Pazare presidenciale/ Vjosa Osmani sakrifikon interesat e Kosovës për një tjetër mandat

Ish-kryeministri i Kosovës, Isa Mustafa, tha se vizitat e fundit të presidentes Vjosa Osmani dhe kryeministrit në detyrë Albin Kurti në Shtetet e Bashkuara nuk kanë asnjë rol në ripërtëritjen e dialogut strategjik me SHBA-në, duke shtuar se Osmani ka treguar se është e gatshme të sakrifikojë interesat strategjike të Kosovës me shpresën se Kurti do t’i japë asaj një mandat tjetër.

Duke folur për natyrën e takimeve të mbajtura gjatë këtyre vizitave, ai theksoi se ato ishin më shumë simbolike dhe nuk kishin ndikim të vërtetë

Lidhur me aktivitetet e Kurtit, Mustafa tha se kryeministri, gjatë mandatit të tij teknik, nuk është takuar me askënd nga qeveria amerikane dhe se ka bërë deklarata skandaloze.

Ai vlerësoi se, ndonëse Kurti shpreh publikisht mospajtimin e tij me qëndrimet e SHBA-së, Presidenti Osmani ndjek të njëjtën linjë, por në një mënyrë më të fshehtë.

“Ndërkohë, ndryshimi midis Osmanit dhe Kurtit është se Kurti shpreh hapur vullnetin e tij për të mos bashkëpunuar me SHBA-në, ndërsa Osmani është në të njëjtën linjë, por përpiqet ta kamuflojë atë, jo sepse e urren Amerikën, por sepse po sakrifikon interesat strategjike të vendit, duke shpresuar se Albini dhe Vetëvendosja do t’i japin asaj një mandat tjetër”, theksoi Isa Mustafa