Serbët afër heqjes dorë nga jeta në Kosovë/ I konvenon Serbisë e Rusisë për të minuar…

Edward Joseph, professor në Universitetin Johns Hopkins” në Uashington, ka thënë se serbët e veriut janë “afër heqjes dorë nga jeta në Kosovë” pas “fiaskos” në Banjskë – një rezultat që, sipas tij, do t’u shkonte përshtati vetëm planeve serbe dhe ruse për të minuar rendin perëndimor e multietnik në rajonin e trazuar të Ballkanit Perëndimor.

Në një artikull autorial ai ka kritikuar kryemenistrin e Kosovës, Albin Kurti, për shkak të “lëvizjeve provokuese” në veri të territorit kosovar të banuar me shumicë serbe, duke thënë se “veprimet e njëanshme” të Kurtit rrezikojnë të “zhbëjnë” kushtetutën e Kosovës e cila garanton një vend të sigurt për pakicën serbe.

“Kurti, pavarësisht sanksioneve të SHBA-së dhe BE-së, ka vazhduar ‘instrumentalizimin’ e policisë së Kosovës në veri pas vendimit katastrofik të besnikëve të Serbisë për të larguar serbët nga forca policore dhe institucionet e tjera në nëntor te vitit 2022” –  ka theksuar Joseph, ndërsa ka shkruar edhe rreth nevojës për ridefinimin e politikës së jashtme amerikane nën administratën e re.

“Kurti vazhdon populizmin e papërgjegjshëm për një arsye kundërintuitive: Qytetarët e Kosovës, dhe shumë në Maqedoninë e Veriut dhe Malin e Zi e shohin Kurtin figurën e vetme që i kundërvihet Serbisë, ndaj së cilës nuk ka pasur asnjë pasojë për veprimet apo mosveprimet që çuan në konfrontim të dhunshëm me paqeruajtësit e NATO-s” –  ka shtuar mes tjerash Joseph.