Connect with us

Bota

SHBA 2020 – Debati i fundit presidencial, kush e fiton Amerikën?

Published

on

ATSH-DPA/ – Debati i dytë dhe i fundit presidencial ishte më i qetë se sa përballja e ashpër e parë midis Donald Trump dhe Joe Biden dhe zbuloi politikat konkurruese të dy kandidatëve, ndërsa përballeshin për herën e tyre të fundit.

Debati u zhvillua vetëm 11 ditë para ditës së zgjedhjeve dhe filloi me çështjen kryesore, atë të pandemisë së koronavirusit.

Kandidati demokrat Biden ka fajësuar presidentin Trump për 220 000 vdekjet në vend deri më tani.

“Kushdo që është përgjegjës për kaq shumë vdekje nuk duhet të mbetet president i Shteteve të Bashkuara të Amerikës”, theksoi Biden.

Ai paralajmëroi se një “dimër i errët” pritet të zbresë në SHBA për shkak të pandemisë.

Trump u kundërpërgjigj se Biden do të fshihej pas bllokimeve dhe se kjo do të shkatërronte ekonominë e vendit.

“Nuk është faji im që ai arriti këtu, është faji i Kinës”, akuzoi Trump, duke treguar origjinën e virusit.

Trump, i cili ka thënë në mënyrë të përsëritur se ai beson se ka bërë punën më të mirë të mundshme për të menaxhuar epideminë dhe nuk pendohet, theksoi se SHBA “po mëson të jetojë me virusin”, ndërsa Biden u përgjigj se njerëzit janë duke u mësuar të vdesin me të”.

Presidenti është prapa Biden në sondazhet, madje edhe në shtetet kryesore , megjithëse gara është më e ngushtë në zonat kryesore të vendit.

Fushata e Trump po përballet gjithashtu me një krizë financiare, duke e detyruar atë të shkurtojë reklamat, ndërsa Biden po rrit shpenzimet e tij.

Qasja më e matur e Trump në debatin e dytë mund të sjellë si rezultat që votuesit e pavendosur, që shqetësohen për një Shtëpi të Bardhë kaotike, personalitetin gërryes të presidentit dhe pandeminë, të votojnë për të.

Të dy kandidatët shfaqën momente të tensionuara ndërsa diskutonin çështjeve racore në SHBA, me Biden duke pohuar se kryetari i tanishëm “i hedh benzinë çdo zjarri racist” dhe është ndër “presidentët më racistë që kemi pasur në historinë moderne”.

Trump, i cili pretendoi se ishte “personi më pak racist në sallë”, iu rikthye kohës kur Biden ishte senator dhe kishte votuar projektligjet e viteve ’80 dhe ’90, që çuan në nivele më të larta të burgosjes, veçanërisht në mesin e personave me ngjyrë.

Biden premtoi se do të eliminonte dënimet me burg për krime jo të dhunshme të drogës.

Të dy kandidatët gjithashtu ndryshonin dukshëm në politikën e imigracionit. Trump është kritikuar për politikën e tij të ndarjes së fëmijëve në kufirin e SHBA me Meksikën. Më shumë se 500 fëmijë nuk janë ribashkuar ende me prindërit e tyre.

Biden premtoi një rrugë drejt shtetësisë për miliona emigrantë të padokumentuar që jetojnë në SHBA , duke thënë se ai do të paraqesë një projektligj në Kongres brenda 100 ditëve të para të presidencës së tij.

Presidenti ka bërë disa përpjekje për të sulmuar Biden për bizneset e djalit të tij, Hunter Biden, në Ukrainë dhe Kinë. Demokrati mbrojti djalin e tij, duke thënë se ai nuk kishte bërë asgjë të keqe, megjithëse disa raporte treguan se ai mund të ketë gabuar me përdorimin e emrit të babait të tij.

Trump dhe Biden debatuan gjithashtu edhe për ndryshimin e klimës dhe sektorin e energjisë.

Bota

Koreja e Veriut lëshoi dy raketa drejt Perëndimit

Published

on

By

Koreja e Veriut lëshoi sot dy raketa lundrimi në drejtim të Perëndimit, njofton agjencia kombëtare e lajmeve e Koresë së Jugut Yonhap.

Mëngjesin e sotëm, ne kemi detektuar dy raketa lundruese të lëshuara nga Koreja e Veriut në Detin Perëndimor nga Onço, në provincën e Pionganit Jugor”, tha një zyrtar i Ministrisë së Mbrojtjes për AFP-në.

“Autoritetet ushtarake të Shteteve të Bashkuara dhe Koresë së Jugut po analizojnë specifikat, sikurse është distanca e fluturimit të këtyre raketave”, shtoi ky zyrtar.

Testimi i lëshimit të raketave u regjistrua pikërisht sot, në ditën kur presidenti i ri konservator Yoon Sok-gil plotësoi 100 ditë në pushtet në Korenë e Jugut.

Lëshimi i këtyre raketave vjen teksa Koreja e Jugut dhe Shtetet e Bashkuara nisën përgatitjet për stërvitjet e përbashkëta ushtarake që do të mbajnë nga 22 gushti deri më 1 shtator.

Continue Reading

Bota

80-vjeçari sulmohet me thikë për vdekje nga të rinjtë

Published

on

By

Një ngjarje e rëndë ka ndodhur në Londër, ku një i moshuar teksa po lëvizte me skuter është qëlluar me thikë, duke gjetur vdekjen e menjëhershme. Thomas O’Halloran, i përshkruar nga fqinjët si një njeri që “gjithmonë buzëqeshte”, u sulmua në Greenford, në perëndim të Londrës, ditën e djeshme rreth orës 16:00. Mësohet se i moshuari ishte një njeri dashamirës, që i ka ardhur në ndihmë refugjatëve ukrainas duke mbledhur para dhe ndihma për ta.

Ai u shpall i vdekur në vendngjarje, pavarësisht përpjekjeve të mjekëve për t’i shpëtuar jetën. Viktima u identifikua ditën e sotme, teksa banorët thanë se e kishin parë të rrethuar nga një grup të rinjsh para se të vritej. Frasley Coutinho, i cili jeton pranë vendit të ngjarjes, tha se: “Pashë disa njerëz që mblidheshin rreth tij dhe më pas ai kaloi me skuter, ndaloi më lart dhe u rrethua nga një grup djemsh të rinj”.

Banorët e tjerë thanë se O’Halloran i binte shpesh fizarmonikës për të mbledhur fonde në mbështetje të ukrainasve. Hitesh Patel, 62 vjeç, një pronar dyqani në stacionin Greenford aty pranë, tha për Evening Standard se: “Ai gjithmonë kishte një flamur të Ukrainës në pjesën e përparme të shportës së tij. Aty thuhej “Ndihmë për Ukrainën”. Ai ishte një njeri shumë i mirë, i sjellshëm.”. Nuk ka pasur të arrestuar, por oficerët po hetojnë për vrasjen, e cila ndodhi në një zonë të qetë të Greenford, në perëndim të Londrës dhe kanë bërë thirrje që dëshmitarët të japin detaje rreth asaj që panë në çastin e krimit. Autoritetet po punojnë për të informuar të afërmit e të ndjerit.

Sadiq Khan, kryebashkiaku i Londrës, tha se ishte “i shkatërruar” nga lajmi dhe bëri me dije se po fliste me Policinë Metropolitane, për të shtuar sigurinë në zonë. Kjo është vrasja e 58-të që raportohet në Londër këtë vit dhe mendohet se kjo është vrasja e gjashtë në kryeqytet në katër ditët e fundit. Pas denoncimit të krimit policia mbërriti në vendngjarje së bashku me një ambulancë për t’i dhënë ndihmën e parë të moshuarit, por fatkeqësisht ai nuk mundi t’i shpëtonte plagëve të marra.

 

 

Kësisoj, mbrëmë forcat e policisë rrethuan një kryqëzim T midis Cayton Road dhe Runnymede Gardens, ku kanë qëndruar gjatë gjithë natës.
Simran Advani, 25 vjeç, një menaxher prone që jeton pranë zonës ku u krye vrasja, tha se ajo shihte shpesh një burrë të moshuar teksa lëvizte me skuter. “Ai gjithmonë buzëqeshte, ishte një plak i mirë”, tha ajo. “Kjo është një zonë shumë e qetë, nuk dëgjon kurrë zhurmë në këtë rrugë. Është e frikshme që një burrë në të 80-at të vritet këtu. Shumica e njerëzve në këtë rrugë janë të moshuar, nuk dëgjon asnjë zhurmë dhe nuk shikon kurrë të rinj”. Khan shkroi në Twitter: “Jam i shkatërruar që një i moshuar u vra në një sulm të tmerrshëm këtë mbrëmje. Ngushëllime të sinqerta për të afërmit e viktimës. Jam në kontakt të ngushtë me Policinë e Met që ka një prezencë shtesë të uniformuar në zonë. I bëj thirrje kujtdo që ka informacion të ndihmojë në zbardhjen e ngjarjes.”.

Një video e shpërndarë në rrjetet sociale tregon ndihmësmjekët që vrapojnë drejt vendit të ngjarjes, i cili ishte rrethuar nga policia. Në përgjigje të videos, një tjetër përdorues i Twitter ndau fotografi të zonës së rrethuar në orën 18:39. Kryeinspektori i detektivit Jim Eastwood, i komandës së specializuar të krimit të Met, tha: “Oficerët e mi po punojnë për të kuptuar se çfarë ka ndodhur me këtë njeri dhe ne kemi nevojë për ndihmën e dëshmitarëve okularë.

“Unë po kërkoj që kushdo që ka filmime me kamerë të na kontaktojë nëse për të zbuluar identitetin e agresorëve”. “Viktima ishte duke lëvizur me një skuter, në atë moment. Nëse e keni parë viktimën ose keni pikasur dikë që vepron në mënyrë të dyshimtë në zonë, është e domosdoshme që të kontaktoni”, tha Eastwood.

Continue Reading

Bota

Estonia ndalon hyrjen e turistëve rusë

Published

on

By

Estonia ka vendosur të mbyllë kufirin e saj për Rusinë, duke ndaluar hyrjen në vend të shtetasve rusë me viza turistike.

Kjo masë do të hyjë në fuqi nga nesër, 18 gusht, raporton Reuters.

Në këtë mënyrë Estonia bëhet vendi i parë në Bashkimin Europian që ndalon hyrjen e turistëve rusë në territorin e saj.

“Bëhet fjalë për mbi 50,000 viza të vlefshme dhe pjesa dërrmuese e tyre do të bllokohen nga 18 gushti. Personat që mbajnë këto viza do të bllokohen të hyjnë në Estoni. Së dyti po shqyrtojmë mundësinë e mbylljes së kufirit ruso-estoni për të gjithë shtetasit rusë që hyjnë në zonën Shengen ose në territorin estonez”, tha një zyrtar.

Ndërkohe kreu i rojes kufitare thotë se pas fillimit të luftës në Ukrainë, numri i shtetasve rusë që kalojnë kufirin ka vazhduar të rritet.

Continue Reading

Bota

Boris Johnson shfaqet me pamje të ‘çuditshme’

Published

on

By

Boris Johnson vazhdon pushimet i shkujdesur në Greqi, ndërkohë që opozita në Britani po “vlon”, duke e akuzuar atë se në thelb e ka lënë vendin “pa kokë” në javët e fundit të administratës së tij.

The Sun ka ndarë foto të reja të kryeministrit britanik me familjen e tij në një liman të izoluar në Evia.

Ai ndodhej i shtrirë në rërë teksa lexonte një libër.

Vendasit e habitur se si Johnson e kishte gjetur atë vend” të shkretë” thanë se ai dukej i shkujdesur ndërsa lexonte libri, kurse djali i tij 2-vjeçar luante aty pranë.

Një pushues tha: “Unë nuk e kam idenë se si Boris e gjeti atë plazh, edhe vendasit që kanë jetuar këtu për vite nuk e dinë atë.”

Kryeministri ishte parë  më herët duke mbërritur në Aeroportin e Athinës në fundjavë dhe duke mbajtur çantën fëmijës.

Johnson javën e kaluar u kthye nga udhëtimi i tij i muajit të mjaltit në Slloveni me Carrie.

Continue Reading

Bota

Putin: SHBA-ja po përdor Ukrainën për interesat e veta

Published

on

By

Presidenti rus Vladimir Putin ka akuzuar sërish Perëndimin për luftën në Ukrainë, duke thënë se Shtetet e Bashkuara të Amerikës duan të zgjasin konfliktin, ndërsa theksoi se Perëndimi po përdor Ukrainën si “top” për interesat e veta.

“Vendet perëndimore, kanë nevojë për konflikte për të ruajtur hegjemoninë e tyre, dhe për këtë ata kanë destinuar popullin ukrainas të përdoret si mish për top, duke mbyllur një sy ndaj përhapjes në Ukrainë të ideologjisë neo-naziste, deri në masakrat e banorëve të Donbasit”, tha Putini gjatë një fjalimi në hapjen e Konferencës Ndërkombëtare të Sigurisë të organizuar në Moskë.

Gjithashtu presidenti rus tha se vendet perëndimore po kërkonin të zgjeronin një “sistem të ngjashëm me NATO-n” në rajonin Azi-Paqësor.

“Aventura amerikane në Tajvan nuk është thjesht një udhëtim i një politikani individual të papërgjegjshëm, por pjesë e një strategjie të qëllimshme dhe të ndërgjegjshme të SHBA-së. Është një demonstrim i pacipë i mosrespektimit të sovranitetit të vendeve të tjera,” nënvizoi Putin.

Për më tepër, kreu i Rusisë paralajmëroi se SHBA po përpiqet të largojë vëmendjen e qytetarëve të saj nga “problemet akute” si “rënia e standardeve të jetesës, papunësia, varfëria dhe deindustrializimi”, duke përdorur Moskën dhe Pekinin.”

Continue Reading
Advertisement
Advertisement

TRENDING