Politike
Berisha: Rama ka për qëllim të vendosë qytetin në dispozicion të drogës
Berisha: Është mirënjohje për ju, për pritjen kaq të ngrohtë, për punën e shkëlqyer. Për vazhdimin e këtij misioni, këtij revolucioni që është etik për fatet tona, për fatet e shqiptarëve dhe Shqipërinë. Sot ne jemi përpara një regjimi, i cili ka humbur çdo legjitimitet të ekzistojë më tutje. Jemi para një regjimi, për të cilin nuk ka më interesa qytetare por vetëm për pasurimin e tij dhe të klaneve. Vetëm dje, Rama dhe qeveria e tij, miratoi një vendim me të cilin ka qëllim të prishë 96 mijë banesa në Tiranë.
Ka qëllim të vendosë qytetin, troje dhe banesa në dispozicion të klaneve të drogës, të oligarkëve të tij. Pasi shfrytëzoi fatkeqësinë natyrore të tërmetit, tërësisht të pasurimjit të klikës së tij, tani nuk i durohet më. Nuk pret më. Tani autorizoi veten për të prishur çdo pallat dhe banesë të cilën ai e konsideron fitimprurëse, ndërtimin në ato troje. Fitimprurëse për veten dhe suitën e tij. Edi Rama dhe kjo qeveri, duhet të largohen sa më parë. Ata kontrollojnë sot të gjitha pushtetet. Ka shndërruar drejtësinë në një degë të PS-së.
Politike
Lulzim Basha shpalos programin elektoral: 2,000 euro për çdo bebe. 20 mijë euro për fëmijën e tretë
Partia Demokratike zyrtare është duke shpalosur programin e saj elektoral për zgjedhjet e ardhshme.
Në fjalën e tij, kreu Lulzim Basha, u shpreh se Partia Demokratike, është e vetmja forcë që mund të hartojë një program për zhvillimin e vendit. Kjo pasi sipas Bashës, PD është e vetmja “që nuk interesohet vetëm për hallet e demokratëve, por edhe për shqiptarët në tërësi.”
Kryedemokrati prezantoi iniciativën e PD-së për themelimin e atij që do të quhet Fondi për Familjen.
FONDI PËR MIRËQENIEN E FAMILJES:
2,000 euro për çdo bebe. 20 mijë euro për femijën e trete
30 mijë çifte të reja shqiptare marrin subvencionim të plotë të interesave për kredi për shtëpinë
2. MENDJE E SHËNDOSHË, TRUP I SHËNDOSHË:
Drekë për nxënesit ne gjithe shkollat 9 vjecare dhe te mesme dhe shkolle gjate gjithe dites kurse kompjuteri, gjuhe te huaj, klasa arti dhe klasa sportive deri ne oren 16
3. NEXTGEN:
Trajnim/praktike punë e paguar 1 vjeçare për të marrë një profesion per 10mijë te rinj pas shkolles se mesme (qe nuk vazhdojne universitetin) por edhe për student të sapodiplomuar, si urë lidhëse mes shkollës dhe tregut të punës.
Katër Kampuse Kombëtare ku do te trajnohen 25 mijë te rinj në fusha prioritare të teknologjisë së informacionit dhe programimit.
4. FLAT TAX 9 %
5. PROFESIONET E LIRA TATIM 9%
6. REFORMA E PRONËS!
Zgjidhet menjëherë pa burokraci. Kthim i menjëhershëm i pronës aty ku është e lirë, kompensim me vlerë tregu ku është zënë. Lëshimi i obligacionit/bonove nga shteti, që paguhen çdo vit me 1/20 e vlerës. Regjistrim i pronave me parimin Uti Posidetis.
7. MBËSHTETJE PËR FAMILJET FERMERE
Çdo vit do të akordohen
100 milion euro subvencion direkt për bujqësinë dhe blegtorinë
50 milion euro në infrastrukturë, për mbështetje të drejtëpërdrejtë Përfitues 150 mijë fermerë.
8. PENSIONET RRITJE DHE BONUS PERIODIK
9. STATUSI I TË PËRNDJEKURIT
Me vlerë monetare të barabartë me statusin e ish ushtarakut.
Politike
1 vit para zgjedhjeve/ Basha prezanton sot programin elektoral! Pas tij, ‘tur’ me qytetarët
Partia Demokratike shpalos më 1 Qershor në orën 11:00 nga Parku Olimpik programin elektoral, që i hap rrugën nisjes së fushatës së saj për zgjedhjet parlamentare të 2025.
Ekonomia do të jetë kryefjala e programit me propozime si vende të reja pune me paga të larta, taksa e sheshtë, qeverisja e vogël, parashikueshmëria fiskale si dhe nxitja e konkurrencës.
Edhe bujqësia do të ketë një vend të rëndësishëm. Ndër propozimet që Lulzim Basha dhe ekspertët e tij do të kenë janë subvencionet dhe investimet në këtë sektor.
Përpara demokratëve, Basha do të premtojë edhe zgjidhjen e çështjes së pronës si dhe alternativa për artin, kulturën, sportin e shëndetësinë.
Betejën që nuk arriti ta çonte deri në fund në Kuvendin e Shqipërisë për ndihmë financiare Kosovës, Basha kërkon ta fusë në programin e tij, për financim vjetor 50 milionë euro, ku do të parashikojë edhe bashkërendim të axhendave me vendet e tjera të rajonit.
Megjithatë ky program, vjen në një kohë, kur Basha dhe pjesa tjetër e demokratëve, ata të Rithemelimit ende nuk kanë zgjidhur në gjykatë çështjen e vulës. Gjykata e Apelit pritet të vendosë për fatin e PD më 11 qershor. Kjo çështje si dhe ristrukturimi i partisë, pas përçarjes së thellë, duket se po mbajnë peng edhe nxjerrjen e kandidatëve, të cilët Lulzim Basha pritet t’i zbulojë pas verës.
Politike
Balluku zbulon grup të strukturuar kriminal te ujësjellësi i Vlorës: Dosjen do e dorëzoj vetë në SPAK
Më një kohë kur kreu i SPAK është ankuar se gjithnjë e më pak kallëzime vijnë nga institucionet publike në drejtim të Prokurorisë së Posaçme, ka qenë zv. kryeministrja e cila sot ka paralajmëruar se ka gati dosjen për një grup të strukturuar kriminal në Ujësjellës kanalizime Vlorë
“Dosjen do ta çoj në SPAK”, u tha ajo.
Zëvendës kryeministrja, Belinda Balluku, ka mbajtur këtë të premte një takim me punonjësit e ujësjellës-kanalizimeve në qytetin e Vlorës.
Në fjalën e saj të ashpër Balluku ka parlajmëruar zero tolerancë për punonjësit në këtë institucion, ku theksoi se do të çohen përpara drejtësisë të gjithë ata që abuzojnë me detyrën.
Ajo ka shtuar se çdo person që është përfshirë në këtë skemë do të kallëzohet në SPAK dhe do të ndiqet penalisht.
“Sot kemi një përmirësim nivelesh të të ardhurave, kemi përmirësimin e humbjeve të ujit të pijshëm në rrjet.
E vetmja ndërmarrje që ka një problem është ajo e Vlorës, por që të abuzohet në kurriz të qytetarëve të Vlorës, kjo është diçka që ju duhet ta dini zyrtarisht, kjo nuk është një çështjet që do lihet në sirtarë, por do ndiqet ligjërisht për të gjithë të përfshirët.
Kjo është detyra ime personale dhe stafit të Ministrisë dhe do t’i shkohet deri në fund. Do çoj dosjen në SPAK. Kemi dy muaj që i kemi shkuar deri në rrënjët e fundit, deri aty ku është ngjizur kjo skemë. Dosjet janë gati”, tha Balluku.
Një mesazh e ka pasur për punonjës, që i quajti një grup të strukturuar kriminal.
“I keni hyrë detit në këmbë. I ka rënë në qafë popullit të Vlorës, bizneseve, pensionistëve të Vlorës dhe të gjithë Shqipërisë dhe për këtë do përgjigjeni të gjithë. Ky është grup i strukturuar, i cili ka vepruar në bashkërendim të plotë në kurriz shqiptar dhe në kurriz të popullit të Vlorës. Sot UKV është në risk për të mos ofruar dot shërbime në kulm të sezonit”, tha ajo.
Në fund, paralajmërimin e mbylli duke ua bërë të qartë të gjithëve, “Zero tolerancë për këdo që abuzon me detyrën”.
Politike
Meta nuk përmbahet ndaj Edi Ramës: Shteti është kapur nga një kryehorr
Kreu i Partisë së Lirisë Ilir Meta në një konferencë për shtyp u prononcua në lidhje me sulmin e ndodhur dy ditë më parë ndaj avokatit Sokol Mëngjesi.
Meta u shpreh se ky bishte një sulm kriminal i qëllimshëm, ndërsa shtoi se “dihet se nga e marrin trimërimin persona të tillë.
“Akt kriminal i qëllimshëm. Nuk ka asnjë justifikim. Dihet nga vjen trimërimi i këtyre horrave e banditëve. Shteti është kapur nga një kryehorr”, tha Meta.
Meta foli mes të tjerash edhe në lidhje me krijimin e një Komisioni të Posaçëm anti-korrupsion, për të cilin tha se është një komision që legjitimon Rama-formën.
Ai u shpreh se kryeministri Edi Rama i ka pasur gjithmonë në dorë instrumentet për të luftuar korrupsionin, por nuk e ka bërë një gjë të tillë.
“Të marrësh pjesë në një komision që legjitimon Rama-Formën…
Askush nuk e ka penguar Ramën të luftojë korrupsionin, i ka pasur më shumë instrumente në dorë edhe se vetëm Ramiz Alia. Megjithatë bëri vetëm ligje me porosi dhe për të vjedhur çnjerëzisht popullin e tij”, tha ai.
Ilir Meta, në një konferencë për mediat ka theksuar mbështetjen që programi i PL i jep familjeve shqiptare me qëllim ndalimin e shpopullimit dhe lehtësimin e jetës sidomos për familjet e reja.
Meta u shpreh se synohet rritja e bonusit të bebes, numri i kopshteve dhe çerdheve, si dhe rritje e kohëzgjatjes që fëmijët të mund të rrinë në këto institucione.
“Jemi dëshmitarë se në Tiranë, Durrës etj kemi zona të mbipopulluara ku mungojnë kopshtet e çerdhet apo kur prindërit humbasin shumë kohë që të dërgojnë fëmijët në çerdhen më të afërt.
PL mbështet familjet e reja, në program përfshihet shtimi i personelit në kopshte e çerdhe dhe rritja e orëve ku fëmijët të mund të rrinë nën kujdesin e edukatoreve.
Nxisim nënat e reja të lindin më shumë fëmijë duke i ofruar infrastruktura më të mira mbështetëse”, theksoi Illir Meta
Politike
Kryeministrja e Italisë, Gorgia Meloni vizitë në Tiranë, takim me Edi Ramën
Kryeministrja e Italisë, Georgia Meloni do zhvillojë një vizitë në Tiranë më 5 qershor. Kryeministrja e Italisë, Meloni do pritet nga kryeministri Edi Rama.
Lajmin u konfirmuar dhe nga burime te qeverise shqiptare Më 6 qershor, në Itali dhe gjithë vendet e BE zhvillohen zgjedhjet europiane.
Meloni, kalin kryesor të betejës së saj elektorale ka marrëveshjen me Shqipërinë për emigrantët.
Sipas mediave italiane, mendohet se fokusi i diskutimeve do të jetë mbi kampin që do të ngrihet në Gjadër për të pritur emigrantët, sipas marrëveshjes së firmosur më herët nga dy shtetet
-
Pinknews18 hours ago
Meriton Mjekiqi del kundër babait të tij? Ja fotoja që Ilnisa poston
-
OPINION21 hours ago
Unë në burg nga SPAK, Prokuroria apo Policia, ose Top Channel dhe Fiks Fare të më kërkojnë ndjesë publike
-
Pinknews18 hours ago
Heidi Baci surprizohet me një buqetë me lule, por nga kush? Ja story që poston bukuroshja
-
Pinknews19 hours ago
U “zhduk” nga studio e BBV dhe “braktisi” Heidin në festë, Romeo Veshaj thyen heshtjen dhe shfaqet krah…
-
Horoskopi7 hours ago
Në dashuri mos u tregoni të ndrojtur, pasi kjo fundjavë do të jetë mjaft e…
-
Pinknews21 hours ago
Kush janë ish-banorët e “Big Brother Vip 3” që kanë fituar më shumë ndjekës në Instagram
-
Pinknews22 hours ago
Detaje nga divorci/ Gjykata nuk pranon kërkesën e Xhensilës për t’u ndarë nga Besi, gjithçka për të fshehur pasurinë?
-
Aktualitet18 hours ago
Paralajmëron zyrtarja e lartë e OBSH-së: Rrezik i lartë i një pandemie tjetër në Evropë