Kronike
Me 1 kg kok*ainë, tenton t’i ikë postbllokut, efektivi qëllon për vetëmbrojtje, e plagos
Një operacion antidrogë u ndërmor në orët e vona të mbrëmjes së 21 marsit 2024 në Tiranë. Pikërisht në rrugën “Mihal Duri”, pranë Lidhjes së Shkrimtarëve policia dhe agjentët e antidrogës kanë ndaluar një makinë pasi kishin informacion se po transportohej drogë.
NTV mëson se shoferi i makinës i identifikuar si Enea Sulejmani duke ecur indietro me makinë ka goditur 3 agjentë të antidrogës dhe ka dëmtuar makinën e policisë.
Polici qëllon për vetëmbrojtje
Në kushtet e vetëmbrojtjes një prej policëve ka qëlluar me armë dhe plumbi e ka kapur në pjesën e kofshës.
Gjatë tentativës për t’u larguar një nga punonjësit e policisë ka qëlluar me armë në drejtim të automjetit dhe për pasojë është plagosur” sqaron më tej policia.
Tre agjentët janë mirë, i plagosuri në spital
I plagosuri ka marrë plagë në kofshë dhe është dërguar menjëherë në spitalin e traumës nga punonjesit e policisë dhe ndodhet nën kujdesin e mjekëve, jashtë rrezikut për jetën.
Si pasojë e përpjasjes makina e policisë ka pësuar dëme të shumta, ndërsa policët janë rrëzuar për tokë, por për fat të mirë nuk raportohet për dëme serioze.
Në makine me 1 kg kokaine
Gjatë kontrollit të makinës u gjet një pako me peshë rreth 1 kg brenda së cilës dyshohet se lende narkotike kokainë. Gjithashtu në automjet me Sulejmanin janë konstatuar dhe dy persona të tjerë të cilët janë shoqëruar në ambientet e DVP Tiranë.
Drejtori i policise ne vendngjarje
Në vendin e ngjarjes kanë mbërritur forca të shumta, përfshirë edhe AMP-në. Në vendngjarje ndodhet Drejtori i Përgjithshëm i Policisë Së Shtetit Muhamet Rrumbullaku dhe Drejtori i Policisë së Tiranës Tonin Vocaj.
Tentoi t’i ikë postbllokut, polici qëllon trafikantin! Reagon Balla: Veproi sipas ligjit, iu kundërpërgjigj sulmit
Si Ministër i Brendshëm duhet të rikujtoj se kushdo që nuk i bindet urdhërit/thirrjes së ligjshme të punonjësit të policisë, ose më rëndë akoma e kundërshton me forcë, guxon ta fyejë, ta agresojë, ta kanosë, ta godasë apo larg qoftë t’i rrezikojë jetën (siç ndodhi sonte) në ushtrim të detyrës apo për shkak të detyrës, duhet ta ketë të qartë që toleranca është ZERO. Policia e Shtetit ka gjithë mbështetjen për të vijuar goditjen e krimit, në gjitha format e tij.
Kronike
Plagosi pronarin dhe i grabiti biznesin, arrestohet 49-vjeçari shqiptar në Itali
Policia në Itali ka arrestuar një 49-vjeçar shqiptar, i cili akuzohet për vjedhje, armëmbajtje pa leje dhe vrasje e mbetur në tentativë.
Sipas mediave vendase, shqiptari, identiteti i të cilit ende nuk bëhet me dije akuzohet se më 4 maj të këtij viti ka hyrë në një dyqan, në zonën e njohur si via Costantino Baroni për të grabitur dhe është përballur me pronarin e biznesit dhe vajzën e këtij të fundit.
Në atë moment shqiptari ka nxjerrë armën dhe ka plagosur babë e bijë dhe më pas ka grabitur nga dyqani disa bileta fati me shumë afro 15 mijë euro.
Policia ka sekuestruar kamerat e sigurisë, ka bërë të mundur identifikimin dhe arrestimin e autorit.
Kronike
Vlorë/ Gjendet një trup i pajetë anës lumit Vjosa, dyshimet e para
VLORË– Një trup i pajetë është gjendur anës lumit të Vjosës mbrëmjen e djeshme, 12 maj.
Identiteti i personit ende nuk bëhet me dije, ndërsa mendohet që ai të jetë rreth 65-vjeç.
Ngjarja ka ndodhur pranë urës së Mifolit në fshatin Fitore, një zonë ku peshkojnë peshkatarët.
Kronike
EMRI/ E motra s’kishte kontakt prej 1 muajsh, i moshuari gjendet i vdekur në banesë
Një i moshuar është gjetur oa shenja jete në banesën e tij në lagjen nr. 12 të qytetit të Korçës. Mësohet se viktima është shtetasi Skënder Kita, 82 vjeç.
Burime bëjnë me dije se i moshuari jetonte prej vitesh i vetmuar në banesë, pasi ishte i divorcuar nga bashkëshortja dhe i braktisur nga fëmijët.
Ka qenë motra e tij e cila ka bërë kërkesë për ndihmë në komisariatin e Korçës pasi prej gati 1 muaji nuk kishte kontakt me të vëllain.
Pas denoncimit, Policia e Korçës ka shkuar në banesë dhe pasi kanë hapur derën kanë gjetur pa shenja jete 82-vjeçarin. Trupi i viktimës u transportua në morgun e spitalit.
Kronike
FOTO/ Makina e shkatërruar në anët e rrugës, si ndodhi aksidenti që i mori jetën të 20-vjeçarit
Një aksident tragjik është regjistruar në orët e para të mëngjesit të sotëm në Tropojë, ku për pasojë ka humbur jetën një 20-vjeçar dhe një tjetër ka mbetur i plagosur në gjendje të rëndë një tjetër. Sipas policisë, në aksin rrugor Bajram Curri-Valbonë, automjeti tip “Volkswagen” me drejtuesin me inicialet A. S., 20 vjeç, dyshohet se duke drejtuar mjetin me shpejtësi ka humbur kontrollin e tij dhe është përplasur me bordurën anësore të rrugës.
Si pasojë e aksidentit ka humbur jetën pasagjeri në automjet, 20-vjeçari me inicialet E. Gj., banues në Bajram-Curri, ndërsa drejtuesi i automjetit, bashkëmoshatar i viktimës është dërguar në spitalin e Traumës, në gjendje të rëndë shëndetësore.
Kronike
P*lagosja me ar*më e 24-vjeçarit në Shkodër, sherri nisi pas debatit për kalimin në vijat e bardha
Disa detaje të reja kanë dalë nga plagosja e një dite më parë e shtetasit Jaser Osmani në qytetin e Shkodrës. Ngjarja ndodhi rreth orës 16:00 të 11 majit në lagjen “Salo Halili” bën të ditur policia vendore e Shkodrës teksa dyshohet se gjatë një konflikti të çastit mbeti i plagosur 24 vjeçari.
I dëmtuari Jaser Osmani mori një plumb në këmbë dhe menjëherë u dërguar në spitalin rajonal të Shkodrës teksa ndodhet jashtë rrezikut për jetën. Menjëherë shërbimet e policisë shkuan në vendngjarje duke vijuar kontrollet për kapjen e autorit.
Policia identifikoi autorin e dyshuar, shtetasin Gentian Mithi, 46 vjeç, banues në Shkodër. Sipas policisë nga hetimet paraprake dyshohet se shtetasi i shpallur në kërkim Gentian Mithi, pas një konflikti të çastit me Jaser Osmanin, e ka plagosur atë me armë zjarri pistoletë dhe është larguar menjëherë nga vendi i ngjarjes. Sipas burimeve nga vendngjarja dhe pranë policisë së Shkodrës dyshohet se autori i dyshuar dhe i plagosuri e kanë nisur konfliktin e tyre në qendër të Shkodrës, në lagjen “Parrucë”. Gjithçka ka nisur pas një debati mes tyre për kalimin në vijat e bardha në rrugë.
24-vjeçari i plagosur po ecte në këmbë duke tentuar që të kalojë në anën tjetër të rrugës pikërisht në vijat e bardha. Në atë moment autori i dyshuar ka qenë duke kaluar me automjet. I plagosuri pretendon se ishte e drejta e tij për të kaluar në rrugë ndërsa autori i dyshuar pretendoi se duhej të kalonte ai me makinë. Palët kanë debatuar mes tyre.
Pas pak çastesh shtetasi Gentian Mithi dyshohet se ka shkuar në afërsi të banesës së 24 vjeçarit në lagjen “Salo Halili” në vendin e njohur si “Çinari i Tophanës” dhe aty mendohet se e ka plagosur me armë zjarri pistoletë dhe më pas është larguar në drejtim të paditur. Policia vijon që të jetë në ndjekje të autorit të dyshuar për të bërë të mundur gjetjen e më pas kapjen e tij ndërsa grupi hetimor vijon punën për ta zbardhur të plotë ngjarjen e ndodhur pasditen e 11 majit në Shkodër.
-
Horoskopi5 hours ago
Distanca me partnerin ju ka krijuar jo pak probleme, ndaj sot këshillohet që të…
-
Kronike20 hours ago
FOTO/ Makina e shkatërruar në anët e rrugës, si ndodhi aksidenti që i mori jetën të 20-vjeçarit
-
Politike19 hours ago
Analiza për vizitën e Ramës në Athinë/ Monika Stafa: Kthehuni në Itakë
-
Rajon20 hours ago
Silianovska e quajti vendin e saj “Maqedoni”, ambasadorja e Greqisë braktis ceremoninë e betimit të Presidentes
-
Aktualitet19 hours ago
Konfindustria kërkon ndërhyrje urgjente për Durrës-Tiranë, të hetohet korrupsioni te rrugët
-
Politike20 hours ago
“Laskarina Boubulina, shqiptare”/ Mediat greke: Rama falsifikues i historisë
-
Politike22 hours ago
Mediat greke jehonë disa mbështetësve të PD, dolën në protestë kundër Ramës në Athinë
-
Kronike22 hours ago
FOTO/ Ky është 20-vjeçari që vdiq në aksident, shoku i tij në gjendje të rëndë