Bota

Kina pa informacione mbi përhapjen e Covid

Ndërsa Covid 19 vijon të përhapet në të gjithë Kinën, një sërë vendesh dhe Organizata Botërore e Shëndetësisë po i bëjnë thirrje Pekinit të ndajë më shumë informacion. Disa prej shifrave të raportuara janë cilësuar si pa vlerë.

Në mungesë të të dhënave mbi numrin e vdekjeve, infeksioneve dhe rasteve të rënda, qeveritë kanë vendosur kërkesat për testim ndaj Covid19 për udhëtarët nga Kina. Pekini ka thënë se masat nuk kanë asnjë bazë shkencore dhe ka kërcënuar se do kundërpërgjigjet duke vendosur masa.

Shqetësimi më i madh është nëse do të ketë variante të reja për shkak të infeksionit masiv që po shpaloset në Kinë të cilat mund të përhapeshin në vende të tjera. Variantet e Delta dhe Omicron u zhvilluan në vende që gjithashtu patën infeksione të mëdha e që mund të jenë një terren shumimi për variante të reja.

Autoritetet shëndetësore kineze publikojnë numrin e rasteve të reja për një ditë, rastet e rënda dhe vdekjet, por këto shifra përfshijnë vetëm raste të konfirmuara zyrtarisht dhe përdorin një përkufizim shumë të ngushtë të vdekjeve të lidhura me Covid.

“Kina me siguri po bën studimet e veta, por nuk po ndan të dhënat”, tha Rei Jip, i cili themeloi zyrën për Kinën të Qendrës Amerikane për Kontrollin e Sëmundjeve.

Të enjten në gjithë vendin pati 9,548 raste të reja dhe pesë vdekje, por disa autoritete lokale po raportojnë të dhëna shumë më të larta në zonat e tyre. Zhejiang, një provincë në bregun lindor, tha të martën se po po përballej me 1 milion raste të reja në ditë.

Ekzistenca e një varianti të ri zbulohet përmes sekuencës gjenetike të virusit.

Që prej shpërthimit të pandemisë Kina ka ndarë 4,144 sekuenca gjenetike në platformën botërore për të dhënat e koronavirusit, GISAID. Kjo shifër përbën vetëm 0.04% të rasteve të reja ditore, një shifër 100 herë me e ulët se Shtetet e Bashkuara dhe 4 herë më e ulët se vendi fqinj, Mongolia.

Deri tani, asnjë variant i ri nuk është shfaqur në sekuencat gjenetike që ka ndarë Kina. “Variantet që po shtojnë infeksionet në Kinë ‘ngjajnë shumë’ me ato që janë parë në pjesë të tjera të botës që nga korriku”, tha GISAID. Doktor Gagandeep Kangi cili studion viruset në Kolegjin e Krishterë Mjekësor të Vellores në Indi, pajtohet duke thënë se nuk ka asgjë veçanërisht shqetësuese në të dhënat e deritanishme.

Por kjo nuk ka penguar të paktën 10 vende, përfshirë Shtetet e Bashkuara, Kanadanë, Japoninë, Korenë e Jugut, Indinë, Australinë, SHBA- në, Francën, Spanjën dhe Italinë që t’u kërkojnë testimin për Covid 19 udhëtarëve nga Kina.

Bashkimi Evropian inkurajoi fuqishëm të gjitha vendet anëtare të saj që të bëjnë të njëjtën gjë gjatë kësaj jave.

Zyrtarët e shëndetësisë e kanë mbrojtur testimin si një masë që ndihmon përballë boshllëkut të informimit nga autoritetet kineze. Kjo do të thotë se vendet mund të lexojnë çdo ndryshim të virusit nëpërmjet testimeve, edhe nëse nuk kanë të dhëna të plota nga Kina.

Kanadaja dhe Belgjika thanë se do të kërkojnë grimca virale në ujërat e zeza në avionët që mbërrijnë nga Kina.

“Është si një sistem paralajmërues i hershëm për autoritetet që të parashikojnë nëse do ketë rritje të infeksioneve,” tha doktor Khoo Yoong Khean, një zyrtar shkencor në Qendrën Duke-NUS për Përgatitjen e Epidemive në Singapor.

Zyrtarët kinezë kanë thënë në mënyrë të përsëritur se po ndajnë informacion, duke treguar sekuencat gjenetike që i janë dhënë GISAID-it dhe takimet me OBSH-në.

Por zyrtarët e OBSH – së kanë kërkuar vazhdimisht më shumë të dhëna jo vetëm për sekuancat gjenetike, por edhe për nurmin e të shtruarve dhe vdekjeve. Drejtori i përgjithshëm i OBSH-së Tedros Adhanom Ghebreyesus shprehu shqetësim këtë javë rreth rrezikut për jetën në Kinë.

Qeveria kineze shpesh nuk informon popullin e saj, veçanërisht mbi çështje që kanë përmbajtje negative ndaj Partisë Komuniste në pushtet.

Mediat shtetërore kanë qëndruar larg raportimeve për rritjen e numrit të qytetarëve që po digjen (pas vdekjes) si edhe raportimet për njerëz që vrapojnë sa në një spital në tjetrin në përpjekje për t’u kuruar ndërsa sistemi shëndetësor është jashtë kapaciteteve. Zyrtarët qeveritarë kanë akuzuar mediat e huaja për ekzagjerim të situatës./VOA

Related Topics:bota Covid infeksione informacione kina perhapje semundje

Bota

OKB: Rreth 80.000 njerëz u larguan nga qyteti Rafah

Rreth 80.000 njerëz u larguan nga qyteti Rafah i Gazës që nga e hëna, tha Agjencia e Kombeve të Bashkuara për Refugjatët Palestinezë (UNRWA).

“Njerëzit po përballen me një tjetër zhvendosje të detyreshme në Rripin e Gazës. Askund nuk është sigurt. Kemi nevojë për armëpushim tani”, shkroi UNRWA në platformën X.

Deri më tash, më shumë se një milion palestinezë të zhvendosur – gjysma e tyre fëmijë – ishin të strehuar në Rafah.

Por, të hënën, ushtria izraelite kërkoi nga të strehuarit në pjesët lindore të Rafahut, që të largohen drejt një “zone të zgjeruar humanitare”, ku tha se do të gjejnë spitale fushore, tenda dhe furnizime të tjera.

Izraeli nisi tashmë bombardimin e qytetit, ku beson se ka mijëra luftëtarë të grupit islamik palestinez, Hamas, i shpallur terrorist nga SHBA-ja dhe fuqi të tjera.

Ky grup ka sulmuar Izraelin në tetor të vitit të kaluar, duke vrarë mbi 1.200 persona.

Në ofensivën hakmarrëse të Izraelit në Gazë, e cila vazhdon ende, janë vrarë afro 35.000 njerëz, sipas autoriteteve në enklavë.

Ushtria e Izraelit thotë se fitorja kundër Hamasit është e pamundur pa e marrë kontrollin e qytetit Rafah.

Por, zyrtarët amerikanë paralajmërojnë se operacioni në këtë qytet – ku popullsia është shtuar me refugjatë nga pjesë të tjera të Gazës – mund të çojë në numër të madh të viktimave civile.

Presidenti amerikan, Joe Biden, tha se SHBA-ja do t’i ndalojë furnizimet e Izraelit me disa armë, nëse ai nis operacion të madh tokësor në Rafah.

Bota

Pushuesi gjen 1 milion dollarë kokainë në plazh

Një plazhist në Florida Keys zbuloi një pako të dyshimtë përgjatë vijës bregdetare. Pushuesi lajmëroi autoritetet, duke çuar në gjetjen e 29.5 kg kokainë me një vlerë të vlerësuar prej rreth 1 milion dollarë.

Agjentët e Patrullës Kufitare të SHBA, në bashkëpunim me Zyrën e Sherifit të Qarkut Monroe, iu përgjigjën vendit të ngjarjes dhe morën me sukses pakon, e cila u gjet përgjatë plazhit. Është e paqartë se në cilin vend të Florida Keys u gjet kokaina.

Patrulla Kufitare e Shteteve të Bashkuara publikoi imazhe që tregojnë drogën e mbështjellë në një qese plastike, të siguruar me litarë. Gjetjet e kokainës po ndodhin me frekuencë në rritje përgjatë bregdetit të Floridës. Për shembull, në gusht të vitit të kaluar, kryebashkiaku i Tampës, Jane Castor, gjeti 32 kilogramë kokainë gjatë pushimeve në Florida Keys. Një tjetër zbulim i rëndësishëm u bë në tetor, në brigjet e plazhit Daytona në Volusia County, ku autoritetet gjetën mbi 30 kilogramë kokainë.

Bota

“Bombat u përdorën për të vrarë civilë”, Biden paralajmëron Izraelin: Do ndalojmë furnizimin me armë

Presidenti i Shteteve të Bashkuara, Joe Biden, paralajmëroi Izraelin se SHBA-ja do t’i ndalojë furnizimet me disa armë, nëse ai nis operacion të madh tokësor në qytetin Rafah të Gazës.

“Nëse ata hyjnë në Rafah, unë nuk do t’i furnizoj me armët që janë përdorur historikisht për t’u marrë me Rafahun”, tha Biden gjatë një interviste për rrjetin televiziv, CNN.

Ai shtoi se “do të vazhdojë të angazhohet që Izraeli të jetë i sigurt”. Por, pavarësisht kundërshtimit të fortë të SHBA-së, Izraeli duket se është gati për ta pushtuar në shkallë të plotë Rafahun.

Ai beson se në këtë qytet strehohen mijëra luftëtarë të grupit islamik palestinez, Hamas, i shpallur terrorist nga SHBA-ja dhe fuqi të tjera.

Lufta mes Izraelit dhe Hamasit ka nisur shtatë muaj më parë, pasi Hamasi ka sulmuar fillimisht tokën izraelite, duke vrarë mbi 1.200 persona.

Në ofensivën hakmarrëse të Izraelit në Gazë, e cila vazhdon ende, janë vrarë afro 35.000 njerëz, sipas autoriteteve në enklavë.

Ushtria e Izraelit thotë se fitorja kundër Hamasit është e pamundur pa e marrë kontrollin e qytetit Rafah. Por, zyrtarët amerikanë paralajmërojnë se operacioni në këtë qytet – ku popullsia është shtuar me refugjatë nga pjesë të tjera të Gazës – mund të çojë në numër të madh të viktimave civile.

“Ne nuk do ta furnizojmë [Izraelin] me armë dhe predha artilerie nëse sulmon Rafahun”, tha Biden në intervistën që u transmetua të mërkurën.

Ai tha se SHBA-ja nuk e përkufizon situatën aktuale në Rafah si operacion tokësor.

“Ata nuk kanë shkuar në qendrat e popullsisë. Janë pikërisht në kufi”, tha ai.

“Por, unë ia kam bërë të qartë [kryeministrit izraelit, Benjamin Netanyahu] dhe kabinetit të luftës, se ata nuk do ta kenë mbështetjen tonë, nëse futen në këto qendra të popullsisë”, tha presidenti amerikan.

Biden pranoi se armët amerikane janë përdorur nga Izraeli për të vrarë civilë në Gazë.

I pyetur nëse Izraeli ka kaluar “vijën e kuqe”, ai u përgjigj: “Jo, ende”.

Bota

Avokati amerikan qëllohet për vdekje nga klienti i nevrikosur për porosinë në McDonalds (fotot)

Një avokat është qëlluar për vdekje nga një klient i zemëruar për porosinë e tij në një fast-food McDonald’s, pasi tentoi ta qetësonte burrin që po ofendonte stafin, njoftonte policia vendase.

Në ngjarjen e rende në qytetin amerikan të Houston, 46-vjeçari i identifikuar nga familjarët si Jeffrey Limmer, ishte përpjekur të ndërhynte kur klienti përkonte paratë e tij mbrapsht nga punonjësi i McDonalds në autostradën West Interstate 10 në fundjavë.

Por sipas raprotimeve, në vend që të qetësohej, klienti nisi polemikat me Limmer që më pas u kthyen përleshje fizike. Kur më pas ata kishin dalë jashtë në parking, Limmer raportohet se kishte shtyrë përtokë burrin, i cili kishte marrë armën nga makina e tij dhe e kishte qëlluar për vdekje.

Policia tha se Limmer u gjet i vdekur në vendngjarje dhe se oficerët nuk kishin bërë asnjë arrestim pasi autori i dyshuar ishte larguar.

“Xhef gjithmonë ndërhynte për më të dobëtin, donte të bënte gjënë e duhur”, tha për mediat motra e tij Jennifer Thomas.

Limmer jetonte pranë dyqanit ku humbi jetën dhe punonte si avokat me kompaninë Lewis Brisbois në Houston.

Thomas shtoi se nuk çuditej që i vëllai kishte ndërhyrë për t qetësuar burrin e vrau, i cili mbetet në arrati.

Familjarët thonin se shpresonin që ai të kapet dhe të dalë para drejtësisë.

Bota

Ngjarje e tmerrshme/ Shënjë hakmarrje ndaj bashkëshorti, nëna vret djalin 3 vjeçar më pas dhe veten

Një ngjarje e rëndë ka ndodhur në San Antonio të Teksasit, ku një grua në shenjë hakmarrjeje ndaj bashkëshortit ka vrarë djalin 3-vjeçar dhe me pas veten.

Savannah Kriger 32 vjeç ka detyruar djalin e saj Kaiden 3 vjeç, t’i thotë lamtumirë babait dhe e vret dhe më pas qëllon edhe veten.

Nënë dhe bir u raportuan të zhdukur të hënën pasi ajo u largua nga puna herët për ta marrë atë nga çerdhja për një takim me një mjek.

Ata u gjetën të vdekur herët në mëngjes të martën, 19 orë më vonë, në një kanal kullues në San Antonio, Teksas , me plagë nga armë zjarri. Kriger duhej të përballej me ish-bashkëshortin e saj Brian Kriger në një seancë dëgjimore për paraburgimin po atë ditë.

Hetuesit mblodhën së bashku orët e fundit të Kriger-it të gjallë, ndërsa ajo shkatërroi dy shtëpi në një sulm me armë, mori djalin e saj dhe u shpreh e gëzuar në telefon që ai nuk do ta shihte më.