Politike

Qeveria është ç’organizuar në të gjithë procesin jetësor të vëndit

Do të doja që ta fillonim bashkëbisedimin tonë në kuadër të fillimit të vitit të ri akademik, edhe pse si gjithmonë studentët shqiptare gjenden të papërgatitur, gjenden përballë fakteve të kryera dhe vendimeve që nuk janë konsultuar asnjëherë jo vetëm me student, por as me stafin akademik. Studentët tanë vazhdojnë të jenë pjesë e talljes dhe arrogancës, abuzimit të qeverisjes në ikje, që në vazhdimësinë e kësaj situate që po bëhet problematike shkon drejt mbylljes së universiteteve, duke krijuar një mundësi të pamundur për studentët që të kenë një mësim normal. Nga ana tjetër mungesa e infrastrukturës për ta zhvilluar mësimin online e bën edhe më të vështirë komunikimin mes studentëve dhe pedagogëve. Gjatë kësaj kohe qeveria, unë vazhdoj e përsëris, jo vetëm që është ç’organizuar në menaxhimin shumëdimensional të pandemisë e cila vështirësohet çdo ditë e më shumë jo vetëm nga ana ekonomike por dhe nga ana e menaxhimit të infrastrukturës qoftë në spitale apo arsim, ekonomi dhe në të gjithë procesin jetësor të një vendi. Akoma më shumë jemi në një pozicion që ç’organizimi i organizuar i institucioneve shtetërore nuk ka sjellë gjë tjetër përveçse rrënimit ekonomik të familjeve shqiptare. Ajo që ne kemi kërkuar faktikisht që në fillimit të pandemisë ka qenë haptas subvencionimi 100% i studentëve duke pasur parasysh që situata në të cilën ka ndodhur nuk është gjë tjetër veçse një situatë që studentet kanë qenë të papërgatitur edhe pse kanë filluar një pagesë pra qoftë për marrjen e shtëpive me qira, pagimin e tarifave në universitete e kështu me radhë. Mbaj mend që me mbylljen e universiteteve në fillim të marsit studentët e universiteteve u detyruan që të transferonin dhe qiratë e muajit korrik dhe gusht apo dhe shpenzimet e tjera të familjeve duke i nxjerrë jashtë loje të gjitha proceset që ato kishin bërë pagesat e mëparshme në periudhën mars, prill, maj e kështu me radhë. Shumë familje që kanë fëmijët e tyre studentë kanë kosto shumë të mëdha ekonomike, të cilat janë menjëherë të ndjeshme. Unë në takimin që kam pasur me gratë naftëtare, pothuajse që të gjitha fëmijët e tyre i kishin studentë në Tiranë apo edhe në universitete të tjera dhe rrënimi ekonomik i tyre nuk vinte thjesht për sa i përket jetës universitare, por tashmë i bashkëngjitet edhe mësimi online. Jo të gjitha familjet shqiptare kanë mundësi që të kenë një komunikim nëpërmjet internetit online, ashtu sikurse nuk po flasim më për standardin dhe cilësinë e mësimdhënies, që shkencat juridike apo ato sociale mund ta kenë më komod komunikimin online, por shkencat e natyrës, fakulteti i mjekësisë, të cilët bazën kryesore të mësimdhënies kanë laboratorët dhe praktikat. Kështu që kjo është një gjë që do dëshiroja të dija edhe opinionin e Ministrisë së Arsimit, nëse është pyetur ajo për këtë vendim të menjëhershëm 2 ditë përpara se të fillonte viti akademik studentor. Për të mos kaluar pastaj për sa i përket situatës ekonomike dhe arrogancës qeverisëse, që ka rënduar jo vetëm jetën politike shqiptare, por edhe jetën ekonomike.

Keni hedhur disa akuza për ndërtimin e shkollës Sami Frashëri, që janë përgënjeshtruar nga Erion Veliaj. Vijoni ti qëndroni akuzave tuaja?

Unë jam Petro Ninse. Kam mbaruar shkollën Petro Nini Luarasi, është kjo shkolla këtu afër. Ndërsa për sa i përket shkollës Sami Frashëri të jeni të bindur që Monika ka thënë të vërtetën, nuk ka gënjyer. Tani unë do t’iu jap një dokument, që në vitin 2017 qeveria shqiptare ka ndërmarrë një vendim që shkollën Sami Frashëri dhe një listë çerdhesh t’ia kalojë Bashkisë së Tiranës. Është një vendim qeverie për inventarizimin e pronave të veçanta, që është bërë dikur në mars të 2017. Kjo është tabela, që do t’ua shpërndajmë pastaj. Dhe pas një periudhe shumë të gjatë vjetore, disa vjeçare, në 2020 regjistrohen më 21.04.2020 në Bashkinë e Tiranës, kjo është kartela e hipotekës, e pronës së shkollës Sami Frashëri, me numër pasurie 6/411. Kjo kartelë është e printuar po me datën 21.04.2020, është e shkruar. Sepse në kuadrin e dixhitalizimit dokumentet dalin edhe me datën që printohet. Në fakt ka dhe një njoftim këtu për një okupim Pëllumb Veiz Lakollari për një sipërfaqe 45 metra katrorë truall, që nuk ka të bëjë për këtë.

Tani çuditërisht më datën 28.10.2020 printojmë përsëri kartelën e shkollës Sami Frashëri dhe na del listë bashkëpronarësh, nuk është më Bashkia Tiranë, por e regjistruar përsëri më 21.04.2020. Unë nuk jam prokurore që ta sqaroj këtë gjë, por këtë mund ta sqarojë shumë mirë Prokuroria. Unë e kam denoncuar ditën e hënë te zoti Fevziu. Ditën e martë në orën 4 e gjysëm vendoset një tabelë e tillë me PVC dhe thotë studim, projektim 5 milionë euro me TVSH. Tani unë nuk kam parë tabelë investimi që të thotë studim, projektim 5 milionë euro, kur ndërkohë një shkollë që ka tenderuar në Vorë, në Durrës e ka 3 milionë euro ndërtim, studim, projektim. Ndërkohë që këtë e ka studim projektim 5 milionë euro pa TVSH. Problemi tjetër qëndron, ne nuk kemi ndonjë nipt ndërtimi, por ka njerëz të ndershëm sa të duash Partia Socialiste edhe Bashkia e Tiranës, ashtu siç na sollën edhe dokumentet e shkollës Sami Frashëri, që shkolla Sami Frashëri nuk është tenderuar dhe nuk ka të shpallur fitues për tenderin e kësaj shkolle, as për studim projektim. Dhe nga ana tjetër mund t’iu themi që është bërë një fond në kuadrin e rindërtimit që janë 15 shkolla që do të bëheshin me grant nga qeveria shqiptare të marrë nga BE, të pakën kështu e ka deklaruar Kryetari i Bashkisë Erion Veliaj, që edhe kjo shkollë nuk është fare në këtë numër listë. As në listat e shkollave të BE, mjafton të hyni në linkun e delegacionit të BE. Dhe ndërkohë para një jave dëgjuam kryeministrin që tha nuk kemi marrë asnjë para nga BE në kuadrin e rindërtimit akoma.

Tani dua të theksoj që pse Monika Kryemadhi nuk gënjen. Monika Kryemadhi thotë vetëm të vërtetën dhe Monika Kryemadhi e mban fjalën e saj se për këtë është shquar, nuk është shquar ndonjëherë për politikën e madhe, as për modernizëm të madh as që bën ndonjë qamet të madh por ajo që dua të them është që midis Monika Kryemadhit , Edi Ramës dhe Erion Veliaj, njerëzit besojnë Monika Kryemadhin se flet e fakte dhe nuk gënjen. Unë ja kam bërë këtë nder këtyre të Samiut duke filluar nga z.Petrit Vasili që është samist që ia shpëtova shkollën, nga Ilir Meta, Lulzim Basha, Fatos Nano, Ben Blushi se shkollën Sami Frashëri Lali Eri ua prishi, ua rrënoi dhe kushedi ku do ua degdiste dhe do ndërtonte ndonjë qendër multifunksionale si ato të vetat që ndërton dhe ndonjë pallat 30 kate mbi truallin e shkollë Sami Frashëri. Kështu që tani nuk ka rrugë tjetër Lali Eri. Ka të vetmen rrugë të ndërtojë shkollën Sami Frashërit e pakta siç ishte. Në qoftë se nuk ka para le ti mbledhë të gjithë këta samistat që ka qenë në qeveri t’i gjejnë fondet për ta ndërtuar shkollën e tyre sepse ky zotëria kur guxon të ndryshojë pronësinë e shkollës Sami Frashëri mendoni sesi ndryshon pronësinë e atyre banorëve në Kombinat që sot secili nga ju po të kërkojë për të marrë kartelë, jo certifikatë hipoteke të apartamente të tyre në Kombinat nuk ju jepet. Po kështu në Vorë, Shijak, Maminas, Durrës e kudo. Këta tjetërsojnë shkollën Sami Frashëri që janë breza të tërë të rinjsh dhe të rejash. Pra ky njeri që tha do hap 300 mije vende pune largoi 600 mijë shqiptarë. Ky tjetri që tha nuk do ndërtoj asnjë pallat dhe ka ndërtuar ka dhënë 1000 leje pallatesh, çfarë kanë bërë , këta tjetërsojnë shkollat, djepin e dijes, të vetmen gjë që na ka ngelur. Tani dhe shkollat duan ti shkatërrojnë. I mbyllin universitetet, i largojnë studentët nga auditorët, pastaj i privatizojnë, iu tjetërsojnë objektin, i kthejnë në lista bashkëpronarësh dhe lista bosh, thjesht vendos aty bllokoje që është lista bashkëpronarësh, pastaj nuk kanë studentë, mbyllin universitetet, pastaj kur i mbyllin degët e universiteteve ngelen godinat bosh, pastaj tjetërsojnë godinat, pastaj i shembin, pastaj ndërtojnë godinat dhe pastrojnë paratë e drogës. Prandaj Monika thotë vetëm të vërtetën dhe do të thotë vetëm të vërtetën dhe sidomos për shkollat dhe të rinjtë dhe të rejat pastaj për këta që dalin dhe hyjnë në jetën politike nuk më bëhet vonë fare se nuk i ka ngelë asnjërit borxh jo vetëm Monika, por as shqiptarët këtyre njerëzve.

Znj. Kryemadhi, a do të presë opozita e bashkuar përgjigjen e komisionit të Venecias përpara se të shpallë strategjinë e saj për çështjen e koalicioneve si do të shkojnë në zgjedhjet e ardhshme?

Ajo që dua të theksoj është që çështja e kodit zgjedhor apo komisioni i Venecias nuk ka të bëjë me votën në kuti. Ka të bëjë me kalkulim numër votash ose me mënyrën sesi do të sillet secili prej nesh në fund të ditës kur të kërkojnë votën në kuti qoftë për emrin, qoftë për partinë, qoftë për listën, qoftë për koalicionin. Kështu që strategjia e opozitës pavarësisht kodit zgjedhor që ka miratuar parlamenti legjitim, pavarësisht opinionit të komisionit të Venecias, pavarësisht deklaratave apo mundësie që mund të këtë për të ndryshuar gjatë rrugës deri shkurt-mars, të paktën me sa ne lexojmë, nuk ka të bëjë fare dhe nuk ndikon fare në punën dhe në strategjinë e opozitës për të organizuar jo vetëm strukturat partiake, por për të organizuar të gjithë opinion publik që me 25 prill të shkojnë në kutitë e votimit dhe të dënojnë dhe të ndëshkojnë me votë rilindjen dhe jo vetëm. Të vlerësojnë me votë alternativën më të mirë e cila jam e bindur që është alternativa e opozitës së bashkuar për ti dhënë Shqipërisë mundësinë dhe hapësirën për krijime të reja për integrimin europian.

Kushtetuta e Shqipërisë e përcakton që i jepet e drejta për të krijuar qeverinë partisë që merr më shumë vota në zgjedhje. Tradicionalisht në Shqipëri si partia më e madhe ka dal Partia Socialiste që ka marrë më shumë vota. A i druheni ju se mund të ketë rrjedhje mandatesh nëse Partia Socialiste del forcë e parë?

Kushtetuta e Shqipërisë nuk thotë që i jep partisë që ka më shumë vota. Thotë partia me koalicionin fitues ose partia fituese duhet të ketë në parlamentin shqiptar 71 mandate. Nuk je fitues nëse je i pari. Por edhe sikur, sepse është neni 98 që thotë : ‘Presidenti i Republikës në fillim të legjistraturës si dhe kur vendi i kryeministrit mbetet vakant emëron kryeministrin me propozim të partisë ose të koalicionit të partive që kanë shumicën e vendeve në kuvend.’ Pra shumica e vendeve do të thotë 71. Nuk do të thotë që je i pari. Por edhe për këtë të jeni të bindur që Rama s’ka shans të jetë i pari. Po doli i treti, i katërti se vendi parë dhe i dytë janë të zënë. Kështu që për këtë të jeni të qet. Mos u çudisni mbas një java kur të thotë nuk do marr pjesë në zgjedhje. Kur të thotë o të iki Lul Basha me Monikën nga drejtimi i opozitës, të iki dhe Ilir Meta nga President dhe vetëm ashtu hyn në zgjedhje. Edi Rama kishte frik të hynte në zgjedhje me Ilir Zelën që nuk ishte asgjë në parti. Edi Rama ishte kryeministër, ishte kryetar i Partisë Socialiste, sa kishte marr mandatin dhe kishte frik të hynte në zgjedhje. E mbani mend që bëri referendumin me Ben Blushin vetëm e vetëm që të thonte unë që jam kryetar partie s’kam nevojë të votohem prapë për kryetar partie. Kështu që nuk ja heqim dot frikën Edi Ramës me përballjen me votat kështu që… E provuam me 30 qershor, ja dhamë shansin. Bëri votimet vetë. As ato si bënte dot. Edhe ato i bëri me probleme. Kështu që është çështje që nuk ja zgjidhim dot ne si opozitë.

Politike

Betejë jetike për dinjitetin e kombit/ Berisha: Shembje e monumentit të shëmtuar të korrupsionit

Gjatë fjalimit të tij tashmë të përnatshme në tubimin qytetar, Sali Berisha u ka bërë thirrje qytetarëve për protestën e ditës së martë.

Berisha: Të dashur qytetarë dhe qytetare, qëndrestarë dhe qëndrestare, misionarë të vërtetë të dinjitetit dhe lirisë. Një përshëndetje të përzemërt dhe mirënjohje të pakufishme ndaj jush. Një përshëndetje të përzemërt oratorëve që me fjalën e tyre këtu në parlamentin e lirisë përcjellin mesazhet e të vërtetës, guximit dhe shpresës në të katër anët e shqiptarëve. Që me fjalën e tyre çajnë vellon e zezë të censurës së narkoshtetit dhe u thonë shqiptarëve të vërtetat thelbësore, jetike të tyre.

Kjo betejë është një betejë e shenjtë aq sa ç’është liria dhe dinjiteti për njeriun. Aq sa është liria e dinjiteti për një shoqëri dhe për një komb. Të martën ne kemi ditën tjetër, ditën e madhe, në të cilën mosbindja civile e qytetarëve të Tiranës do të shembë monumentin më të shëmtuar të vjedhjes së qytetarëve nga kreu i hajdutëve të Tiranës, që ka uzurpuar shtëpinë e parë të kryeqytetit. Miqtë e mi, nuk ka betejë më jetike për dinjitetin e një kombi se sa beteja për çlirimin e kryeqytetit.

Se sa beteja për shembjen e monumentit të shëmtuar të korrupsionit dhe krimit në sheshin Skënderbej. Se sa beteja për përzënien e një kryevjedhësi, i cili i zhveshur nga çdo normë morali njerëzor, i pangopur në vjedhjet e tij ndaj qytetarëve, vendosi modelin 100 përqind të vjedhjes së fondeve të qytetarëve të Tiranës. Në këtë model, Erion hajduti zhduku 130 milionë euro të djegësit të Tiranës si në asnjë vend tjetër të Europës dhe të botës. Paratë shqiptarët i paguan. Ky hajdut u mori atyre taksa tre herë më të larta se përpara.

I detyroi të paguajnë 29 euro për ton, tarifën e djegies për tarifë depozitimi. Ky hajdut për kompaninë e tij, detyroi dheun e çdo themeli që hapet, inerte, zhavorret, të depozitohen në minierën e tij, në Sharrë me tarifa të cilat shkojnë rreth 50 milionë, 60 milionë euro në kontot e tij. Ky hajdut, ky njeri që nuk ka asgjë njerëzore në qenien e tij, krijoi kompaninë e tij me drejtorët hajna dhe shndërroi paratë e taksapaguesve në hotele luksoze me 5 yje. Në pallate me qindra e qindra apartamente. Ky i pashpirt u shndërrua në një tërmet të vërtetë për qytetin. Prishi me ndërmarrjet e tij dhjetëra e dhjetëra pallate. Grabiti dhjetëra e dhjetëra milionë euro po me këto ndërmarrje, gjoja për ndërtimin e tyre. Ndërkohë që ndërtoi me gjoba me kompanitë e ndërtimit.

Politike

Ramës i ndodh e papritura/ Mitsotakis refuzon ta takojë, çfarë ndodhi në Athinë

Gazeta greke Kathimerini shkruan se kryeministri i Shqipërisë Edi Rama ka marrë përgjigje negative për kërkesën e tij për të vizituar Greqinë, nëpërmjet zëdhënësit të tij, Endri Fuga, por sërish kreu i qeverisë shqiptare ka këmbëngulur ta zhvillojë vizitën.

Fjala është për takime me emigrantët shqiptarë që jetojnë dhe punojnë në Greqi. Sipas artikullit të gazetës greke, autoritetet helene kanë anuluar lejen e dhënë më parë për mbajtjen e takimit në hollin olimpik “Gallatsi”, për shkak se aty mbahen edhe aktivitete të tjera. Më pas, Ministria e Jashtme greke ka informuar ndihmësin e kryeministrit shqiptar, Endri Fuga, që ndodhet në Athinë, se vizita është mirë të shtyhet pas 9 qershorit, meqenëse Greqia është aktualisht në zgjedhjet europiane.

Shkrimi i plotë i gazetës greke Kathimerini:

Pyetjet që lindin janë nëse vizita e kryeministrit shqiptar Edi Rama në Athinë do të lejohet më në fund me afrimin e ditëve të së dielës së Shën Thomait (12 maj), kur ai është planifikuar t’i drejtohet një tubimi emigrantësh shqiptarë, anëtarë dhe miq të partisë së tij. Vlen të theksohet se fillimisht tubimi ishte planifikuar të mbahej në stadiumin e mbyllur të Galatsit, por së fundmi Bashkia hoqi lejen që kishte dhënë fillimisht, për shkak të aktiviteteve të tjera që janë planifikuar. Ndaj, mbetet për t’u parë nëse dhe ku do të zhvendoset për zotin Rama, ngjarja për takimin me emigrantët shqiptarë.

Duke qenë se deri dje nuk kishte mbërritur asnjë kërkesë me shkrim si në Ministrinë e Jashtme ashtu edhe në organet e tjera kompetente për vizitën e zotit Rama (qoftë jozyrtare), ende nuk është formuluar hapur asnjë deklaratë synimesh nga pala greke. Z. Rama njoftoi jozyrtarisht synimin e tij për të vizituar Athinën nëpërmjet zëdhënësit të tij konfidencial, Edri Fuga, i cili ishte në Greqi disa ditë më parë. Ministria e Jashtme i bëri me dije zëdhënësit të zotit Rama se nisur nga faza parazgjedhore që po kalon Greqia për shkak të zgjedhjeve europiane, do të ishte e preferueshme që vizita të shtyhej për pas datës 9 qershor.

Që atëherë, ftesa e Athinës është shpërfillur dhe kryeministri shqiptar thuhet se është i vendosur për të realizuar vizitën. Tashmë është absolutisht e qartë për çdo vëzhgues të mirëfilltë se zoti Rama e mori vendimin e tij menjëherë pas përfshirjes së kryetarit të zgjedhur të burgosur të Himarës, Fredi Beleri, në fletën europiane të N.D. Duket se vizita e kryeministrit shqiptar Rama ka edhe simbolikë, pasi më 12 maj bëhet pikërisht një vit nga arrestimi i zotit Beleri.

Por nisur nga atmosfera e ngarkuar me ngjarjet në Himarë, udhëtimi i Ramës mund të nxisë konfliktin e brendshëm politik parazgjedhor, duke e çuar çështjen Beleri në axhendën e debatit publik. Apo edhe të provokojë reagime nga elemente të caktuara në Athinë, gjë që qeveria definitivisht nuk e dëshiron.

Gjithashtu, burime diplomatike në Tiranë dhe Athinë theksuan se vizita e planifikuar mund të ketë objektivisht elementin e shfaqjes së forcës, ku Rama tenton të instrumentalizojë votën në zgjedhjet europiane të dhjetëra mijëra emigrantëve shqiptarë që kanë të drejtën ligjore. për të votuar si shtetas grekë, në përgjigje të kandidaturës së Belerit. Megjithatë, një ngjarje e tillë, edhe nëse Rama i shmang referimet për zgjedhjet europiane, në çdo rast do të përbënte përfshirje indirekte në proces. Nisur nga atmosfera e ngarkuar me ngjarjet në Himarë, udhëtimi i kryeministrit shqiptar mund të nxisë konfliktin e brendshëm politik parazgjedhor.

Fushata parazgjedhore

Kryeministri i Shqipërisë në mënyrë simbolike u kujdes që fushatën e zgjedhjeve të parakohshme në diasporën shqiptare ta nisë nga Athina – do të vijojë me Romën, Milanon dhe Berlinin – duke përjashtuar kryebashkiakun e zgjedhur Fredi Beleri nga kryesia e Himarës dhe nga loja e brendshme politike, ky ishte që në fillim qëllimi i tij. I gjithë gjyqësori (prokuroria) po përfundon hetimet në shkallën e dytë ndaj Belerit.

Sipas vlerësimeve të qarqeve politike dhe diplomatike në Tiranë, Beleri do të dalë nga burgu brenda muajit gusht. Por jo i pafajshëm dhe i shfajësuar, por me një penalitet, qoftë edhe të vogël, që të mos ketë të drejtë të marrë pjesë në zgjedhjet e reja të mundshme për Bashkinë e Himarës. Informacionet bëjnë me dije se ka mundësi që nënkryetari aktual i votuar nga këshilli bashkiak të mbetet në postin e kryetarit të përkohshëm. Por nëse mbahen zgjedhje, siç ka paralajmëruar Rama, nuk duhet përjashtuar kandidimi i ish-ministrit dhe guvernatorit aktual të Vlorës, Vangjel Tavos, i cili tashmë ka transferuar të drejtat e tij elektorale në Himarë, nga Dropolli.

Duke qenë se nuk do të ketë takime zyrtare, interesi nga vizita e Edi Ramës në Athinë është përqendruar tek fjalimi i tij për shqiptarët e mërguar dhe tek referimet e pashmangshme(?) për marrëdhëniet greko-shqiptare dhe minoritetin grek, me fokus zhvillimet në Himarë. Ndjenja (arrogante) e të qenit “triumfues” në “Betejën e Himarës” do ta shoqërojë Edi Ramën edhe në Athinë.

Çfarë do të ndodhë në të ardhmen?

Megjithatë, çështja e së ardhmes në marrëdhëniet greko-shqiptare dhe fati i minoritetit grek, pas përfundimit të afërt, të paktën në nivel gjyqësor të çështjes Beleris, mbetet e panjohur. Mbetet për t’u parë nëse dhe cilët do të jenë hapat e parë nga të dyja palët, për të zbutur tensionin dhe për t’i kthyer marrëdhëniet dypalëshe në rrugën e rimëkëmbjes.

Konflikti politiko-diplomatik për kryesimin e bashkisë së Himarës i solli marrëdhëniet dypalëshe në pikën më të keqe që nga gjyqi shumë i vlerësuar i pesë drejtuesve të Omonia-s në gusht 1994,. Më pas u desh mobilizimi në prapaskenë i agjentit amerikan (Holbrook – Shifter) për të hapur sërish kanalet e komunikimit dhe për të “shkrirë marrëdhëniet dypalëshe”.

Megjithatë, zhvillimi i gjërave duket se shfajëson ata që janë përgjegjës për menaxhimin e krizës (Giorgos Gerapetritis, Alexandra Papadopoulou) në Ministrinë e Jashtme, të cilët, siç është shkruar, mbështetën – duke mos pasur besim në gjykimin e drejtë në Shqipëri – duke thënë se nevojiten konsultime me Tiranën për lirimin e menjëhershëm të Belerit dhe gjetjen e një personi të përbashkët për kryetar bashkie.

Politike

‘I kërkoni SPAK-ut të arrestojë Veliajn’/ Spiropali shpërthen ndaj opozitës: Fajin e ka ai në ballkon kur…

Ministrja e Shtetit për marrëdhënien me Parlamentin, Elisa Spiropali, theksoi gjatë fjalës së saj, se rruga e Partisë Socialiste me atë të opozitës është e ndarë sa i përket reformës në drejtësi.

“Edhe sot dëshmuat se sa e ndarë është rruga jonë sa i takon drejtësisë. Lundra juaj që po merr ujë, ka humbur edhe GPS-në. Paradite në revolucionin me orar te bashkia e Tiranës i kërkoni SPAK-ut të arrestojë Veliajn, në darkë te rrugica e doktorit, Oerd ju mallkoni SPAK-un si organizatë kriminale

Për të mos folur për gardistët e kuq që shoqërojnë Sali Berishën si të pandehur në dyert e SPAK-ut dhe bërtasin poshtë SPAK-u dhe po të njëjtët gardistë të kuq, kur shkon kryetari i bashkisë, bërtasin me të madhe; në burg qeni! Kujt ia shisni këtë standard të drejtësisë.

Armiqtë në litar, shokët e partisë të lirohen menjëherë. A kemi rënë dakord që duhet të kemi një sistem drejtësie ndryshe që nuk është i kapur dhe bën drejtësi, me standarde dhe proces ligjor, për të gjithë njësoj nga ai me cigare me hashash e deri te ai që ka qenë kryeministër e kryetar Parlamenti ai tjetri. Molotovët që ju hidhni nuk janë të mjaftë të mbushni të gjithë hendekun politik, moral dhe strategjik që ju keni me ne dhe PS-në.

Gjithë fajin e ka ai në ballkon. Përpiquni të keni arsye. Ju dhe humbja jeni një binom i pandashëm, nuk mund t’ua përmendësh fjalën disfatë sepse jeni njësoj si ai binomi kur thua Partia Demokratike ke thënë Saliu. Për kulturën tonë ende të vjetër të qasjes ndaj drejtësisë, ka një ndjesi të përgjithshme hakmarrjeje, represioni që e frymëzoni ju dhe mediat e paguar prej jush qoftë në shoqëri dhe politikë dhe disa segmente të drejtësisë”, tha Spiropali.

Politike

Batutat në Kuvend/ Bujar Leskaj: Erion Braçe ministri më i ndershëm i të gjitha kohërave

Në seancën e sotme të Kuvendit, nuk munguan as batutat dhe të qeshurat midis deputetëve të mazhorancës dhe opozitës. Deputeti demokrat, Bujar Leskaj, ka reaguar pas fjalës së Erion Braçes, duke theksuar se “ministri më i ndershëm i kësaj qeverie ka qenë Erion Braçe”

Pas kësaj deklarate, deputeti i PS, ka shpërthyer së qeshuri. Përveç postit të zv/kryeministrit, Erion Braçe nuk ka mbajtur ndonjë post ministror.

“I dashur Erion, kjo qeveria juaj dhe të gjithë ju të tjerët të qeverisë e ka të shkruar në ballë, keqqeverisje, demagogji dhe korrupsion. Çfarëdo të thoni ju dhe të bëni dhe ministri më i suksesshëm në këtë qeveri, më i ndershmi i të gjithë kohorëve ka qenë një: Erion Braçe, kjo nuk diskutohet.

Po ministri më i zoti në këtë qeveri zonja kryetare e di kush është? Është ai Fuga që është bërë si ajo dora e padukshme që thoshte Smithi, që amplifikon propagandën dhe demagogjinë tuaj.

Ne kur vijmë diskutojmë për ligje, ne themi nene ta caktuara, ne bëjmë akuza konkrete, ju thoni fjalë të përgjithshme. E megjithatë i dashur Erion, qeveria juaj, keqqeverisje, demagogji dhe korrupsion”, tha Leskaj

Politike

‘Veliaj u hetua në SPAK’/ Këlliçi: Karriera e tij politike drejt fundit

Anëtari i Kryesisë së Partisë Demokratike, Belind Këlliçi ka komentuar shkuarjen e Erion Veliajt në SPAK.

Këlliçi deklaroi se afera në Bashkinë e Tiranës ka sjellë dëme me vlerë së paku 132 milionë euro.

Ai tha se Veliaj nuk shkoi te kolegët në SPAK, por u hetua, ndërsa theksoi se karriera e tij politike është drejt fundit.

Ka 8 muaj që ne denoncojmë aferat në Bashkinë e Tiranës, por edhe të qeverisë. Fakti që Erion Veliaj ka shkuar në SPAK është një lajm i vonuar. Flitet për një aferë që janë paguar deri tani 132 milionë euro. Veliaj s’ka takuar asnjë koleg në SPAK, është hetuar. Thirrja e kryebashkiakut të Tiranës Erion Veliaj në SPAK duhet të ishte bërë më parë. U rrëzua miti i tij i paprekeshmërisë, duke u thirrur në SPAK.

Unë nuk e di se çfarë ka biseduar ai në zyrat e SPAK, por mënyra e tij e reagimit tregon gjithçka. Veliaj është një hajdut. Kryebashkiaku është quajtur hajdut nga zoti Balliu, por edhe nga qytetarët. Veliaj ka ngritur sistem hajdutërie në Bashkinë e Tiranës. Nesër do të flas personalisht për tjetër aferë, që lidhet edhe me vdekjen e Ardit Gjoklajt. Të tilla skandale as që mund të merren me mend në Europën Perëndimore, ku duam të shkojmë. Për pak javë karriera politike e Veliajt do mbyllet.