RAMA ESHTE NDJERE I RREZIKUAR/ ANALISTI TREGON PSE U NDEZ ASHPER KONFLIKTI ME VELIAJN

Analisti Anri Bala tha se thelbi i konfliktit mes Ramës dhe Veliajt është pushteti që ka ende kryebashkiaku 6 muaj përpara zgjedhjeve vendore.

“Erion Veliaj ka bërë çmos për të mos qenë i burgosur politik tani po bën çmos për të mos qenë flamingo.

Ne kemi parë kalvarin se si është bërë procesi hetimor ndaj Veliajt, se si ka kaluar mandati në gjykatë dhe se si e ktheu gjykata kur e shkarkoi PS dhe PD në këshillin bashkiak, e shkarkoi presidenti dhe në gjithë këtë kalvar ne mendonim se mos ishte ndonjë variant për ta mbajtur Veliajn kryetar bashkie.

Po ta shikosh këtu gjithçka bëhet pa procedurë, Toni Gogu pa procedurë, këshilli bashkiak pa procedurë.

Halli është te kuotat që Rama ia ka dhënë Veliajt, se kryetar je prej meje dhe bashkia është e imja dhe e PS-së.

Rama është ndjerë i rrezikuar se janë zgjedhjet e ardhshme për 6 muaj dhe nuk kontrollon njerëzit.

Rama e ka bërë këtë për të bindur të vetët, se kush është me atë është kundër meje.

Pra duhet të kthesh pushtetin te ai që ta ka dhënë”- tha Bala.