Politike

Berisha: KLSH ka denoncuar se qeveria vodhi 122 mld lekë

Kryetari i Partisë Demokratike, Sali Berisha ishte i pranishëm ditën e sotme në Krujë, aty ku prezantoi kandidatin e koalicionit “Bashkë Fitojmë”, Agron Lokën. Berisha tha se kandidati i koalicionit Loka do të bëjë gjithçka për të garantuar ndryshimin e madh në Krujë, Fushë Krujës, fshatra, biznese e jetën e banorëve në tërësi. Gjatë fjalës së tij para demokratëve, kryedemokrati u shpreh se KLSH ka denoncuar se Qeveria ka vjedhur 122 miliard lekë.

“KLSH ka njoftuar se qeveria vodhi 122 miliard lekë, 1.1 miliard euro janë 130% fondi i përgjithsëm i pagave në Shqipëri. Me a sa vjedh nëse do të kishte vullnet mund të dyfishonte çdo vit rrogat. Jo që nuk e bëri, përkundrazi rriti çmimet, në kapitalizëm nuk janë qeveritë që rrisin çmimet, i rrit tregu dhe kërkesa, në Shqipërinë e Edi Ramës çmimet i rritën bordet”

Po ashtu, Berisha tha se kandidati për Bashkinë, Agrona Loka do ua kthejë besimin me përkushtimin në shërbime, menaxhim, vizione për Krujën. Ndër të tjera, Berisha akuzoi Ramën se ka kontroll total në pushtetin ekzekutiv, vendor, drejtësinë dhe presidencën.

PJESË NGA FJALA:

Përulem para banorëve të Krujës për mbështetjen e madhe tepër të çmuar që i keni dhënë PD-së në dekada, është një krenari e madhe. I nderuar nënkryetar i PD-së Bylykbashi, të nderuar kryetarë të PD dhe PL Xhevahir dhe Bakiu, të dashur miqtë e mi Ylli Lamja, Xhixha, kënaqësi që jeni mes nesh. I dashur kryetar i ardhshëm i bashkisë Krujë Loka. Vij këtu me nder të veçantë, paraqes para jush Agron Lokën, të këtij qyteti që qëndron në kreshtën e historisë sonë kombëtare. Kruja frymëzon qytetarët me qëndresë, çdo shqiptar për shpirt të pamposhtur dhe fitore. Agron Loka vjen këtu para jush si kandidat i votuar me votën tuaj të lirë, që i dhatë besimin, që ju e miratuat, për kryetar të ardhsëm të bashkisë. Së bashku me të gjithë kandidatët e tjerë, pas 32 vitesh janë kanidatët e qytetarëve. Ato zgjedhje që i quajtëm Primare nuk ishin të përsosura, po shumë herë më mirë që mblidhemi sot para një kandidati tuaj se sa një kandidati tim, kjo është demokracia. Në këtë mënyrë ne gjithashtu, bëjmë që përfaqësimi ynë të jetë më i drejti, njeriu që votojmë ta dijë që është me votën tonë, që ka detyrime ndaj nesh dhe do mbetet një shërbëtor i përkushtuar. Loka do jua kthej besimin me përkushtimin në shërbime, menaxhim, vizione për Krujën. Ju garantoj se Loka do bëjë gjithçka që çdo qindrakë e taksave tuaja, ti përdorë me transparencën më të madhe, për ndryshimin e Krujsës. Kruja ka potenciale të jashtëzakonshme, potenciale turistike, bujqësore, industriale. Pra të votojmë ndryshimin në mënyrë që duke firmosur ndryshimin më 14 maj firmosim ndryshimin e jetës sonë. Miqte e mi, 14 maji është ditë zgjedhjeve qeveritarëve vendorë, po e vërteta është që nga 92 këto ajnë zgjedhjet më të rëndësishme që Shqipëria ka patur, zgjedhjet e jetës sonë, ftohemi em votën tonë në një mision historik, përmbysjen e monizmit që sundon sot në Shqipëri. Krua ka patur qëndresën antikomuniste një akt të shkëlqyër. Ndër të parët që e përmbsën ishin krutanët. Pas 30 vitesh, njësoj siç e ka thënë dhe Regan demokracisë i mjafton një gjeneratë për tu zhdukur. U vendos një monizëm i bazuar në krimin vjedhjen dhe drogën të gjitha pushtetet janë në dorëne një njeriu, kontrollon 10% më shumë se Ramiz Alia, sot ky despot që nuk njeh ligj, ky njeh thjesht dëshirat mendimet e tij. Sot ky despot kontrollon totalisht pushtetin ekzekutiv, vendor, drejtësionë, presidencën.

Politike

Veliaj në SPAK/ Ish-kryeprokurorja zbulon se për cilat çështje hetimore do të pyetet

Ish-kryeprokurorja e Tiranës, Elizabeta Imeraj, ka komentuar vizitën e Erion Veliajt në SPAK.

Imeraj theksoi se nuk përjashtohet mundësia që Veliaj të pyetet për një sërë çështjesh hetimore, jo vetëm për inceneratorët, por edhe për dosjen “5D”.

Elizabeta Imeraj: “Veliaj është thirrur për të parë shkalljen e përfshirjes së tij në aferën e inceneratorëve. Është proces normal.

Ndoshta po merret në pyetje për një sërë procesesh hetimore. Thirrja është nga Prokuroria dhe nuk është shkuarje me vullnet të lire”.

Politike

Veliaj në SPAK/ Ironizon Korreshi: Erdhi koha që të gjithë të shkojnë në dhomën e rrëfimit

Deputeti i Partisë Demokratike, Saimir Korreshi, ka komentuar thirrje e kryebashkiakut Veliaj në SPAK dhe “përplasjen” me anëtarët e PD-së që ishin jashtë godinës.

Korreshi u shpreh se më në fund ka ardhur koha që të pyeten persona në pozitat e Veliajt, ndërsa nuk ka kursyer edhe ironitë, ku tha se erdhi koha që të gjithë shkojnë te dhoma e rrëfimit.

“Kolegët e mi nuk duhet t’i thonin hajdut, por zoti hajdut sepse nuk e kanë atë konfidencë. Më në fund erdhi radha që të gjithë të shkojnë në dhomën e rrëfimit. Por aty nuk falen kollaj gjynahet”, tha ai.

Sa i përket dosjes 5D ai tha se nuk ka asnjë mundësi që drejtuesi i institucionit të mos ketë dijeni mbi faktin se ku kanë përfunduar paratë.

“Për mua SPAK e kap lepurin me qerre. I vetmi institucion që mund të zhbëjë hallkat mes krimit të organizuar dhe qeverisë. Krim i organizuar është edhe të vjedhësh paratë e shqiptarëve në mënyrë institucionale”, tha ai.

Politike

“Më gjykoni nga reputacioni i armiqve”, Veliaj mesazh të ‘koduar’ para se të shkonte në SPAK?!

Mbrëmë, mediat pranë opozitës, duket se i kishin koordinuar mirë emisionet e tyre, duke ftuar në studio analistë e gazetarë që njihen për sulmet ndaj kryebashkiakut të Tiranës, Erion Veliaj, për të komentuar vajtjen e tij në SPAK ditën e sotme.

Por, sot në mëngjes Veliaj, u është përgjigjur atyre me një story në WhatsApp, duke cituar një nga shprehjet e famshme të Presidentit Amerikan, Frenklin D. Ruzvelt.

“Më gjykoni nga reputacioni i armiqve që kam bërë”, ka shkruajtur Veliaj, i cili pasi është ka shkuar në SPAK, do të jetë prezent në mbledhjen e sotme të Këshillit Bashkiak të Tiranës ku do t’i jepet titulli “Qytetar Nderi” Ali Ahmetit dhe një rrugë në Tiranë do të marrë emrin e Remzi Hoxhës, biznesmeni që u zhduk nga SHIK-u i Sali Berishës në vitin 1995.

Politike

“Meta akuzon Monikën si bashkëpunëtore të SPAK”

Analisti Poli Hoxha bëri të ditur në emisionin ‘3D nga Alban Dudushi’ në RTSH, se për të analizuar atë çfarë ndodhi në Konventë nuk është se kërkon një analizë shumë të detajuar sepse situata është mjaft e qartë dhe e thjeshtë për ta kuptuar.

Ilir Meta shpalli armiq të gjithë ata që kanë dëshmuar në SPAK duke filluar që nga Monika Kryemadhi, pasi dyshon se të gjithë e kanë tradhtuar dhe janë bashkëpunëtorë të SPAK-ut.

“Bëjmë gabim në analiza kur flasim për politikë të stërholluar, sepse çdo simptome do i gjejmë shkakun. Pse ka nisur çarja Meta- Kryemadhi? Ajo ka nisur nga SPAK. Të gjithë që janë pyetur nga SPAK dhe shumë mesa di kanë thënë të vërtetën, të gjithë u shpallën armiq. Telefoni që u gjet në shtëpinë e mamasë së Monikës ku janë biseda ndër vite. Elona Guri armike se është thirrur në SPAK, Monika po ashtu, Brahimllari armik se ka qenë në SPAK, Luan Rama armik se është thirrur në SPAK etj. Nuk e kuptoj se çfarë opozite do të bëj Meta? Që kur është futur në arrest shtëpie Berisha, Meta ka mbajtur distancë. Por gjërat qartazi ecin paralel me SPAK. Kanë informacione ata se çfarë ndodh në SPAK. Meta kujtohet që këtë distancë ta shuajë menjëherë sepse e mendon se SPAK i është afruar. Këndon këngë për Berishën poshtë ballkonit, ai nuk i përmend as emrin.”, tha Hoxha.

Politike

A ka Meta informatorë në SPAK? Myslim Murrizi zbulon emrin

Ish- deputeti i PD, Myslym Murrizi foli në lidhje me zhvillimet politike të vendit dhe kryesisht për atë që po ndodh me Partinë e Lirisë dhe tashmë presidentin e saj, Ilir Meta.

Murrizi e cilësoi kreun e PL si një enverist që është në betejë me Ramën për të marrë ithtarët komunistë. Por kur pyetet se si një enverist nuk “ngurojnë të veshë bluzën “Free Berisha” dhe të mbështesë liderin e opozitës”, ai thotë se “hipokrizia është gjellë që hahet me orekse. Këta e hanë me garuzhde, për një karrige të qelbët të shtetit dhe pushtetit”.

Ish- deputeti nuk e beson “luftën ndaj depozitimit” që Meta ka shpallur në partinë e tij.

“Nuk është e vërtetë, njerëz që ndajnë 8 orë krevatin së bashku, prindër të 3 fëmijëve, të jenë kaq shumë të mosmarrur vesh për hatër të parimeve për këtë mender demokraci që jetojnë shqiptarët 34 vite. Ky është një teatër, jo të gjithë mund të na fyejnë injorancën me këto veprime. Nuk e besoj faktin që Monika është tërhequr.

As shqiptarët nuk e besojnë. Nuk do tërhiqet sepse politika është ves. (…) Atë që ndodhi që ndodhi do të quaja një taktikë elektorale politike brenda subjektit për të ngritur adrenalinën e militantëve, për të thënë që këtu po bëhet një gjë e madhe”.

Përsa i përket marrëdhënies së Ilir Metës me SPAK-un, Murrizi tha se nuk është çudi që ai të ketë informatorët e tij brenda këtij institucioni.

Në një institucion me 18 prokurorë dhe 17 agjentë të BKH, nuk është çudi që të marrësh informacion. Për shembull, keni dëgjuar ndonjëherë Metën ta zërë me gojë Arben Krajën.

Asnjëherë! E ka pas vartës. Kur ishte Kryeministër, e ka pas atje. Pasi iku nga nënkryetar i Kontrollit të Lartë të Shtetit nga Mustafa Kërçuku vajti shefi ia anti-korrupsionit dhe këshilltar e jurist i tij”, tha Murrizi.