PS kryeson garën e 11 majit me 149 e 681 vota

Komisioni Qendror i Zgjedhjeve ka përditësuar shifrat e numërimit të votave.

Nga hapja dhe numërimi i 1038 kutive nga 5 mijë e 225, Partia Socialiste rezulton forcë e parë me 53.26% pasuar nga koalicioni PD- Aleanca për Shqipërinë Madhështore me 33.92%.

Konkretisht e përkthyer në vota PS ka siguruar 149 e 681 vota, ndërsa PD-ASHM 95 mijë e 767.

Partia Socialdemokrate PSD ka marrë 3.79% pasuar nga Koalicioni Nisma Shqipëria bëhet me 3.51%.

Megjithatë, është me interes të shihet si do t’i ketë të shpërndara votat, pasi nëse nuk arrin të përqendrojë votat e duhura në një qark, nuk do ta ketë të mundur gjenerimin e një mandati.

Partia Mundësia e Agron Shehajt radhitet e radhës, 7 mijë e 234 vota, përkthyer në 2.57 të totalit.

Lëvizja Bashkë arrin të marrë 3 mijë e 399 vota, ose 1.21%.

Koalicioni Euroatlantik i Lulzim Bashës paraqitet me 2 mijë e 790 vota, ose 0.99%.

Me 977 vota shfaqet Koalicioni Djathtas për Zhvillim.

Partia Aleanca Kombëtare Shqiptare merr 517 vota.

Partia Atdheu me 350 vota.

Dhe mbyll radhitjen Aleanca Demokracia e Re me 204 vota.