Connect with us

Kosova

Shpërthimi në Mitrovicën e Veriut pas mesnate, reagon Policia e Kosovës

Policia e Kosovës ka thënë të dielën se e ka hapur një rast hetimi për dyshimet e shpërthimit të një granate dore në Mitrovicë të Veriut pak pas mesnatës. Nuk ka të lënduar nga ky shpërthim, tha për Radion Evropa e Lirë zëvendësdrejtori i Policisë së Kosovës për rajonin e veriut, Veton Elshani.

Granata dyshohet të ketë shpërthyer në rrugën “Perandori Dushan” dhe ka shkaktuar “dëme të vogla materiale në dritare të një shtëpie”, sipas Elshanit.

“Njësitet kompetente policore kanë dalë në vend të ngjarjes. Policia, pas konsultimit me prokuror, ka hap rastin shkaktim i rrezikut të përgjithshëm”, theksoi Elshani.

Gjendja në veriun e Kosovës, vendi i banuar me shumicë serbe, vazhdon të jetë e tensionuar prej fillimit të këtij viti, kur serbët lokalë i kundërshtuan kryetarët shqiptarë në katër komunat me shumicë serbe, të cilët dolën nga zgjedhjet e bojkotuara nga serbët në prill.

 

 

Më 24 shtator, gjendja u përshkallëzuan pasi Policia e Kosovës u sulmua nga një grup i armatosur i serbëve në fshatin Banjskë të Zveçanit, ku mbeti i vrarë polici Afrim Bunjaku. Gjatë përleshjeve që pasuan u vranë edhe tre sulmues serbë. Kosova ka fajësuar Serbinë për sulmin, por Beogradi ka mohuar përfshirjen në të.

Kosova

Një dhelpër nëpër Evropë, strategjia e Kinës për të përçarë BE-në dhe NATO-n

Një dhelpër po endet nëpër Evropë. Apo ndoshta ishte ujk? Udhëtimi presidentit kinez Xi Jinping në ditët e fundit midis Parisit, Beogradit dhe Budapestit u konsiderua nga shumë vëzhgues si shumë i zgjuar. Vitin e kaluar, Emmanuel Macron shkoi në Pekin dhe u distancua në mënyrë sensacionale nga amerikanët në mbrojtjen e Tajvanit dhe tani Xi ka reaguar: për disa muaj ai nuk do të vendosë detyrime të tepërta për importet e konjakut në Kinë.

Më pas, ai ishte më bujar në dy vizitat tek miqtë e tij dhe të Putinit, një në Serbi dhe një në Hungari: e para në një vend jashtë BE-së dhe NATO-s, e dyta në atë që është pjesë e të dyja organizatave, por i pengon ato nga brenda. Ndoshta, në Pekin ata vazhdojnë ta shohin turin si  diplomaci e rafinuar. Dhe në Perëndim gjithashtu: ndër ne evropianët, sundimtarët kinezë shihen gjithmonë si të aftë dhe mendjemprehtë.

Pasi dallgët e ngritura nga itinerari i çuditshëm i të fortit nga Pekini janë qetësuar, mund të përpiqemi të gjykojmë ftohtë mbi strategjinë dhe taktikat e tij. E para është shqetësuese, e dyta nuk duket aq e zgjuar dhe delikate.

Strategjia ishte e njohur tashmë, por java evropiane e Xi-t ishte e vrullshme, e pa maskuar dhe pothuajse luftarake, si kurrë më parë: për mënyrën se si Pekini e planifikoi udhëtimin; për përmbajtjen e intervistave dhe deklaratave; për paratë që lideri kinez premtoi t’i dërgonte në arkat e qeverive të Aleksandar Vuçiçit dhe Viktor Orbanit

Objektivi i fshehtë i liderëve konfuciano-komunistë të Kinës është të ndajnë evropianët, si në BE ashtu edhe në NATO, dhe për të futur sa të jetë e mundur një pykë në marrëdhëniet transatlantike.

Investimet që Kina ka shpallur në Serbi dhe Hungari kanë një anë komerciale: në të parin nga të dy vendet, ndërtimi i infrastrukturës për të sjellë mallrat e saj të shkarkuara në portin grek të Pireut (kryesisht i menaxhuar nga kinezët) në Evropën Qendrore-Lindore; në të dytën, ngritja e fabrikave në një territor të BE-së për të shmangur detyrimet e mundshme që Brukseli do të vendosë për importet e makinave elektrike dhe produkteve të tjera për tranzicionin klimatik nga Kina.

Nëse për një periudhë të caktuar në Perëndim ekzistonte iluzioni se Kina mund të vepronte si ndërmjetëse në Ukrainë, sot është e qartë jo vetëm që gjigandi aziatik nuk është i barabartë mes Moskës dhe Kievit, por se po mbështet aktivisht Kremlinin dhe do të vazhdojë për ta bërë këtë. Për Xi, është thelbësore që Putini të mos humbasë: kjo do t’i jepte një goditje serioze teorisë së tij qendrore se Perëndimi është në rënie të pakthyeshme…….

Continue Reading

Kosova

Nënsekretarja amerikane flet pas takimit me Vuçiç-in për Kosovën

Nënsekretarja Amerikane e Shtetit për Diplomacinë Publike, Elizabeth Allen, pas takimit me Presidentin e Serbisë, Aleksandër Vuçiç, në Beograd, ka thënë se progresi i vazhdueshëm drejt normalizimit të marrëdhënieve me Kosovën përmes dialogut të ndërmjetësuar nga Bashkimin Evropian është i rëndësishëm.

Sipas Departamentit Amerikan të Shtetit, Allen dhe Vuçiç, gjatë takimit – ndër të tjera – kanë diskutuar për çështjet globale dhe përparimin e Serbisë drejt integrimit në BE, përfshirë Planin e Rritjes për Ballkanin Perëndimor.

Sipas top-diplomates amerikane, është e rëndësishme të bashkëpunohet në ndërtimin e stabilitetit evropian dhe rajonal, “i cili kërcënohet nga agresioni rus kundër Ukrainës dhe destabilizimi i përhapur nga Kremlini me dezinformata”.

Ajo theksoi gjithashtu mundësitë për forcimin e lidhjeve në kulturë dhe arsim mes dy shteteve.

Nga ana tjetër, Vuçiç, pas takimit me Allen, ka thënë se i ka kërkuar kësaj të fundit angazhim më të madh të ShBA-ve në rajon.

“Kërkova nga SHBA-të që të rrisë angazhimin dhe të përdorë ndikimin e saj për të ruajtur stabilitetin e rajonit dhe për të krijuar kushtet për bashkëpunim të sinqertë dhe përparim konkret të rajonit dhe të gjithë qytetarëve tanë drejt një të ardhme më të mirë dhe më të begatë”- ka shkruar Vuçiç në platformën sociale, Facebook.

Continue Reading

Kosova

Pettigrew i shkruan OKB-së: Mbështetje për Srebrenicën kundër Serbisë dhe Rusisë

“Mbështetja juaj për rezolutën për gjenocidin në Srebrenicë do japë një kontribut jashtëzakonisht të rëndësishëm në respektimin e kujtimit të viktimave dhe afirmimin e së vërtetës. Miratimi i kësaj Rezolute historike do të mbështeste sundimin e ligjit, do të nxiste një kulturë kujtimi dhe do të mbështeste pajtimin dhe paqen e qëndrueshme në Bosnje dhe Hercegovinë dhe në rajon.”

Me këto fjalë, David Pettigrew, profesor amerikan dhe drejtues i Departamentit të Filozofisë në Universitetin e Konektikatit Jugor, në emër të Komitetit të Grupit të Punës për Bosnjë-Hercegovinën, përfundoi letrën e tij drejtuar Presidentit të Asamblesë së Përgjithshme të Kombeve të Bashkuara.

“Shtetet anëtare të OKB-së duhet të kenë mundësinë të tregojnë mbështetjen e tyre për Rezolutën për gjenocidin në Srebrenicë, pasi  shpallën 27 janarin si Ditën e Përkujtimit të Holokaustit dhe pasi shpallën 7 Prillin si Ditën Ndërkombëtare të Kujtimit kundër Gjenocidit Tutsi në 1994 në Ruandë”, thuhet në letër ku dhe potencohet: –

“Mbështetja juaj për të mundësuar votimin do të ishte çelësi për t’iu kundërvënë përpjekjeve të lobimit negativ që po ndiqen në mënyrë agresive nga Republika e Serbisë dhe Federata Ruse”.

Kujtojmë se zëdhënësi i Federatës Ruse paralajmëroi se çdo hap i ndërmarrë nga Bosnja drejt NATO-s do të konsiderohet një akt armiqësor të cilit Rusia do t’i përgjigjet. Prandaj, kur Rusia flet për pajtim, pozicioni i tyre është i dyfishtë dhe plotësisht i pavlerë. Kundërshtimi i Rusisë ndaj kësaj rezolute është vetëm një shembull tjetër i qëllimit të saj për të minuar stabilitetin e rajonit” – raporton Al Jazeera.

Continue Reading

Kosova

Çfarë përmban draft-statuti i FES-it të cilin Kosova e mori për bazë për Asociacionin?

Kosova së fundmi ka nisur përgatitjen e një draft-statuti për Asociacionin e Komunave me shumicë serbe i cili pritet të dërgohet në Kushtetuese deri në fund të këtij muaji. Ky draft-statut është duke u hartuar bazuar në propozimin e bërë nga Fondacioni Friedrich Ebert Stiftung në bashkëpunim me Institutin Evropian për Paqe. Të njëjtit një vit më parë kishin publikuar një version për themelimin e Asociacionit.
Sipas këtij draft-statusi, Asociacioni do të formohet në përputhje me Kushtetutën e Republikës së Kosovës.

Drafti përmban 7 kapituj dhe 18 nene.

Në kapitullin e parë neni 1 pika 2 thuhet se “Statuti do të miratohet nga kuvendi themelues i Asociacionit/Bashkësisë i formuar nga anëtarët me votim të kuvendeve komunale të komunave pjesëmarrëse në përputhje me Ligjin për Ratifikimin e Marrëveshjes së Parë dhe Kushtetutën e Republikës së Kosovës.

Statuti do të miratohet me akt juridik të Qeverisë së Kosovës dhe do të marrë fuqinë e një rregulloreje të Qeverisë sipas sistemit juridik të Kosovës pas shqyrtimit nga Gjykata Kushtetuese.

Ky draft-statut thekson se Asociacioni do të jetë si person juridik i themeluar në përputhje me Kushtetutën dhe sistemin juridik të Kosovës.

Tutje theksohet se  Asociacioni/Bashkësia do të ketë simbolet e veta zyrtare, duke përfshirë stemën dhe flamurin, të cilat do të dizajnohen nga Bordi i Asociacionit/Bashkësisë në përputhje me Kushtetutën e Republikës së Kosovës dhe Ligjin për Qeverisje Lokale.

Draft-statutin e plotë nga FES mund ta gjeni KETU

Continue Reading

Kosova

Kurti bëhet pishman, dërgon asociacionin në Kushtetuese

Qeveria e Kosovës është duke përgatitur një draft-statut lidhur me Asociacionin e Komunave me shumicë serbe. I njëjti draft-statut do të dorëzohet në Gjykatën Kushtetuese për shqyrtim deri në fund të këtij muaji.

Kështu ka bërë të ditur ministrja e Punëve të Jashtme dhe Diasporës, Donika Gërvalla. Përmes një postimi në Facebook, Gërvalla ka shkruar se në kuadër të procesit të anëtarësimit në Këshillin e Evropës, pas votës prej 82 % të Asamblesë Parlamentare të Këshillit të Evropës në favor të këtij anëtarësimi, në kuadër të zotimeve të marra nga tre krerët e shtetit, sot në mëngjes i kam dërguar një letër Presidentit të Asamblesë Parlamentare të Këshillit të Evropës.

“Letra përmban zotimin që Qeveria e Republikës së Kosovës do të përgatisë një draft për krijimi e një mekanizmi për vetmenaxhim, koordinim dhe bashkëpunim të komunave me shumicë serbe në Kosovë, i cili përmbush detyrimet e trashëguara ndërkombëtare të Kosovës, plotëson nevojat e qytetarëve të komunitetit serbe të Republikës së Kosovës, por njëkohësisht respekton në tërësi dhe në secilin detaj të tij Kushtetutën dhe të gjitha ligjet e Republikës së Kosovës si dhe njëkohësisht edhe parimet e Këshillit të Evropës. Një draft i tillë i shërben në njërën anë synimit të qeverisë për të integruar komunitetet joshumicë dhe zbatimit të ligjeve të Republikës së Kosovës në të gjitha komunat”, ka shkruar Gërvalla.

Ministrja thekson se drafti siguron jo vetëm respektimin e plotë të Kushtetutës dhe ligjeve të Republikës së Kosovës, por në të njejtën kohë pamundësimon ndërhyrjet e palejueshme nga jashtë, si në komunat e Kosovës, ashtu edhe në të gjithë vendin.

“Pas konkretizimit të sotëm të zotimit tonë për të bërë një hap të rëndësishëm dhe të prekshëm në përmbushjen e zotimeve tona, kërkojmë dhe presim nga Këshilli i Evropës që të përmbushë pjesën e vet të detyrimit dhe të ftojë Kosovën për t’iu bashkuar pa vonesë Këshillit të Evropës, si vendi të cilit jo vetëm që i janë vendosur më së shumti kushte për anëtarësim në këtë organizatë, por i cili i ka përmbushur të gjitha këto kushte. Kosova e pavarur dhe sovrane, si shtet ligjor dhe demokratik, mbetet në kursin e saj të palëkundur drejt anëtarësimit në NATO dhe BE”, ka shkruar Gërvalla.

Continue Reading
Advertisement

TRENDING