Kaosi në Kuvend, Berisha: Rama me skenar të përgatitur, shpalli luftë! Ne duhet të kalojmë në veprime

Pas kaosit në kuvend, Sali Berisha mblodhi grupin e PD në seli, ku akuzoi kryeministrin Rama se kishte ardhur me skenar për të ndërprerë seancën.

“Me aktin e tij, shkelmoi, shumëzoi me zero, asgjësoi, vullnetin e shqiptarëve që morën pjesë në votim. Përfaqësuesve të atyre që votuan kundër Ramës, republikës parlamentare, Kushtetutës së kësaj republike. Shpalli luftë, të hapur, me një skenar të përgatitur bashkë me kreun e Kuvendit, që është një individ skllav i krimit dhe korrupsionit të vet dhe që tregoi se është i aftë të zbatojë çdo skenar të gatshëm që vjen nga Edi Rama dhe banda e tij”, tha Berisha.

Berisha u tha deputetëve të PD se duhet të kalojë në veprime.

Lajmi i perditesuar

Kreu i PD-së, Sali Berisha thotë se me veprimet e sotme në Parlament, Rama ka shpallur luftë.

Berisha e konsideron atë që ndodhi në seancën e Kuvendit si një skenar të parapërgatitur.

“Natyrisht ky zhvillim dramatik meriton dhe duhet të marrë përgjigjen më të fortë dhe më të fuqishme. Jo në fjalë, fjalët nuk kanë aspak vlerë, por në veprime, në veprime, në veprime.

Me aktin e tij, ai faktikisht shkelmoi, shumëzoi me zero, asgjësoi vullnetin e të gjithë shqiptarëve që morën pjesë në votim.

Shpalli luftë të hapur, me një skenar të përgatitur, bashkë me kreun e parlamentit, që është një individ skllav i krimit dhe korrupsionit të vet dhe që tregoi se është i aftë të zbatojë çdo skenar të gatshëm që vjen nga Edi Rama dhe banda e tij”, tha Berisha.