Nuk na duhen influencerë, na duhen psikiatër

Normalizimi i bisedave për çështjet e shëndetit mendor është diçka pozitive, por ka një ndryshim të madh midis terapisë së udhëhequr nga ekspertët – dhe shndërrimit të saj në përmbajtje të mediave sociale.

Hashtagu #mentalhealth në rrjetin social Tik Tok ka mbi 44 milionë shikime. Ky mund të jetë një lajm i mirë, por nuk ka rëndësi sa flitet, por si flitet…

Dhe sipas ekspertëve ata që po flasin në mediat sociale për depresionin po e bëjnë për shikueshmëri dhe jo sepse kanë njohuri apo janë të trajnuar.

“Ka ndikues të shëndetit mendor, njerëz të patrajnuar që kanë gjetur një treg në zgjerim. Të flasësh për shëndetin mendor është në modë. Disa krijues kanë kaluar nga rritja e ndërgjegjësimit në inkurajimin e vetë-diagnozës, duke bërë që depresioni të shihet thjesht si një problem psikologjik”, shprehet psikologu Luis Muino.

Muino bën thirrje që depresioni të trajtohet nga specialistë dhe jo në mediat sociale, pasi efektet nuk do të jenë pozitive./DW SHQIP