Gjëmon Berlini, zotohet Albini por Mimoza ‘na pret krahët

Ambasadori i Gjermanisë në Kosovë, Jorn Rohde, ka thënë se mirëpret përkushtimin e Qeverisë së Kosovës për të vazhduar dialogun me Serbinë në Bruskel. Ai përmes një shkrimi në rrjetin social ‘X’ ka thënë se ky është hap kyç drejt disbursimit të parë të planit të Bashkimit Evropian për rritje.

Kurti, gjatë javës së kaluar është takuar me drejtorin e Përgjithshëm për Zgjerim të Bashkimit Evropian, Gert Jan Koopman, të cilit i ka thënë se Kosova është e gatshme te vazhdojë procesin e dialogut me Serbinë.

Kreu i ekzekutivit ia ka konfirmuar qëndrimin në mbështetje të marrëveshjes bazë dhe planit zbatues të arritur gjatë vitit 2023.

Takimi i radhës në mes të kryenegociatorit të palës kosovare, Besnik Bislimi e kryenegociatorit të palës serbe, Petar Petkoviç nuk prodhoi asnjë rezultat, meqë nuk u arrit të aranzhohet një takim trelateral, ndonëse një gjë e tillë ishte paraparë.

Për dështimin e takimit – siç rëndom ndodhë – pala kosovare fajësoi palën serbe, ndërsa pala serbe, palën kosovare.

Shefja e grupit parlamentar nga Lëvizja Vetëvendosje, Mimoza Kusari-Lila, ka deklaruar se nëse Serbia vazhdon të ketë një qasje të ngjashme me Kosovën, siç e ka aktualisht, s’mund të ketë marrëveshje as tani, as në të ardhmen.

“Me këtë Serbi aktuale, unë shoh probleme përmbajtësore në arritjen e një marrëveshjeje. Shoh se më shumë mundësi ka te kemi nje seri dështimesh sesa ndonjë hapësirë për progres” – deklaroi Kusari Lila

E pyetur për veprimet e pakoordinuar të Qeverisë në Veri, ajo ka deklaruar se po synohet të shtrihet sovraniteti dhe jo të dëmtohet dikush tjetër.

Sipas saj, shumë shpejt, në koordinim me vendet aleate, do të caktohet një datë për hapjen e Urës së Ibrit.

“Do ishte shumë paradoksale që ajo urë të mbetet e mbyllur, kur të gjitha të tjerat janë të hapura dhe lëvizja e lirë deri në kufirin verior është e papenguar. Nuk shoh se per shkak te ures do kete ndonje tensionim te situates, edhe pse mund të ketë ndonjë eskalim potencial, sipas vlerësime të institucioneve të sigurisë” – deklaroi Shefja e grupit parlamentar nga Lëvizja Vetëvendosje

Kujtojme se takimi i radhës në mes kryenegociatorit të palës kosovare, Besnik Bislimi e kryenegociatorit të palës serbe, Petar Petkoviç nuk prodhoi asnjë rezultat, meqë nuk u arrit të aranzhohet një takim trelateral, ndonëse një gjë e tillë ishte paraparë.

Për dështimin e takimit – siç rëndom ndodhë – pala kosovare fajësoi palën serbe, ndërsa pala serbe, palën kosovare.