Aktualitet
GRAFIKU/ Tirana po shkon drejt tkurrjes
Tranzicioni i fortë demografik me rënie të lindjeve dhe me emigracion të lartë nuk po kursen as kryeqytetin.
Të dhënat e fundit të INSTAT tregojnë se në 9 mujorin 2022 në qarkun e Tiranës lindën 6,306 bebe me rënie 9 për qind në krahasim me të njëjtën periudhë vitit 2021. Ky numër lindjesh në Tiranë është me i ulëti së paku që nga viti 2011 që kur nisën të raportohen të dhënat e lindjeve sipas qarqeve (shiko grafikun në fund).
Në rang kombëtar numri i lindjeve është futur në trend rënës që në vitet e para të tranzicionit nga mbi 82 mijë në vitin 1990 në rreth 27 mijë në vitin 2021. Por ndryshe nga qarqet e tjera, Kryeqyteti ka njohur rritje të numrit të lindjeve për shkak të migrimit të brendshëm të popullsisë nga qarqet drejt qendrës dhe krijimi i familjeve të reja prej studentëve në Tiranë duke mos u kthyer në rrethe.
Rënia e numrit të lindjeve në Qarkun e Tiranës vjen në tendencë të kundërt me shifrat e popullsisë që të paktën për kryeqytetin po vijnë në rritje vit pas viti edhe pse me ritme më të ulëta.
Sipas të dhënave të INSTAT, popullsia e Qarkut të Tiranës arriti në 1 janar 2022 në 919, 511 persona, 7032 më shumë se në janar 2021 me zgjerim 0.8%. Popullsia e Tiranës është rritur përkatësisht e 16-17 mijë banorë të rinj në vit nga viti 2001 deri në vitin 2015, por në vitet 2017 dhe 2018 kjo rritje ishte më e dukshme.
Në vitin 2017 Tirana u rrit u shtua me 19.4 mijë banorë të rinj dhe në vitin 2019 kjo shtesë i kaloi të 21 mijë persona. Por në tre vitet 2018 dhe 2020 dhe 2021 shtesa e popullsisë shënoi një ngadalësim të ndjeshëm.
Sipas Anketës se Emigracionit Popullsia e Qarkut të Tiranës është pakësuar me 13.7%, ose me 102 mijë persona gjatë 2011-2019. Nga këto 77 mijë persona kanë migruar të grupuar në familje. Anketa ka zbuluar se Tirana ka emigracionin më të lartë të njësive familjare krahasuar me qarqet e tjera. Gjatë periudhës, 10.3% e familjeve të qarkut të Tiranës kanë emigruar. Gjithashtu popullsia e Tiranës është në presionin e rënies së lindjeve.
Edhe pse popullsia e Kryeqytetit ka frenuar ritmet e rritjes, oferta për banesa është rritur nga flukset e mëdha të ndërtimit në vitet e fundit. Kjo ecuri teorikisht duhet të ushtronte presion në uljen e çmimeve të banesave, por në realitet po ndodh krejt e kundërta. Sipas indeksit të Bankës së Shqipërisë çmimet e banesave në Tiranë janë rritur me 40 për qind vetëm në 6-mujorin e parë të vitit 2022.
Rritja e shpejtë e çmimeve të banesave në Tiranë e ka bërë kryeqytetin jo atraktiv për çiftet e reja.
Pak kohë më parë agjencitë e pasurive të patundshme pohuan se çiftet e reja nuk po investojnë në Tiranë për të krijuar familje. Ata preferojnë të rrinë më qira, deri sa të përgatisin infrastrukturën për të emigruar.
Investimet në ndërtimin e banesave në Tiranë, por rriten me shpejtësi, për të gjitha llojet, rezidenca, hotele dhe qendra tregtare, por ndërkohë çmimet kanë arritur mbi 1000 euro për metër katror edhe ne periferi./MONITOR
Aktualitet
‘Korrupsioni është i llahtarshëm’/ Lubonja: Rama donte të mbulonte ‘diellin me shoshë’
Analisti Fatos Lubonja, ka komentuar mbledhjen e PS-së të kryeministrit Edi Rama.
Lubonja theksoi se kryeministri donte të mbulonte diellin me shoshë. Sipas tij, Rama në mbledhjen e PS-së ndau veten nga të tjerët, duke vijuar narrativën sikur i miri është vetë dhe të këqinjtë janë “të tjerët”.
“Rama ndau veten nga të tjerët. Edi Rama dikur tha se është sistemi e jo punë individësh, por duket se kjo nuk del se është e vërtetë. Ishte përsëritje e asaj që thotë se ne do të ndërtojmë shtet. Kryeministri donte të mbulonte diellin me shoshë, por shosha është hapur shumë dhe duket. Edhe Veliaj është si ana tjetër e medaljes së Ramës, sepse Tiranën e kanë qeveritur të dy.
Grabitja e hapësirave publike që iu bëhet qytetarëve është bërë nga bashkia në Tiranë dhe qeveria. Kullat në Tiranë dalin nga thasët e krimit të organizuar. Bashkëpunimi i Edi Ramës me Erion Veliaj për mua është evidente. Rama donte të binddte të tjerët se unë jam i pastër. Korrupsioni tani është i llahtarshëm”, tha Fatos Lubonja.
Aktualitet
‘Motra u tërbua kur pa videon e të dashurës 18-vjeçare’/ Trondit vëllai i Alma Arrazit
Ngjarja e rëndë e ndodhur në Shkodër, ku nëna Alma Arrazi së bashku me 3 fëmijët e saj u hodhën nga ura e lumit Buna, ku gjetën dhe vdekjen.
Diten e sotme janë gjetur të 4 kufomat dhe vëllai i Alma Arrazit dha deshminë e tij mbi konfliktet e të motrës dhe çfarë ndodhi atë dite.
“Alma duket se ka kuptuar tradhtinë bashkëshortore. Alma e ka marrë bashkëshortin me dashuri. Motra ime është tërbuar kur ka parë burrin e saj me 18-vjeçaren. Ajo ka shtangur dhe besoj se ka humbur logjikën”, tha vëllai i Alma Arrazit
Aktualitet
“Mesazhe ofenduese dhe tradhti”/ Çfarë u gjet në celularin e Erdgys Arrazit?
Prokuroria e Shkodrës ka zbuluar mesazhet ofenduese dhe tradhtinë në celularin e bashkëshortit të Alma Arrazit, Erdgys Arrazi. Julian Kasapi tregon dinamikën e ngjarjes së rëndë që tronditi Shkodrën dhe opinionin publik, pas vetëvrasjes së nënës me 3 fëmijë.
“Prokuroria hodhi dritë për aktin e fundit të Alma Arrazit që u hodh në Bunë së bashku me 3 fëmijët. Sipas Prokurorisë së Shkodrës e gjendur në kushte të rënduara si pasojë e dhunës psikologjike nga bashkëshorti, se është sekuestruar celulari i Erdgys Arrazi, ku shihen ofendime të ndryshme por edhe i tradhtisë bashkëshortore, kjo ka çuar që Alma Arrazi të ndërmerrte këtë akt vetëvrasës. Ne dimë aktin final, por nuk dimë sa ka zgjatur kjo dhunë e tradhti bashkëshortore që ka çuar në këtë pikë”, tha Kasapi.
Sipas tij, kjo ngjarje mund të ishte parandaluar pasi kishte njerëz që kishin informacion mbi dhunën psikologjike apo kushtet e rënduara të viktimës. Gazetari thekson se nuk duhet të përbaltim figurën e nënës.
“Para se të shkojmë te fakti se bashkëshorti kishte një lidhje tjetër se ne nuk njohim institucionin e divorcit. Nuk është e mundur që asnjë person të mos ketë ditur për gjendjen e Alma Arrazit jo vetëm gjendjen e rënduar psikologjike, por edhe dhunën e tradhtinë. Unë jam i bindur që dikush duhet të ketë patur informacion, por ky u dha shumë vonë te policia, kur nuk kishte më kontakte me Almën. Duke qenë se dihej më parë mund të ishte parandaluar. Ne përbaltim figurën e viktimës, por ne nuk e dimë periudhën ku ajo është gjetur përballë dhunës psikologjike, kushtet, opinionin, nëse a e ka bërë si hakmarrje ndaj bashkëshortit. Duhet të jemi të kujdesshëm që të mos përbaltim figurën e një nëne. Si ka qenë kjo tradhti bashkëshortore. Të përbaltësh figurën e nënës që merrte medikamente mbi depresionin. Ne dimë aktin final tragjik, por si u arrit deri aty. As vendi ku është hedhur nuk dihet.”.
Edhe ekspertja për çështjet sociale, Entela Hidri, thekson se kjo ngjarje mund të ishte parandaluar. Sipas saj akti ekstrem mund të jetë marrë bashkarisht me fëmijët.
“Ne kemi probleme si shoqëri, nuk kemi edukatën që t’ia japim fjalën e fundit drejtësisë. Fakti që nuk pranohen familjarët e të ndjerës do të thotë shumë. Janë përgjegjës. Ne duhet të edukojmë familjet që nëse nuk ke përputhshmëri karakteri të ndahen rrugët. Një baba që e shikon që vajza i dhunohet, tradhtohet e denigrohet merre në shtëpi. Më mirë të kesh një fëmijë të gjallë të ndarë, sesa në varr. Më duket si një vendim i marrë bashkarisht me fëmijët. Se nuk mund t’i marrësh fëmijët fizikisht. Në gjendje të shëndetshme mendore asnjë nën nuk do të vriste fëmijët. Aty ka pasur një gjë shumë të madhe, nëna nuk i ka tërhequr për t’i hedhur, ata kanë shkuar në paqe. Çdo gjë mund të parandalohet përderisa ka informacion. Djemtë duhet të përdorin edhe forcën e karakterit”.
Sipas Kasapit dhe Hidrit policia dhe organizatat duhet të punojnë shumë për të parandaluar ngjarje të tilla në të ardhmen, pasi vetëm në vitin 2023 janë vrarë 13 gra, nëna dhe vajza.
Aktualitet
Gjetja e katër trupave të nënës me fëmijët/ Agjencia Kombëtare e Mbrojtjes Civile jep detaje nga operacioni
Pas gjetjes të katër trupave të mbytur në lumin Buna, të Alma Arrazit dhe tre fëmijëve të saj, ka reaguar Agjencia Kombëtare e Mbrojtjes Civile.
Në një postim në rrjetet sociale, Agjencia Kombëtare e Mbrojtjes Civile, ka dhënë detaje në lidhje me operacionin, ndërkohë që u ka shprehur ngushëllimet familjarëve për tragjedinë.
Postimi i plotë:
“Sot pas tre ditësh ka përfunduar operacioni i kërkimit të qytetarëve të mbytur në lumin Buna.
Nën drejtimin e Agjencisë Kombëtare të Mbrojtjes Civile, u angazhuan 96 forca operacionale dhe 13 automjete nga strukturat vendore dhe qendrore, përfshirë Forcat e Armatosura, Forcat Renea, Njësia e Sigurisë Publike, DVP Shkodër dhe DRKM, si dhe banorë të Administratës Dajç. njësi.
Drejtori i Qendrës Rajonale të Mbrojtjes për Veriun, z. Besnik Hysaj, ndoqi me kujdes operacionin në terren duke koordinuar strukturat referuar ligjit 45/2019 “Për Mbrojtjen Civile”.
Në këtë moment të dhimbshëm, i shprehim ngushëllimet tona më të thella familjes dhe të afërmve”.
Aktualitet
Rrëfimi tronditës i babait të Alma Arrazit: Çfarë u kanë parë sytë atyre fëmijëve
Voxnews.al sjell dëshminë tronditëse të babait të Alma Arrëzit, nëna e cila i dha fund tragjikisht jetës duke u hedhur nga ura e lumit Buna së bashku me tre fëmijët.
Teksa rrëfente mbi jetën e trishtë që kishte e bija, babai i Alma Bushati Arrëzi, Azem Bushati, sjell në vëmendje edhe detaje tronëditëse dhe prekëse.
“Sa e zgjuar ishte vajza ime. Puuuu sa e zgjuar. Veç ta kishe njohur… Por pati një fat të keq, shumë të keq”, shprehet ai.
Duke e përshkruar dhe treguar se përse kishte fat të keq, Azemi, nuk ngurron të tregojë edhe ato se çfarë kishte mësuar nga bëmat e brenda 4 mureve ku jetonte e Alma së bashku me bashkëshortin dhe fëmijët e mitur.
Largime të tilla dhe mënyra se si Ergys Arrëzi e trajtonte, kanë shkaktuar padiskutim edhe trauma tek të vegjlit.
Ishte shumë e lidhur vajza e madhe me të ëmën. Booooo çfarë kanë parë ata fëmijë. Shpirti nuk më del rehat. Kam zemrën e operuar dy herë. Nuk ka kuptim më jeta ime”, tregon ai.
Nga thënie të tilla mësojmë edhe njëherë se përveç faktit që çifti ka pasur mosmarrëveshje, pasojat i kanë vuajtur edhe fëmijët. Të cilët për fat të keq, shpirtin e lanë në lumin Bunë, dorëpërdore me mamanë e tyre.
-
Kronike21 hours ago
‘Asaj ia digjte rrobat dhe fotografitë’/ Zbardhet dëshmia e motrës së Almës: Para se të hidhej pa Ergysin me…
-
Pinknews21 hours ago
Arbër Hajdari banor në ‘BBV’? Babai i opinionistit befason me përgjigjen
-
Aktualitet21 hours ago
PAMJE TË RËNDA/ Momenti kur gjendet trupi i pajetë i 8-vjeçares në lumin Buna
-
Pinknews20 hours ago
‘Më përdorën familjen dhe Kiarën për të më ulur dhe sulmuar/ Luizi bën reagimin e papritur
-
Pinknews1 hour ago
“S’të nxorra unë finalist, ishte vendim i Vëllait të Madh” / Eglës i shpëton goja, ia thotë troç Romeos
-
Politike22 hours ago
DETAJE / Rama mbledh nesër në Kryesinë e Kuvendit, deputetët dhe ministrat
-
Bota8 hours ago
Moska bën paralajmërimin e fortë: Do godasim objektivat ushtarake britanike nëse…
-
Politike24 hours ago
Gjendet vajza tjetër/ Balla me lot në sy: Kemi të dhëna që edhe trupat e nënës dhe djalit janë në Bunë