Putin thotë se Rusia është gati për një “duel” raketor me SHBA-të

Presidenti rus Vladimir Putin sugjeroi të enjten një “duel” raketor me Shtetet e Bashkuara që do të tregonte se si raketa e re balistike hipersonike e Rusisë Oreshnik mund të mposht çdo sistem të mbrojtjes raketore amerikane.

Duke iu drejtuar skepticizmit perëndimor rreth Oreshnik-ut, Putin sugjeroi që të dyja palët të zgjidhnin një objektiv të caktuar për t’u mbrojtur nga raketat e SHBA-ve.

“Ne jemi gati për një eksperiment të tillë”, tha Putin.

Rusia gjuajti për herë të parë raketën Oreshnik në qytetin ukrainas Dnipro më 21 nëntor.

Putin e hodhi si përgjigje ndaj përdorimit të parë të raketave balistike amerikane ATACMS nga Ukraina dhe British Storm Shadows për të goditur territorin rus me lejen perëndimore.

Burimet e SHBA-ve dhe Britanisë së Madhe treguan në atë kohë se ata besonin se raketa e gjuajtur në Dnipro ishte një raketë eksperimentale balistike me aftësi bërthamore, me rreze të mesme veprimi (IRBM), e cila ka një rreze veprimi teorik nën 5 mijë e 500 kilometra.

Një distancë e tillë mjafton për të arritur Evropën nga ku u qëllua në Rusinë jugperëndimore, por jo në SHBA.

Deklarata për Assad-in

Rënia në Siri e Bashar al-Asad, një aleat i ngushtë i Moskës, nuk është një “humbje” për Rusinë, siguroi Vladimir Putin të enjten, ndërsa vlerësoi se ushtria ruse, e mobilizuar në Siri që nga viti 2015, kishte “arritur objektivin e saj”.

“Ata po përpiqen të paraqesin atë që ndodhi në Siri si një disfatë për Rusinë. Ju siguroj se nuk është kështu”, tha ai në konferencën e tij vjetore për shtyp. “Ne erdhëm në Siri dhjetë vjet më parë për të parandaluar krijimin e një enklavë terroriste atje, si në Afganistan. Në përgjithësi, ne e kemi arritur qëllimin tonë”.

Deklarata për Trump-in

Vladimir Putin deklaroi ndër të tjera se është gati të takohet me presidentin e sapozgjedhur të SHBA-ve, Donald Trump, por Rusia do ta bënte këtë nga një pozicion i fortë.

“Unë nuk kam folur me të për më shumë se katër vjet, jam gati për këtë në çdo moment”, tha Putin, presidenti i Rusisë, në konferencën e tij vjetore për shtyp.

Putin ravijëzoi se Rusia ishte bërë “shumë më e fortë” që kur ai filloi pushtimin në shkallë të plotë të Ukrainës në vitin 2022.