Putin në ankth/ Trump paralajmëron sanksione shkatërruese ndaj Rusisë, reagon Kremlini: Po presim…

Donald Trump është gati të mbështesë një projektligj të ri për sanksione të rëndësishme që kërcënon të dëmtojë ekonominë e Rusisë.

Presidenti amerikan tha se do të bënte një “deklaratë të rëndësishme” në lidhje me Rusinë të hënën, pasi është bërë gjithnjë e më i frustruar me Vladimir Putinin në javët e fundit.

Kjo vjen pasi Trump premtoi të dërgonte një paketë të re armësh në Ukrainë, e para e presidencës së tij, e cila përfshin sistemet e mbrojtjes ajrore Patriot.

Trump nuk dha më shumë detaje se çfarë do të përfshijë deklarata e tij javën e ardhshme, megjithëse kjo vjen në një kohë kur një projektligj dypartiak për sanksionet ruse, i mbështetur nga senatori republikan Lindsey Graham, po fiton vrull në Senat.

Presidenti i tha gjithashtu NBC News të enjten se do të dërgonte paketën e tij të parë me armë në Ukrainë nëpërmjet NATO-s. Ukraina deri më tani ka marrë vetëm armë nga SHBA-ja që ishin miratuar tashmë nga Joe Biden, paraardhësi i Trump.

“Pra, ajo që po bëjmë është se armët që po dalin do të shkojnë në NATO, dhe pastaj NATO do t’ia japë këto armë (Ukrainës) dhe NATO po paguan për ato armë”, tha Trump.

Nga ana tjetër, zëdhënësi i Kremlinit, Dmitry Peskov, tha se Rusia është duke pritur e qetw “deklaratën e rëndësishme” të Trump. Në një telefonatë me gazetarët, zëdhënësi i Kremlinit, Dmitry Peskov, tha: “Jemi mjaft të qetë për këtë.”