‘Nuk jam antiamerikan, por opozita është e dëshpëruar’

Kryeministri i Kosovës Albin Kurti tha se kritikat e bashkësisë ndërkombëtare për trajtimin qe I ben qeveria e Kosoves komunitetit serb janë të ekzagjeruara dhe se BE-ja dhe SHBA-ja janë shumë të shqetësuara për veprimet në veri të Kosovës.

“Ata janë shumë të shqetësuar. Sa herë që ne marrim masa, dëgjohen zëra alarmues për një përshkallëzim të mundshëm, por ja ku jemi – Kosova është më mirë se kurrë më parë”, tha Kurti në një intervistë për Bloomberg.

Gjithashtu ai u shpreh se veprimet e Prishtinës ishin “të nevojshme për vendosjen e rendit dhe ligjit në veriun e ndarë prej kohësh”.

Siç ka theksuar Kurti, këta janë “hapa të domosdoshëm drejt vendosjes së kontrollit mbi zonat me shumicë serbe dhe integrimit të tyre të plotë në sistemin ligjor dhe financiar të Kosovës”.

“Përshtypja ime është se pikërisht për shkak se ne jemi të suksesshëm, Beogradi është më nervoz dhe për këtë arsye edhe me shume agresiv,” theksoi Kurti.

Lidhur me kërkesën e Serbisë që zgjedhjet në veri të mbahen sa më shpejt, Kurti tha se vitin e ardhshëm do të ketë zgjedhje të përgjithshme dhe shtoi se ndikimi i presidentit serb Aleksandar Vuçiq në Kosovë ka vazhduar per nje kohe te gjate.

Vuçiq dështoi dhe tani kërkon që ne te paguajmë per dështimin e tij”, ka theksuar Kurti.

Kryeministri i Kosovës, Albin Kurti, gjatë një interviste për Qendrën Kulturore “Struga” në Shtetet e Bashkuara të Amerikës, është pyetur për guximin për të ndërmarrë veprime të pakoordinuar me Shtetet e Bashkuara të Amerikës dhe Bashkimin Evropian në Veri, teksa kryeqeveritari kosovar është përgjigjur se Kosova është shtet i pavarur, duke shtuar se “është një rrezik që gjithmonë ia vlen”.

“Është një rrezik që gjithmonë që ia vlen ta marresh, meqenëse parimësia është e drejtë. Kjo nuk do të thotë që nuk kemi strategji, por nuk jemi dakord me veprime strategjike pa asnjë parimësi vlerore. Me SHBA-në, BE-në dhe me NATO-n ndajmë në mënyrë të plotë vlera të përbashkëta, por edhe interesa e qëllime të njëjta” – deklaroi Kurti duke theksuar, sic dhe u shpreh ai, se “në Kosovë natyrisht që jemi qeveri demokratike e një shteti të pavarur dhe duhet të marrim vetë vendime për veten tonë, por konsultohemi me miqtë partnerët dhe aleatët, por barrën e përgjegjësisë duhet ta marrim ne vetë”.

Megjithatë, Kurti nënvizoi se “Shtetet e Bashkuara të Amerikës janë partneri, miku dhe aleati më i madh dhe i pazëvendësueshëm I Kosoves”.

Gjatë intervistës, ai gjithashtu komentoi epitetin “antiamerikan” që i është vënë nga opozita në Kosovë, duke potencuar se kundërshtarët e Lëvizjes Vetëvendosje dhe Qeverisë duke mos arritur që të gjejnë argumente racionale, bëjnë konstatime të tilla irracionale.

“Dhe nuk bëhet fjalë për kurrfarë anti-amerikanizmi tek kushdo nga kabineti ynë qeveritar apo lëvizja jonë politike, përkundrazi, por ata të cilët bëjnë akuza të tilla, më shumë shprehin dëshpërimin opozitar sesa ndonjë kritikë të vlefshme”- theksoi Albin Kurti

Kryeministri i Kosovës Albin Kurti ka kërkuar kthimin e zonës së sigurisë tokësore prej pesë kilometrash ndërmjet Serbisë dhe Kosovës, për shkak të kërcënimeve të pretenduara ndaj ushtrisë dhe artilerisë që janë dërguar në dy vitet e fundit.

Ai jgjithashtu ka paraqitur edhe një kërkesë që BE-ja, SHBA-ja dhe Britania e Madhe të ndalojnë përfitimet që i japin Serbisë, si dhe të sanksionojnë të gjithë ata që mbrojnë dhe bashkëpunojnë me terroristët, si dhe personat në listën e zezë të SHBA.

“Duke pasur parasysh se Serbia ka sjellë ushtrinë e saj në kufirin tonë katër herë në dy vjet, zona e sigurisë tokësore duhet të rinovohet, në gjerësi prej 5 kilometrash rreth kufirit të Kosovës me Serbinë. Është hequr në gusht të vitit 2001, kur kryeministër ishte Zoran Xhinxhiq dhe kjo tani po keqpërdoret nga regjimi i Aleksandër Vuçiqit”, tha kryeministri Kurti dhe vlerësoi se lidershipi aktual në Beograd ka mbetur agresiv, ashtu siç ka qenë gjatë luftës.

Ai akuzoi Serbinë se nuk dëshiron përparim në normalizimin e marrëdhënieve me Kosovën, përmendi moszbatimin e Marrëveshjes së Brukselit dhe sulmin e vitit të kaluar ndaj Banjskës, për të cilin tha se synimi kryesor ishte fillimi i një konflikti të gjerë dhe të gjatë.

Kurti kërkoi gjithashtu nga Perëndimi që të ndalojë ndihmën për Serbinë dhe të sanksionojë të gjithë ata që mbrojnë dhe bashkëpunojnë me terroristët dhe personat që janë në listën e zezë të SHBA-së.

“Prandaj, i bëjmë thirrje Perëndimit demokratik, veçanërisht Bashkimit Evropian, Shteteve të Bashkuara të Amerikës dhe Mbretërisë së Bashkuar, që përfitimet aktuale të kushtëzohen me Serbinë. Ata që bashkëpunojnë me persona në listën e zezë në Ballkan duhet të sanksionohen nga SHBA, BE dhe Mbretëria e Bashkuar. Ata që janë anëtarë të organizatave “Mbrojtja Civile” dhe “Brigada e Veriut” janë në fakt kriminelë në liri” – ka theksuar kryeministri Kurti.