TRUMP HUMBI/ OBAMA: TANI TE PERVESHIM MENGET

“Sonte, populli amerikan dërgoi një mesazh të qartë, ata duan politikë që bashkon njerëzit, jo që i ndan, dhe udhëheqës që ofrojnë zgjidhje konkrete për sfidat me të cilat përballen.”

Kështu u shpreh ish-Presidenti amerikan Barack Obama në platformën X për rezultatet e zgjedhjeve të mesit të mandatit.

“Këto rezultate u bënë të mundura vetëm sepse kandidatë të jashtëzakonshëm u paraqitën në çdo rajon të vendit, duke përfshirë zonat që dikur konsideroheshin të vështira për t’u fituar. Ata vinin nga prejardhje të ndryshme dhe përfaqësonin një gamë perspektivash politike, por ata ishin të bashkuar nga vlera të përbashkëta, një besim në shërbimin publik dhe një angazhim për të vënë njerëzit e distrikteve dhe shteteve të tyre në radhë të parë“, u shpreh ish-presidenti.

Ai e ktheu vëmendjen e tij te lëvizjet e ardhshme të demokratëve:

“Ndërsa kjo administratë ka ende dy vjet të mbetura në detyrë, puna jonë tani është të përveshim mëngët, të bëjmë ndryshime kudo që kemi fuqinë për ta bërë këtë, të parandalojmë dëme të mëtejshme dhe të hedhim themelet për të ardhmen.”

Obama falënderoi të gjithë ata që ndihmuan në zhvillimine zgjedhjeve të qeta.

“Ne gjithashtu kemi një borxh mirënjohjeje për mijëra zyrtarë zgjedhorë dhe vullnetarë nga të dyja partitë që ndihmuan në sigurimin e zgjedhjeve të qeta dhe kryen një nga funksionet më thelbësore të demokracisë sonë.“