KLSH: FSHZH park argëtimesh te rezervat e shtetit në Lundër
Deri në 31 dhjetor të 2022 gjendja grurit dhe karburanteve në magazinat e rezervave të shtetit ishte zero, edhe pse sipas ligji kjo strukture duhet të ketë të disponueshme në çdo kohë 300 ton grurë dhe 100 mijë litra karburant për të përballuar situatat e ndryshme.
Por kjo është vetëm maja e asjbergut që KLSH ka zbuluar për gjendjen e rezervave të shtetit. Një plan i qeverisë për ndërtuar një kompleks argëtimesh dhe sportiv, i ka vënë praktikisht drynin bazës më të madhe të rezervave të shtetit në vend që gjendet në Lundër të Tiranës.
Kjo bazë përveç se është më e madhja dhe më e rëndësishmja, është e vetmja ku magazinohen mallrat ushqimorë për furnizimin e popullsisë civile për rastet e motit të keq, katastrofave natyrore, si përmbytje apo tërmete e deri në raste lufte. Po ashtu këto magazina shërbejnë edhe për ruajtjen e materialeve zgjedhore. Sipas KLSH baza e Lundrës rezulton me një sipërfaqe prej 95,320 m2 truall dhe ka një pozicion mjaft të favorshëm për veprimtarinë. Ajo ndodhet shumë pranë aksit rrugor Tiranë-Elbasan. Kërkesa për këtë transferim është iniciuar nga Fondi shqiptar i zhvillimit, i cili i është drejtuar me kërkesë Ministrisë së Mbrojtjes për dijeni kryeministrisë, ku kërkohet dakordësia për realizimin e projektit.
Fondi thotë se zona ku planifikohet investimi është në gjendje të degraduar dhe ka humbur funksionin parësor atë të rezervave të shtetit dhe transformimi i kësaj hapësire është tepër i nevojshëm për ta bërë sa më të aksesueshme nga të gjithë, por dhe si pjesë integrale e zonave të banimit që janë krijuar vitet e fundit pranë kësaj zone. Impakti që pritet të ketë projekti sipas Fondit shqiptar të zhvillimit konsiston në krijimin e një hapësire argëtuese të aksesueshme nga vizitorët por dhe banorët pranë me qëllim sigurimin e infrastrukturës në këtë zone… Duke nënkuptuar se heqja e rezervave të shtetit po bëhet në funksion të zonave rezidenciale luksoze që janë ndërtuar në Lundër. Ndonëse jo plotësisht si në rastin e inceneratorit të Elbasanit ku disa vendime u morën brenda një ditë, edhe për tjetërsimin e bazës së rezervave të shtetit në Lundër nga ministria e mbrojtjes tek fondi shqiptar i zhvillimit, institucionet e përfshira kanë dhënë përgjigje pozitive po brenda ditës.
Kështu KLSH konstaton se në 6 tetor 2022, ministria e mbrojtjes i ka kërkuar drejtorisë së përgjithshme së rezervave materiale të shtetit prononcim në lidhje më transferimin e këtij aseti publik. Po në këtë ditë kjo drejtori i është drejtuar degës së Tiranës, e cila nga ana e saj po në 6 tetor ka kthyer përgjigje pozitive parimisht. Kontrolli i lartë i shtetit konstaton se institucioneve nuk u është nevojitur kohë për vlerësimit të situatës dhe kthimin e përgjigjes, pavarësisht rëndësisë që kjo vendimmarrje kishte. Vetëm 6 ditë më vonë Drejtori i Përgjithshëm i Rezervave të shtetit ka ri-cilësuar përgjigjen dhe se shprehet “parimisht dakord” për transferimin e pronës pranë Fondit shqiptar të zhvillimit, por me kusht që ky i fundit të ndërtojë hapësira magazinuese si dhe zyrat ku do të zhvillohet aktiviteti administrativ i brenda ambienteve ku aktualisht ndodhet Agjencia Lundër.
Në vijim në 12 dhjetor 2022 është miratuar VKM për ndryshimi i përgjegjësisë së administrimit, nga Ministria e Mbrojtjes tek Fondi Shqiptar i Zhvillimit, i bazës së rezervave të shtetit në Lundër, për ta përdorur për ngritjen e një kompleksi argëtimi dhe sportiv.
Më 08 shkurt 2023 ministri i mbrojtjes Niko Peleshi ka lëshuar urdhrin për nxjerrjen e akteve përkatëse për dorëzimin me komision dhe për transferimin të pronës në fjalë, brenda datës 15.shkurt.2023, tek Fondit Shqiptar të Zhvillimit, siç specifikohet në shkresë për ta përdorur për ngritjen e një kompleksi argëtimi dhe sportiv. 5 ditë më vonë më 13 shkurt është ngritur komisioni, dhe rezerva e shtetit është vënë në pritje të firmosjes së akt-marrëveshjes me Fondin shqiptar të zhvillimit. Deri në 12 maj të këtij viti KLSH thotë së Ministria e Mbrojtjes nuk dispononte një marrëveshje të dakordësuar me fondin shqiptar të zhvillimit
Kush është politikani që do të arrestohet këtë javë? Anila Hoxha tregon emrat…
Gazetarja Anila Hoxha është pyetur nga moderatorja Grida Duma në “Top Story” nëse janë të vërteta apo lajmet që qarkullojnë se këtë javë pritet arrestimi i një politikani të rëndësishëm.
Gazetarja tha se SPAK është hermetik në dhënien e informacionit.
“Së shpejti pritet një arrestim i rëndësishëm? Për këtë bëhet fjalë”, pyeti Grida Duma?
“Parimisht fjalët që qarkullojnë pranë Gjykatës së Posaçme janë të tilla, por janë ende të paverifikuar. Një politikan i lartë ose të shtunën ose të dielën, nëse nuk konfirmohet ngelet thashethem.
Thashethemi ishte se SPAK kishte kërkuar urdhër arrest, por masa e sigurisë ishte kthyer, kjo ishte e pabazuar.
Reagimin më të fundit nga SPAK për Monika Kryemadhin dhe Ilir Metën nëse ka masë sigurisë dhe përgjigjja zyrtare e SPAK është “nuk kemi asnjë përgjigje apo koment për t’ju komunikuar”, tha Anila Hoxha.
Skandaloze: I riu në Kosovë zhvesh të miturin live në TikTok dhe i puth org*anin gjen*ital
Rrjeti social TikTok po keqpërdoret me të madhe në Kosovë dhe është kthyer në një rrjet ku nuk kanë fund çmenduritë dhe veprimet e pahijshme të cilat edhe dënohen me ligj.
Një rast i fundit ka bërë bujë, që dyshohet se ka ndodhur gjatë një sfide në këtë rrjet social.
Një i ri në Kosovë, i njohur në rrjete sociale si ‘Valmir bossi’ ka afruar pranë kamerës një fëmijë të mitur dhe e ka detyruar që të tregojë organin gjenital.
Më pas me forcë i puth organin gjenital, ndërkohë që personi tjetër në sfidë e kërkon që ta bëjë këtë gjë.
Kush i vendosi tritol gjyqtarit në Shkodër? Gazetarja Anila Hoxha zbulon detaje nga hetimet
Në pjesën e parë të emisionit “Top Story” është diskutuar ngjarja e ndodhur në orët e para të mëngjesit të sotëm në Shkodër ku pati një shpërthim tritoli në shtëpinë e gjyqtarit Tonin Sterkaj.
Gazetarja Anila Hoxha tha se po hetohen disa pista, ndër to edhe lista e të burgosurve në burgun e Reçit që përfituan nga Amnistia Penale. Ajo shtoi se ka dyshime se autori i vendosjes së lëndës plasëse mund të jetë një ndër personat që ka përfituar nga amnistia por që mund të jetë dënuar nga gjyqtari.
“Kam mësuar se po hetohen disa pista. Një ndër to edhe lista e amnistisë penale e këtij viti ëpr të gjithë shtetasit që u është dhënë liria. Ka dyshime se njëri ndër ta mund të jetë një prej atyre që gjyqtari i Shkodrës e ka shpallur fajtor. Prandaj është kërkuar administrimi i listës për të liruarit nga burgu i Reçit”- u shpreh Hoxha.
Për ngjarjen reagoi edhe delegacioni i Bashkimit Europian në Tiranë, duke theksuar se siguria e gjyqtarëve nga kërcënimet, është thelbësore për funksionimin e sistemit gjyqësor.
Gazetari i ‘Rai3’ flet për presione e intriga, Meloni, Rama dhe Agaçi sipas investigimit
Gazetari i televizionit Italian “Rai 3”, Giorgio Mottola ka dhënë një intervistë eksluzive për emisionin “Zona Zero” me gazetarin Milaim Zeka në Top News ku ka folur lidhur me dokumentarin të publikuar ditë më parë në emisionin e tij lidhur me marrëveshjen mes Italisë dhe Shqipërisë për pritjen e emigrantëve.
Përkundër polemikave që ngjalli me dokumentarin e tij dhe reagimet e shumta nga politika shqiptare dhe italiane, Mottola tha se qëllimi i vetëm kishte qenë zbardhja e detajeve sesa do duhet të paguajë Italia për ngritjen e kampit të refugjatëve në Shqipëri.
I pyetur nga gazetari Zeka përse nuk u publikua pjesa e dytë e dokumentarit, Mottola tha se pjesa e dytë do të publikohet së shpejti me intervistën edhe të kryeminsitrit Edi Rama.
“Sepse nuk ishte parashikuar për tu dhënë dje pjesa e dytë. Ne e kemi bërë reportazhin investigative për një kohë shumë të gjatë pune. Për të realizuar dokumentarin na duheshin 3 apo 4 muaj. Pjesa e dytë e dokumentarit për Shqipërinë, do të jepet por do na duhen minimalisht pak kohë dhe nuk kemi pasur asnjë presion. Transmetimi do të bëhet pa problem. Pjesa e dytë do të jepet. Edhe pse kryeministri Rama është treguar i gatshëm për të na dhënë një intervistë dhe pjesa e dytë do të jepet me kryeministrin në intervistë, të cilin e falenderoj prej tani”- tha Mottola.
Ai tha se dokumentari kishte qëllim të zbardhte dritë mbi marrëveshjen e firmosur mes dy vendeve dhe tha se për këtë i duhej të analizonte edhe lidhjet që mund të ketë pushteti në Shqipëri me mafian vendase, duke marrë si shembull raste të ngjashme në Itali ku trafikantë kishin lidhje me zyrtarë shtetërorë.
Pyetje:Në gjithë këtë histori të reagimeve, çfarë të është dukur më e çuditshme?
Mottola:Kanë qenë dy gjëra. E para marrëveshja Itali-Shqipëri që do sjellë për ne një shkarkim ekonomik të çmendur, flasim për 1 miliardë euro. Gjë që nuk na ndihmon për të zgjidhur probleme. Është shumë e çuditshme pse Shqipëria është treguar aq e gatshme për të ndihmuar për të zgjidhur problemin e Italisë. Kontektsti shqiptar ëshë shumë delikat. Italia është një vend ku mafia ndikon në politikë dukshëm. Mafia italiane ka pasur një pushtet shumë të madh, sekretarë, zëvendës minsitra që janë dënuar për këto gjëra. Kjo situatë e Shqipërisë më duket pak më keq me Italinë. Duke qenë se është ky raport kaq i ngushtë miqësie mes vendit tim dhe vendit tuaj, me siguri që ne si vend duam të tregojmë shumë vëmendje ndaj kësaj.
Sa i takon akuzave për sekretarin e Këshillit të Ministrave, Ëngjëll Agaçi, gazetari Italian tha se në asnjë moment nuk ka deklaruar që Agaçi është kriminel por ka publikuar fakte nga e shkuara e tij si avokat në Itali.
“Nuk kam thënë se Agaçi është kriminel. Mund të them se ajo që bën në Itali një gazetar investigative është të kërkojë fakte dhe të provojë nëse janë të vërteta. Fakt është që Agaçi në Itali ka qenë avokat i narkotrafikantëve shqiptarë”- shtoi Mottola.
Lidhur me intervistën me Berishën nëse kishte marrë leje për të hyrë brenda banesës ku ky i fundit mbahet nën arrest shtëpiak për aferën “Partizani”, Mottola zbulon se pavarësisht kësaj askush nuk e kishte penguar të hynte në shtëpinë e ish-kryeministrit pavarësisht se ndalohet me ligj, duke pranuar kështu se kreu i Rithemelimit ka thyer arrestin shtëpiak.
“Në Itali, si në çdo vend të botës së lirë, gazetaria duhet vetëm të tregojë të vërtetën. Një gazetar provon të flasë me këdo, i kërkoj intervista kujtdo. Nëse këta persona pranojnë intervistat, unë shkoj dhe i intervistoj. Kur unë kam bërë intervistën, Berishës nuk më ka ndaluar askush. Asnjeri nuk më ka kërkuar gjë që të hyj dhe t’i bëj intervistën Berishën”- u përgjigj Mottola.
Ndër të tjera ai theksoi se qëllimi i dokumentarit nuk ka qenë të godiste Ramën apo kryeministren Italiane Giorgia Meloni por të tregonte destinacionin e parave të taksapaguesve italianë sa i takon marrëveshjes për pritjen e emigrantëve./m.j
Çudira në Tiranë/ “Paratë ose ju arrestova”, prangoset qytetari që shtirej si polic
Agjencia e Mbikqyrjes Policore në Tiranë ka arrestuar një qytetar, i cili prezantohej si efektiv policie dhe u zhvaste shuma parash vajzave dhe grave që ofronin shërbime seksuale kundrejt pagesës.
Mësohet se i arrestuari fillimisht linte takime me vajzat, të njohura si eskorta, pasi bisedonte me to në rrjetet sociale.
Pasi kryente marrëdhënie seksuale me to, i riu i thoshte se ishte polic dhe kishte për qëllim që t’i arrestonte.
Më pas, ai u kërkonte shuma parash në formë gjobvënie, që të mos i prangoste.
