provokon dhe nxit tensione.

Dhe për këtë çështje, duke ngritur alarmin, ka folur eksperti austriak, Gunther Fehlinger.

“Kosova dhe Bosnja duhet të përgatiten për luftë të pashmangshme gjatë muajit shkurt 2024. Kjo eshte e pashmangshme. Kosova dhe Bosnja duhet të përgatiten. Perëndimi është në gjumë dhe mbetet i fokusuar në zgjedhjet në SHBA dhe Bashkimin Europian. Rusia ka nevojë për një luftë të re për të shpërqëndruar vëmendjen. Ashtu si Hamasi dhe Irani, Serbia do reagojë dhe të lehtësojë presionin ndaj rusëve. Ukraina është e sigurt se do ta fitojë luftën gjatë vitit 2024, kështu që Rusia po u kërkon të gjithë aleatëve të saj që ta angazhojnë Perëndimin në të gjitha frontet.

Presioni ndaj Beogradit dhe Banja Lukës për t’u bërë Hamasi dhe Houti i Ballkanit, është i papërmbajtshëm, siç është mundësia e radikalëve serbë.

Që prej 220 vjetësh ata ëndërrojnë çlirimin dhe bashkimin e të gjithë serbëve në një qeveri shtetërore me qendër në Beograd, por qëllimi i tyre u “thye” nën presionin e bombave të NATO-s dhe diplomacisë perëndimore nga viti 1995 deri në 2008” –  deklaroi eksperti i sigurisë.

Krahas kësaj, Fehlinger, përmendi disa nga shkaqet që po e nxisin qeverinë serbe të planifikoi pushtimin e veriut të Kosovës, një prej të cilave është edhe nevoja për të qëndruar në pushtet sa më gjatë, dhe një luftë e tillë do tjua garantonte këtë.

“Tani strategët serb po shohin mundësinë për ripushtimin e veriut dhe verilindjes së Kosovës. Ata e dinë se nuk mund ta marrin Prishtinën apo Sarajevën, por e dinë gjithashtu se mund të fitojnë një luftë, në një territor  të kufizuar, ndoshta gjatë muajit shkurt 2024, për të ripushtuar territorin e lidhur drejtpërdrejt me Serbinë, në veri të lumit Ibër, luginës së lumit Drin dhe rajonin e Banja Lukës. Në këtë synim të tyre, ata mund të frenohen vetëm nga SHBA-të, por SHBA-ja tani është në ethe zgjedhore. Nuk do jetë Europa, vija e kuqe. Humbja e perspektivës së largët të anëtarësimit në Bashkimin Europian dhe humbja e financimeve të Unionit, kanë pak rëndësi për ata që ëndërrojnë bashkimin dhe madhështinë e serbëve. Ata do ta bëjnë realitet këtë ëndërr të ekstremistëve serbë, në kordinim me Rusinë, teksa Vuçiç ka nevojë për këtë luftë, për të shkëputur vëmendjen nga zgjedhjet e humbura dhe të vjedhura të 17 dhjetorit 2023” –    Potencoi eksperti i sigurisë së Nato-s, duke treguar dhe mënyrën e ndarjes së Kosovës dhe Bosnjes, me një sulm stuhi.

“Goditja do të kufizohet në drejtim të lumit Ibër dhe drejt luginës së Drinit të populluar me serb nga Vishegradi në veri në drejtim të Banja Lukës, duke rezultuar në ndarjen e Bosnjës dhe Kosovës, por gjithmonë duke u bazuar në pretendimin për mbrojtjen e serbëve dhe kështu duke u përpjekur për të shmangur ndërhyrjet e NATO-s.

Teksa SHBA-të janë nën ethet e zgjedhjeve. Ndersa Kosova e Bosnja po mbrohen nga ushtarë evropianë të drejtuar nga ushtarakë të prirur për qetësim, duke mos qene në gjendje të mbrojnë kufijtë e brishtë verior dhe lindor në territorin e kontestuar me popullsi të përzier, skenari i më sipërm,  me shumë gjasa mund të ndodhë” – theksoi Fehlinger, madje potencoi se 6 javët e ardhshme janë më të rrezikshmet që nga përfundimi i luftës në Kosovë,

“Një qëndrim i qartë parandalues nga ana e SHBA, se nëse tentohet dicka nga ana e serbve, NATO do bombardojë Beogradin, mund ta pengojë agresionin serb. Por, nëse SHBA-të nuk e mbështesin këtë me asete të dukshme në hapësirën ajrore të Ballkanit, ekstremistët serbë mund të shfrytëzojnë shansin e tyre të fundit. Nëse ne mund ta pengojmë luftën që unë e parashikoj gjatë kësaj pranvere, Bosnja dhe Kosova do të shpëtojnë, pasi fitorja e Ukrainës dhe lufta e ardhshme civile në Rusi, do ta neutralizojnë përgjithmonë faktorin rus në Serbi dhe kjo e fundit nuk do bëjë më kurrë luftë. Gjithsesi, Kosova dhe Bosnja duhet të përgatiten. Javelin nuk do të ndihmojnë shumë. Ne kemi nevojë për aeroplanmbajtëset e SHBA-së në Split dhe vendosje të konsiderueshme të Forcave Ajrore të SHBA-së në Kosovë dhe Bosnje” –  deklaroi eksperti austriak i NATO-s, Gunther Fehlinger.