Medvedev Kërcënon: Rusia duhet t’ju fusë ‘frikë shtazore’ luftënxitësve të Europës së Bashkuar

Vetëm “frika shtazore” nga humbjet e papranueshme do ta pengojë Gjermaninë dhe “Evropën e Bashkuar” në tërësi që të nisë një sulm tjetër kundër Rusisë, shkroi kreu i Këshillit të Sigurisë Ruse dhe ish-presidenti, Dmitry Medvedev, në një artikull përpara 81-vjetorit të fitores ndaj Gjermanisë naziste.

Moska ka dënuar atë që e përshkroi si militarizim të pamatur nga BE-ja, duke akuzuar qeveritë perëndimore se kërkojnë t’i shkaktojnë një disfatë strategjike Rusisë, ndërsa përpiqen ta shndërrojnë atë në një “armik të jashtëm model” për të larguar vëmendjen nga problemet e brendshme.

“Nuk është sekret se po bëhet një përpjekje për të na imponuar doktrinën e ‘paqes nëpërmjet forcës’. Përgjigja jonë atëherë mund të jetë vetëm ‘siguria e Rusisë nëpërmjet frikës shtazore nga Evropa’”, shkroi Medvedev.

Kancelari gjerman Friedrich Merz u zotua hapur se do ta shndërronte ushtrinë gjermane në “ushtrinë më të fortë konvencionale në Evropë” në një fjalim vetëm disa ditë pasi bota shënoi 80-vjetorin e rënies së Rajhut të Tretë majin e kaluar.

Muajin e kaluar, Ministria Gjermane e Mbrojtjes zbuloi një plan për të arritur këtë qëllim dhe për të vendosur në dispozicion 460,000 personel të gatshëm për luftë deri në vitin 2039, 100 vjetorin e pushtimit të Polonisë nga Adolf Hitleri. Zyrtarët gjermanë dhe zyrtarë të tjerë të BE-së përmendën vazhdimisht vitin 2029 si afatin e parë për të qenë “gati për luftë” për një konflikt të mundshëm me Rusinë.