Vulin “sfidon” BE-në: Serbia mos të integrohet nëse duhet të njohë Kosovën

Zëvendëskryeministri serb Aleksandar Vulin tha se Serbia është në rrugën e integrimit në Bashkimin Evropian, por se Beogradi nuk po vendos për shpejtësinë e saj.

“Nëse përballemi me njohjen e Kosovës, detyrimin për të mundësuar martesat e të njëjtit seks apo pjesëmarrjen në konfliktin me Rusinë dhe Kinën, as që duhet të shkojmë në atë rrugë”, tha Vulin në një intervistë për Vecernje Novosti.

Ai theksoi se “derisa të na thonë këtë, na takon neve t’i përmbahemi neutralitetit tonë ushtarak, reformave që na përshtaten dhe të përpiqemi ta forcojmë Serbinë”.

I pyetur nëse Serbia me blerjen e avionëve francezë “Rafal” ka bërë kthesën më të madhe drejt Perëndimit deri më tani, Vulin tha se ky ishte një vendim pragmatik dhe jo politik dhe se Serbia do të mbrojë qiejt e saj.

Ai tha se presidenti rus Vladimir Putin, gjatë takimit të tyre të fundit në Rusi, nuk përmendi “Rafalet”, “por përmendi shkëmbimin tregtar, marrëveshjen e gazit dhe mbështetjen e Rusisë për çdo luftë serbe”.