Specialistët e Komisariatit të Policisë Rrugore arrestuan shtetasin J. B., 41 vjeç, banues në Tiranë, pasi në Rrugën e Elbasanit, duke drejtuar mjetin tip “Jeep”, është përplasur me motomjetin me drejtues shtetasin E. D., 27 vjeç, i cili si pasojë është dëmtuar dhe ndodhet nën kujdesin e mjekëve.

TIRANE- Nga mega-operacioni i SPAK me mbi 43 urdhër arrestet në botën e krimit, duket se është hedhur dritë mbi disa atentate e vrasje mes grupeve rivale. Një ndër to, është ekzekutimi ditën e Pashkëve i Bardhok Pllanës, 3 vite më parë, i njohur ndryshe edhe si “Kumbari”. Përveçse shumave të mëdha të parave dhe flori, gjetur sot gjatë kontrolleve në banesat e bosëve të krimit, disa nga ngjarjet mbi të cilat SPAK ka hedhur dritë, kanë të bëjë me vrasjen e njerëzve të Ervis Martinajt, bosit të lojërave të fatit që rezulton i zhdukur prej gushtit 2022. Dhe pikërisht ishin përplasjet për këtë biznes që sollën eliminimin e rrethit të ngushtë të miqve të Martinaj.

Burime për Report Tv tregojnë se është zbardhur ekzekutimi i biznesmenit Bardhok Pllanaj, të dielën e Pashkëve, më 4 Prill 2021 në Shkodër. I njohur me nofkën “Kumbari”, ndërtues i pallateve, por i skeduar dhe për trafik droge ishte nisur drejt Malësisë së Madhe, kur një skuadër qitësish profesionistë ju vunë në ndjekje dhe e vranë 50 metra larg shtëpisë, në fshatin Dobraç i Ri.

Po ashtu, dritë është hedhur edhe mbi atentatin e dështuar ndaj 33-vjeçarit Taulant Pepaj më 21 shkurt 2021. Interesante duket se SPAK ka zbardhur edhe përplasjet mes Durim Bamit dhe grupit Avdylaj, që nga miq u kthyen në rivalë.

Është zbardhur vrasja në 2021-in në zonën e Astirit e Erigers Mihasit dhe Armando Dumanit. Një tjetër rast, është atentati ndaj Can Karriqit, një prej njerëzve më të besuar të Martinajt, atentati ndaj Ylli Brahimit, apo ekzekutimi i Brilant Martinajt. Më tej burimet thonë, se janë zbuluar disa atentate dhe në Durrës, ngjarje ku përfshihen Plaurent Dervishaj dhe Endrit Dokle, dy personazhe të njohur të bandës së Durrësit.

Mes 43 urdhërarresteve të firmosura nga GJKKO me kërkesë të SPAK është dhe emri i Naim Stafukës, vëllai i Enver Stafukës, i cili u rrëmbye dhe u zhduk në shkurt të 2015 në Fushë-Krujë.

Mësohet se ai është i arrestuar.

Prej orëve të para të mëngjesit të 17 majit 2024, SPAK ka ndërmarrë një megaoperacion për ekzekutimin e këtyre urdhërarresteve në disa qytete të vendit, si Shkodër, Lezhë, Durrës, Krujë, Vlorë e Tiranë, ndërsa pritet të dalë me një deklaratë zyrtare në përfundim të operacionit.

23 emrat e zbardhur deri më tani për të cilët janë lëshuar urdhër arreste, Disa jane ekzekutuar 

 1- Leonard Duka – Tirane
2- Erlis Duka – Tirane
3- Astrit Avdylaj – Shijak
4- Altin Avdylaj – Shijak
5- Valter Bami – Kruje
6- Durim Bami – Kruje
7- Endrit Dokle – Durres
8- Plarent Dervishaj – Durres
9- Arben Ndoka, ish-deputeti i PS –  Lezhe
10- Xhevi Ndoka në burg, vëllai i ish-deputetit Arben Ndoka – Lezhe
11- Fatmir Hyseni alias Doçja  -Vlore
12- Albert Zaja, i dënuar për vrasjen e Shkëlzen Kastratit – Fushe Kruje
13- Armando Ndreca, vëllai i deputetit të PS, Eduard Ndreca – Lezhe
14- Elvis Ndreca, djali i xhaxhait të deputetit të PS, Eduard Ndreca
15- Miri Bruli- Shkoder
16- Lulzim Berisha, i arrestuar në Spanjë
17 – Ergert Mitri – Polic, Ish drejtori i policisë Lezhe
18- Klodian Shahini – ish punonjës policie kufitare
19 – Altin Morina – Ish efektiv i RENEA-s
20- Marklen Haka
21- Arjan Tuku, arrestuar në Itali
22- Denis Meta, arrestuar në Spanjë
23- Naim Stafuka – Fushe Kruje – Arrestuar

Ngjarjet kriminale për të cilat SPAK hodhi dritë

1-Ekzekutimi i Bardhok Pllanës në Shkodër
2-Përplasja e Avdylajve me Bamët e Niklës
3-Vrasja e Brilant Martinajt me shokët
4-Vrasja e Can Karriqit
5-Vrasja e Erigers Mihasit
6-Vrasja e Armando Dumanit

Lajmi ne perditesim…

Në janar të 2022 banesës së tij në Fushë Krujë iu vu tritol. Lënda plasëse u vu në derën e shkalleve të një objekti tre katesh ku ka disa biznese por ne katin e 3 banon Naim Stafuka me familjen. Shpërthimi ndodhi pikërisht në vendin ku vite më parë u rrëmbye nga persona të maskuar i vëllai Enveri.

Mëngjesi i djeshëm e ka gjetur RENEA-n dhe Byronë Kombëtare të Hetimit në disa rrethe dhe qarqe, në një operacion që mund të konsiderohet si një nga më të mëdhenjtë dhe më të rëndësishmit në vendin tonë.

Shkodra, Lezha, Fushë-Kruja me dy fshatrat që mbartin më shumë krim, mbase edhe në të gjithë Shqipërinë, Vlora, Durrësi me Shijakun dhe Tirana janë shënjestruar për të bërë të mundur kapjen e ndonjë prej të paktën 50 urdhër arresteve të kërkuara nga Prokuroria e Posaçme dhe të miratuara nga Gjykata e Posaçme!

Pas një sërë informacionesh që pasuan operacionin në disa rrethe të vendit, u mësua se në fakt, më shumë se sa individë të krimit e jo vetëm, SPAK ka vënë në shënjestër familje kriminale, ku bie në sy urdhërarreste për nga dy-tri njerëz të së njëjtës familje.

Në Shkodër u godit familja e biznesmenit strategjik, Pëllumbi Gjoka, duke i arrestuar djalin e dajës së tij, një tjetër biznesmen. Në Lezhë janë goditur dy familje; një e ish-deputeti dhe e një deputeti të Parlamentit aktual. Bëhet fjalë për familjen e Arben Ndokës dhe të Eduart Ndrecës, të dy përfaqësues të Partisë Socialiste.

Po ashtu, bëhet me dije se janë shpallur në kërkim djemtë e familjes Bami nga Fushë-Kruja, vëllezërit Avdylaj nga Shijaku, Dukët nga Tirana dhe një sërë emrash të tjerë, të gjithë të njohur të botës së krimit në vend. Në fakt, SPAK nuk ka dhënë asnjë deklaratë zyrtare në lidhje me këtë operacion, duke lejuar të rrjedhin vetëm disa të dhëna sporadike për disa nga emrat kryesor që janë shpallur në kërkim, shumë prej të cilëve gjenden, në fakt, nëpër burgje, ose nën të tjera masa arresti.

Në kuadër të këtij operacioni, që dyshohet se ka dalë nga zbardhja e bisedave të ardhura nga megaprocesi “SKY ECC”, në disa dosje, janë vënë në shënjestër edhe tre efektivë të Policisë së Shtetit. Edhe ata janë në kërkim, pasi nuk janë gjendur të arrestohen, ndërsa vlen të përmendet se nga gjithë materiali hetimor që ka çuar në lëshimin e dhjetëra urdhër-arresteve për të gjithë bosët e krimit në vend, është se pretendohet që është hedhur dritë mbi ekzekutimin e Bardhok Pllanajt, emrit proverbial të trafikut të drogës, që u ekzekutua pak ditë para zgjedhjeve të përgjithshme të prillit të 3 vjetëve më parë në Shkodër! Sot Prokuroria e Posaçme pritet të japë deklaratë zyrtare për çka ka realizuar që nga mbrëmja e së enjtes në atë që quhet një prej operacioneve më të mëdha kundër krimit të organizuar!

OPERACIONI NË SHKODËR

Në qytetin verior, në një prej rretheve që mban rekordin e grupeve kriminale, mësohet se policia ka ndërhyrë duke sjellë në pranga një person, në fakt të panjohur deri më tani. Ai rezultoi të ishte biznesmen dhe lidhje e afërt e Pëllumb Gjokës, investitorit strategjik që u arrestua në kuadër të operacionit “Metamorfoza” bashkë me grupin e Bajrajve, të cilët u vunë nën akuzën e vrasjes së një të riu nga Vau i Dejës.

Bëhet fjalë për Mir Brulin, ku sipas të dhënave paraprake, ai është biznesmen dhe kushëri i parë i Gjokës. Sipas të dhënave hetimore, dyshohet se ai është i përfshirë në aktivitetin e biznesmenit tjetër, ndërkaq që rezulton të jetë edhe vetë pronar i një resorti të njohur në Velipojë. Po ashtu ai ka pasur nën pronësinë e tij edhe një tjetër ndërtim, të cilin ia ka shembur IKMT-ja.

Do të jetë Prokuroria, që do të hedhë dritë mbi akuzat që janë lëshuar mbi kushëririn e parë të investitorit strategjik të Velipojës, bashkëpunëtorit të grupit mafioz Bajraj! Për sa i përket Brulit, dyshohet se aktiviteti i tij kriminal shtrihet në “Trafikun e lëndëve narkotike” dhe kultivimit të marjuanës në zonën e Dukagjinit dhe Velipojës, megjithatë deri orëve të vona të së premtes nuk u mësua asnjë detaj nga implikimi i tij.

Emrat e anëtarëve të bandave të Shkodrës kanë dalë në dosjen “Metamorfoza”, ku kjo çështje tashmë është ndarë në 4 procedime të ndryshme, ku janë regjistruar vepra penale si “Kultivim dhe tregtim të drogës”, “Sigurim i kushteve për të kryer vrasje”, “Korrupsion i zyrtarëve shtetërorë” e të tjera. Aksioni i SPAK vijon të jetë ende aktiv, pasi shumë prej personave të proceduar janë larguar nga Gjermania duke gjetur strehim në Dubai. Ndërsa disa persona të tjerë u është komunikuar gjendja e arrestit në dhomat e burgut ku ndodhen.

GJURMIMI I NJERËZVE TË BEN NDOKËS

SPAK duket se ka nisur gjuetinë e personave për të cilët ka lëshuar urdhër arreste edhe jashtë vendi, duke ua përcjell emrat edhe INTERPOL-it. Dy prej tyre kanë rënë në pranga ditën e djeshme, njëri në Spanjë dhe tjetri në Itali. Ajo që bie në sy është personi që është arrestuar në Itali, ku sipas të dhënave dyshohet se është dhëndëri i Arben Ndokës, ish-ligjvënësit socialist, që është shpallur në kërkim tashmë, gjithnjë sipas SPAK bashkë me nipin e tij.

Dje u bë me dije se në kuadër të operacionit që po kryhet nga SPAK për goditjen e grupeve kriminale, në bashkëpunim me Interpol është arrestuar në Itali, Arian Tuku. Nga hetimet e SPAK rezulton se Arian Tuku, 36 vjeç nga Lezha, ka tentuar të vrasë Aleks Ndrekën (Deda) i njohur si “Leksi i Druve”. Gjithashtu 36-vjeçari ka siguruar kushtet për të kryer edhe vrasjen e Durim Bamit.

Po sipas SPAK, në 2020 ai ka trafikuar në Mal të Zi 168 kg kanabis sativa të cilat janë sekuestruar nga autoritetet malazeze. ‘Nga hetimet e kryera nga Prokuroria e Posaçme kundër Korrupsionit dhe Krimit të Organizuar rezulton se shtetasi Arian TUKU, djali i Zef dhe Veranikës, i datëlindjes 02.02.1988 në Lezhë, më datë 01.12.2020 ka tentuar të vrasë shtetasin Aleks NDRKA.

Gjithashtu ky shtetas ka siguruar kushtet dhe mjetet materiale për të kryer vrasjen e shtetasit Durim BAMI. Më datë 03.11.2020, ai ka trafikuar në Mal të Zi 168 kg kanabis sativa, të cilat janë sekuestruar nga autoritetet malazeze.

Veprat e mësipërme janë kryer prej tij në një formë të veçantë bashkëpunimi, atë të një grupi të strukturuar kriminal”, -njofton SPAK. Arian Tuku është dhëndri i Arben Ndokës, ish-deputetit të PS-së, i cili po ashtu është në kërkim pasi ndaj tij SPAK ka lëshuar urdhër-arrest. ‘Leksi i Druve’ ka pasur përplasje të forta me ish-deputetin e Partisë Socialiste, Arben Ndoka.

DISA PREJ URDHËR-ARRESTEVE

1- Leonard Duka – Tiranë

2- Erlis Duka – Tiranë

3- Astrit Avdylaj – Shijak

4- Altin Avdylaj – Shijak

5- Valter Bami – Krujë

6- Durim Bami – Krujë

7- Endrit Dokle – Durrës

8- Plarent Dervishaj – Durrës

9- Arben Ndoka, ish-deputeti i PS – Lezhë

10- Xhevi Ndoka në burg, vëllai i ish-deputetit Arben Ndoka – Lezhë

11- Fatmir Hyseni alias Doçja -Vlorë

12- Albert Zaja, i dënuar për vrasjen e Shkëlzen Kastratit –

Fushë- Krujë

13- Armando Ndreca, vëllai i deputetit të Partisë

Socialiste, Eduard Ndreca – Lezhë

14- Elvis Ndreca, djali i xhaxhait të deputetit të PS-së,

Eduard Ndreca – Lezhë

15- Miri Bruli – Shkodër

16- Lulzim Berisha, i arrestuar në Spanjë

17 – Ergert Mitri – Polic, ish-drejtori i policisë, Lezhë

18- Klodian Shahini – ish-punonjës policie Kufitare

19 – Altin Morina – Ish-efektiv i RENEA-s

20- Marklen Haka – Nikël

21- Arjan Tuku, arrestuar në Itali

22- Denis Meta, arrestuar në Spanjë

NGJARJET KRIMINALE QË PRITEN TË ZBARDHEN

1-Ekzekutimi i Bardhok Pllanës në Shkodër

2-Përplasja e Avdylajve me Bamët e Niklës

3-Vrasja e Brilant Martinajt me shokët

4-Vrasja e Can Karriqit

5-Vrasja e Erigers Mihasit 6-Vrasja e Armando Dumani

Në kuadër të operacionit që po kryhet nga SPAK për goditjen e grupeve kriminale, në bashkëpunim me Interpol është arrestuar në Itali, Arian Tuku.
Nga hetimet e SPAK rezulton se Arian Tuku, 36 vjeç nga Lezha, ka tentuar të vrasë Aleks Ndrekën (Aleksandër Deda) i njohur si “Leksi i Druve”. Atentati ndaj Alkes Ndrekës, ndodhi pasditen e 1 dhjetorit 2020 në autostradën Lezhë-Laç. Ndreka mbeti i plagosur me një plumb në gjoks.

Arian Tuku është dhëndri i Arben Ndokës, ish-deputetit të PS-së, i cili po ashtu është në kërkim pasi ndaj tij SPAK ka lëshuar urdhër-arrest. ‘Leksi i Druve’ ka pasur përplasje të forta me ish-deputetin Ndoka.

Gjithashtu 36-vjeçari Tuku ka siguruar kushtet për të kryer vrasjen e Durim Bamit. Atentati ndaj Durim Bamit u bë më nëntor të 2020, ku ndaj tij u qëllua me 5 plumba dhe mbeti i plagosur kushëriri i tij Ervin Kodra. Durim Bamit i kishin zënë pritë në urën e Tapizës. Pas atentatit, autorët dogjën makinën në Valias dhe brenda saj u gjet edhe një kallashnikov.

Po sipas SPAK, në 2020, Arian Tuku ka trafikuar në Mal të Zi 168 kg kanabis sativa të cilat janë sekuestruar nga autoritetet malazeze.

‘Nga hetimet e kryera nga Prokuroria e Posaçme kundër Korrupsionit dhe Krimit të Organizuar rezulton se shtetasi Arian TUKU, djali i Zef dhe Veranikës, i datëlindjes 02.02.1988 në Lezhë, më datë 01.12.2020 ka tentuar të vrasë shtetasin Aleks NDREKA. Gjithashtu ky shtetas ka siguruar kushtet dhe mjetet materiale për të kryer vrasjen e shtetasit Durim BAMI. Më datë 03.11.2020, ai ka trafikuar në Mal të Zi 168 kg kanabis sativa të cilat janë sekuestruar nga autoritetet malazeze. Veprat e mësipërme janë kryer prej tij në një formë të veçantë bashkëpunimi, atë të një grupi të strukturuar kriminal.’-njofton SPAK.

Hetimet e SPAK nisën pas transkriptimeve të bisedave përmes kodeve ‘Sky’ që këta persona përdornin me njëri-tjetrin.