U arrestua me ish deputetin Çyrbja, GJKKO rrëzon kërkesën e Ahmet Mashës për masën e sigurisë

Gjykata e Posaçme nuk ka pranuar kërkesën e Ahmet Mashës, bashkëpunëtorit të ish deputetit socialist Jurgis Çyrbja për zbutje të masës së sigurisë.

Gjyqtari i çështjes Erjon Bani la në fuqi vendimin e dhënë në datë 20 tetor të vitit 2024 , datë që përkon edhe me seancën për vlerësimin e masës së sigurisë në GJKKO.

E njëjta kërkesë Mashës nuk iu pranua as nga Gjykata e Lartë në seancën e së enjtes, e cila vendosi rrëzimin e rekursit të paraqitur nga ky i fundit mbi vendimin e dhënë nga shkalla e parë dhe Apeli i Posaçëm.

Ahmet Masha dhe Jurgis Çybja ranë në pranga me urdhër të SPAK pas zbërthimit të komunikimeve në aplikacionin “Sky ECC”.

Ish deputetit socialist akuzohet nga struktura antikorrupsion se ka kryer veprat penale “tregimi i sekretit shtetëror nga shtetasit”, kryer më tepër se një herë (sipas episodeve respektive), “përkrahja e autorit të krimit”, kryer më tepër se një herë (sipas episodeve respektive) dhe “tregimi i sekretit shtetëror nga shtetasit”, kryer në bashkëpunim me të hetuarin Ahmet Masha.

Lidhur me këtë hetim që ndiqet nga prokurori Adnan Xholi, ndodhet në kërkim Altin Hajri pronari i kompleksit “Golden” në Shijak, i cili kërkohet nga Prokuroria e Posaccme Antikorrupsion edhe për një tjetër ccështje, për rrëmbimin dhe zhdukjen e Jan Prengës.