Analistët serbë thonë se Serbia do ta pësojë nëse…
Nëse Serbia, gjegjësisht presidenti, Aleksandar Vuçiq, nuk e pranon planin evropian, franko-gjerman për Kosovën, të mbështetur nga SHBA-ja, analistët serbë vlerësojnë se kjo nuk do të kalojë pa pasoja të këqija për qytetarët e Serbisë.
Sipas Sreçko Gjukiqit, një ish-diplomat serb, disa skenarë janë në lojë.
“Njëri skenar, më i favorshmi, është që të ofrohet sa më parë një plan tjetër që nuk do të përmbajë dispozitën e kontestueshme për anëtarësimin e Kosovës në OKB. Megjithatë, kjo është vërtet e pamundur sepse gjithçka që po bëhet po bëhet për legjitimimin e Kosovës këtë organizatë botërore dhe në të gjitha organizatat e tjera ndërkombëtare, pa njohje formale ndërmjet Serbisë dhe Kosovës”, thotë Gjukiq.
Goran Miletiq, drejtor programi i Civil Rights Defenders, thotë për ”Danas” se është e pamundur që Serbia ta refuzojë planin dhe gjithçka të mbetet e njëjtë, pa asnjë pasojë negative
Kujtojmë se kryeministri i Kosovës, Albin Kurti, dje gjatë qëndrimit në Vjenë tha se Kosova absolutisht e pranon planin franko-gjerman dhe se Serbia e refuzon.
Po ashtu, presidenti i Serbisë, Aleksandar Vuçiq, në pyetjen se a e pranon atë plan, tha se Serbia nuk do të pajtohet me njohjen formale apo joformale të Kosovës, duke aluduar në kërkesën për të mos kundërshtuar anëtarësimin e Kosovës në Kombet e Bashkuara.
“Pa atë dispozitë, për të legjitimuar Kosovën në organizatën botërore dhe në të gjitha organizatat e tjera ndërkombëtare, pa njohje formale ndërmjet Serbisë dhe Kosovës, marrëveshja ndërmjet Beogradit dhe Prishtinës do të ishte e përkohshme, e paplotë dhe nuk do të përfundonte puna dhe nuk do të rregullohej konflikti. Kjo do të thotë një spirale e re negociatash që do ta vazhdonte bashkësia ndërkombëtare. Për një gjë të tillë aktualisht nuk ka disponim tek ndërmjetësuesit kryesorë, thotë Gjukiq.
Ai shton se “në rast se negociatat dështojnë, padyshim se do të ishte sërish faji i Beogradit, nuk është bashkëpunues, historia nga Rambujeja po përsëritet, etj.”.
“Prishtina do të dilte ‘e pastër’. Ajo që do të pasonte do të ishte ajo që ndodh kur negociatat dështojnë – ndërprerja e tyre, ngrirja, ndërmjetësit i çojnë duart, pason një periudhë pritjeje dhe reflektimi. Dhe këtu është pyetja kryesore, çfarë do të bëjnë faktorët ndërkombëtarë kur karota nuk ndihmoi? A do të përdorin sanksione, politike, ekonomike, financiare, ndërprerje investimesh?”, pyetet Gjukiq.
Përkatësisht, thekson ai, në duart e BE-së dhe SHBA-së janë “thika dhe torta” dhe ata do të duhet të rivlerësojnë se çfarë të bëjnë dhe me çfarë mjetesh të veprojnë, nëse nuk e kanë bërë këtë tashmë në Bruksel dhe Uashington.
“Dhe unë besoj se janë. Ata kanë të paktën edhe një plan rezervë që nuk do të jetë aq i favorshëm për ne sa oferta që është në tavolinë të cilën nuk duhet refuzuar aq lehtë. Ajo anashkalon vijat e kuqe të politikës serbe, dhe Beogradi do të duhej dhe besoj se mund të përfitonte nga kjo ofertë”, përfundon Gjukiq.
Sipas Goran Miletiqit, pavarësisht nga mendimet e ndryshme lidhur me sanksionet e mundshme, sigurisht që do të kishte pasoja nëse Serbia deri diku me vendosmëri e refuzon planin e ofruar.
“Prandaj është e pamundur që Serbia ta refuzojë planin dhe gjithçka të mbetet e njëjtë, pa asnjë pasojë negative. Se a do të jetë izolim politik apo ekonomik dhe deri në çfarë mase, nuk është diçka që mund ta dimë, por është mjaft e sigurt se do të kishte pasoja serioze negative nëse Kosova pranon (njëfarë forme) zgjidhjen e ofruar, e Serbia jo”, thotë Miletiq.
Detaje të reja nga ngjarja e rëndë në Greqi, foshnja u hodh e gjallë në koshin e plehrave
Detaje të reja janë zbardhur nga ngjarja e rëndë që ndodhi pak ditë më parë në Greqi, ku babai hodhi në koshin e plehrave fëmijën e porsalindur.
Sipas mediave greke, nga analizat e kryera deri më tani, mësohet se foshnja ka qenë i gjallë kur është hedhur në kosh, teksa prindërit e rinj kanë pretenduar në polici të kundërtën.
Të dhënat e reja tregojnë se foshnja, përveç goditjeve në kokë, ka pësuar edhe goditje para vdekjes në zonën e qafës.
Dy prindërit e të miturit, janë arrestuar nga policia dhe akuzohen për vrasje. Nëna 24-vjeçare ka deklaruar se kur e ka lindur foshnjën në një dhomë hoteli ku ajo punonte i ka rënë gjendje të fikët dhe nuk është përmendur ka gjetur foshnjën të pajetë dhe të maviosur.
“Ai nuk kishte puls dhe ishte i mavijosur. Më kapi paniku dhe vendosa ta hidhja dhe ta fusja në një qese plehrash. Është faji im, më vjen keq që e bëra, më vjen shumë keq”, ka thënë nëna. Vetë ajo ka kërkuar që të lirohet, pasi ka nevojë për vendin e punës sepse i kthen paratë në vendlindje për rritjen e fëmijës së saj të mitur, të cilin prindërit e rritin.
Ndërsa babai i foshnjës, ka deklaruar se ai nuk ka qenë i pranishëm në dhomën e hotelit kur ka lindur bashkëshortja e tij, ndërsa shton se nuk ka qenë as në dijeni se çfarë përmbante qesja e plehrave.
Ai ka pohuar se bashkëshortja e tij e ka zbuluar aktin e saj teksa ishin në taksi, duke u nisur drejt spitalit për t’i dhënë ndihmën e parë.
Megjithatë, të dy të pandehurit shprehën dhimbjen e tyre për humbjen e foshnjës.
VIDEO/ Vrasja e 40-vjeçares nga ish-bashkëshorti, publikohen pamjet pak minuta pas krimit
Publikohen pamjet pak minuta pas ngjarjes së rëndë në Menidi, ku mbeti e vrarë me thikë 40-vjeçarja shqiptare, Enkelejda Danaj.
Në video, shfaqet gruaja fatkeqe e shtrirë në tokë pasi është goditur me thikë në bark.
Gruaja është pikasur nga fqinjët rreth orës 6 të mëngjesit në kryqëzimin e rrugëve Parnithos dhe Aristotelous. Rasti po hetohet nga Departamenti i Vrasjeve.
Sipas informacioneve, 40-vjeçarja kishte bërë më parë akuza për dhunë në familje ndaj bashkëshortit të saj, ndërsa policia e kërkonte atë si të dyshuar për vrasjen. Ankesa e parë është bërë dy vite më parë, ndërsa e dyta në periudhën e Pashkëve.
Një dëshmitar, i cili foli për MEGA tha se, menjëherë pas vrasjes, vajza e 40-vjeçares ka mbërritur në vendngjarje. Ajo filloi të qajë dhe të bërtasë, ajo kërkonte ndihmë, duke qarë dhe duke folur në telefon me vëllain e saj gjithashtu të mitur duke i thënë, “babai me siguri ka vrarë mamin”.
Në të njëjtën kohë është tronditur edhe një banore e Menidit, e cila me të mbërritur në vendin ku u gjet e pajetë 40-vjeçarja nga Shqipëria , pa – përveç trupit të gruas fatkeqe – edhe vajzën e saj në gjendje shoku duke folur në telefon dhe duke thënë se babai i saj ka vrarë nënën e saj.
“Një vajzë e vogël erdhi, këtu në vendin e ngjarjes, dhe tha ‘ndoshta është nëna ime’ ndërsa ajo po qante”, thotë ajo.
“Ajo i tregoi një foto Policisë dhe kështu u identifikua si nëna e saj. Ajo tha se mamaja e saj nuk shkoi në punë sot dhe pasi ia tregoi fotografinë policisë, ajo u tha se babai i saj e kishte vrarë”.
Siç pohon banorja, çifti së fundi kishte blerë një shtëpi në këtë zonë, ndërsa tregon se e mitura teksa fliste në telefon thoshte ‘”më kanë vrarë mamin, e kanë vrarë. Mamaja ime, ajo ishte shumë e tronditur”.
Policia ka nisur hetime për të zbardhur vrasjen e gruas 40-vjeçare.
Sipas informacioneve, nga të dhënat e para të mbledhura nga EL.AS. rezulton se 40-vjeçarja, si në të shkuarën e afërt ashtu edhe një dekadë më parë, i është drejtuar tre herë autoriteteve dhe ka denoncuar bashkëshortin e saj për dhunë në familje.
Veçanërisht, denoncimi i parë është bërë më 3 prill 2013, ku gruaja ka denoncuar ish-partnerin e saj për dhunën në familje. Më pas burri u arrestua dhe u dërgua në prokurori.
Ankesa e dytë është bërë më 18 shtator 2022, ku viktima ka denoncuar burrin e saj për kërcënime , lëndim fizik dhe abuzim verbal. Burri u arrestua sërish dhe u dërgua në prokurori.
Në këtë pikë, duhet theksuar se kishte një urdhër gjykate në bazë të të cilit burrit i ndalohej të jetonte me viktimën, por ajo e kishte lejuar atë në vitin 2018.
Ankesa e fundit është bërë më 7 maj 2024, sërish për dhunë në familje (kërcënimi, lëndimi trupor dhe abuzimi verbal).
Ai u arrestua dhe u dërgua në prokurori, ndërsa të premten, 17 maj 2024, do të dilte para gjykatës.
Komandanti i njësisë së dhunës në familje, e telefonoi dy ditë pas ngjarjes dhe ajo i tha se ishte mirë.
40-vjeçarja i është dhënë urdhër për ekspertizë mjeko-ligjore dhe i janë dhënë informacione, udhëzime dhe materiale të printuara, për të marrë, nëse dëshiron, ndihmën e nevojshme materiale nga organet kompetente.
Përveç kësaj, ajo u informua për mundësinë e instalimit të aplikacionit “Panic Button” në celularin e saj dhe iu dha një kod për të hyrë në aplikacionin në fjalë.
Në të njëjtën kohë, ajo u informua për mundësinë e transferimit të saj në një objekt pritës dhe deklaroi se nuk dëshiron.
Tashmë hetimet e drejtuesve të EL.AS. i janë drejtuar këtij njeriu, i cili është në kërkim por ende nuk është gjetur.
Bashkëshorti i 40-vjeçares do të gjykohej nesër për dhunë në familje.
Krim i rëndë në familje/ Vëllai vret vëllanë dhe kunatën më pas plagos dhe veten
Një ngjarje e rëndë ka tronditur Shkupin ditën e sotme.
Mediet fqinje bëjnë me dije se në Stajkovcë të Shkupit një i moshuar ka vrarë vëllanë dhe kunatën dhe më pas ka goditur veten me thikë.
Autori aktualisht ndodhet në spitalin “Sveti Naum Ohridski”.
Policia ka njoftuar se ditën e sotme, rreth orës 12:30, shtetasja S.K 57 vjeç dhe bashkëshorti i saj V.K 64 vjeç, janë gjetur me lëndime në kokë në fshatin Stajkovcë të Shkupit, në tarracën dhe në shkallët e shtëpisë.
Mjeku i Emergjencave Mjekësore në vendngjarje ka konstatuar vdekjen e shtetases S.K, ndërsa V.K me lëndime është transportuar në Kompleksin Klinikë “Nënë Tereza”, ku ka ndërruar jetë në orën 14:00.
Policët e Stacionit Policor Gazi Babë dhe Njësiti i Policisë Intervenuese në SPB Shkup kanë gjetur të plagosur shtetasin L.K 67 vjeç, vëllai i V.K, i cili dyshohet se është autor i vrasjes.
Ai gjithashtu është transportuar në spital për trajtim mjekësor.
Nga autoritetet thonë se po merren masa për zbardhjen e plotë të rastit dhe do të dalin me detaje se si ka ndodhur ngjarja e sotme.
Horror/ Hajdutët vrasin në mënyrë barbare të moshuarën për 7 mijë euro
Një e moshuar rreth moshës 63-vjeçare është vrarë barbarisht nga një grup hajdutësh në Greqi.
Ngjarja raportohet të ketën ndodhur në Chalkidha, kur autorët hynë në banesën e të moshuarës e neutralizuan dhe e vranë duke e goditur pesë herë me thikë në fyt për t’i vjedhur 7 mijë euro.
63-vjeçarja u vra mbrëmjen e 10 majit. E gjithë ngjarja u denoncua nga shoqja e saj e cila e gjeti të pajetë në banesë.
Mediat greke raportojnë se nuk është identifikuar ende autori apo autorët, ndërsa po punohet për zbardhjen e plotë të ngjarjes së rëndë.
