Ish-kryetari i Komunës së Preshevës, Shqiprim Arifi ka kritikuar kryetarin aktual të komunës, Ragmi Mustafën.

Arifi thekson se Beogradi ka ndaluar projektin e Tiranës. Sipas tij, Ragmi Mustafa sapo ka marrë postin, ka ndaluar një projekt të financuar nga Shqipëria për ndërtimin e një shkolle në një fshat të komunës së Preshevës.

Postimi i ish-kreut të komunës së Preshevës, Shqiprim Arifi:

Beogradi ndalon projektin e Tiranës

Kryetari i zarfit të Vuçiqit, në detyrën e parë që nga marrja e postit dhunshëm në mesnatë, ndal projektin e  financuar nga Bashkia e Tiranës, përkatësisht mbështetur nga Kryeministra e Shqipërisë; punimet e shkollës fillore “Dituria” në fshatin Corroticë.

Kjo është kapje e qartë e Preshevës nga Vuçiq!

Ditë të rënda po vijnë.

Zëdhënësi i Bashkimit Evropian, Peter Stano, tha sot se për heqjen e masave ndëshkuese që blloku ka vendosur ndaj Kosovës, vendosin shtetet anëtare e jo Qeveria e Kosovës.

Zëdhënësi i Qeverisë së Kosovës, Perparim Kryeziu, pas kësaj ka reaguar duke publikuar dy fotografi.

Në një oto shihet përplasja e serbëve me trupat e KFOR-it, dhe ka shtuar edhe një fotografi tjetër të kreut të Komunës së Zveçanit, Ilir Peci, i cili sot është vendosur në objektin e Komunës së Zveçanit i papenguar nga askush.

Sipas zëdhënësit të Qeverisë, de-eskalimi ka ndodhur dhe shton se si rezultat i kësaj masat duhet të hiqen.

Shefi i të ashtuquajturës Zyre për Kosovën në qeverinë serbe, Petar Petkovic, ka reaguar pas deklaratave të fundit të raportueses për Kosovën në Këshill të Europës, Dora Bakoyannis, e cila tha se është sulmuar nga lidershipi serb pse ka përpiluar një raport pro anëtarësimit të Kosovës në këtë organizatë.

Petkovic sërish iu drejtua me fjalë të ashpra dhe e akuzoi atë se po e mbron Kosovën, duke vazhduar propagandën se në Kosovë po kryhet “spastrim etnik ndaj serbëve”.

“Turp të kesh Dora Bakoyannis! Nuk dihet se çfarë është më keq, raporti juaj skandaloz apo gjithçka që thoni në mbrojtje të të ashtuquajturës Kosovë! Ju përmendët reformat e shumta të supozuara që janë bërë nga e ashtuquajtura Kosova për anëtarësim në Këshill të Europë dhe nuk the asnjë fjalë që Prishtina nuk e ka formuar Asociacionin prej 11 vjetësh, apo edhe se arreston dhe rreh serbet. Prishtina ndalon mallrat serbe prej 10 muajsh, heq dinarin dhe ndalon rrogat dhe pensionet për serbët, kryen spastrim etnik të serbëve, kryen dhunë institucionale, imponon kryetarë të komunave të rremë në veri, shkatërron varrezat serbe dhe vjedh pronat serbe… Keto nuk ishin te shkruara në raportin tuaj të turpshëm!” – ka shfrehur zemërimin Petkoviç.

Deputetja e Asamblesë së KiE Bakoyannis ka shkruar se asnjë kandidati nuk i është kërkuar të kryejë kaq shumë reforma para se të sillet për diskutim çështja e pranimit të tij në organizatë sesa Kosovës, duke thënë se kjo me gjasë ka qenë edhe arsyeja pse 83 për qind e Asamblesë votoi pro raportit.

Kryeministri i ri serb Millosh Vuçeviç, deklaroi se anëtarësimi i vendit në Bashkimin Evropian (BE) mbetet synim strategjik, por shtoi se disa vende duan ta “poshtërojnë” Serbinë duke e detyruar atë të njohë pavarësinë e Kosovës.

“Sigurisht që është dëshira e disave që ta poshtërojnë Serbinë duke e njohur të ashtuquajturën pavarësi të Kosovës dhe t’i bashkohet regjimit të sanksioneve kundër Rusisë. Përgjigja e Serbisë duhet të bazohet vetëm në përvojën e gjatë historike të popullit tonë se të mëdhenjtë dhe të fuqishmit ndonjëherë mund të na mposhtin, por nuk mund të na poshtërojnë” – deklaroi Vuçeviç

“Ne nuk mund as të poshtërojmë veten. E përsëris, anëtarësimi në Unionin Europian mbetet qëllimi strategjik i Serbisë dhe ne do të punojmë shumë për ta arritur, por i takon BE-së që përfundimisht t’ua hapë derën anëtarëve të rinj” – theksoi Vuçeviç, por shtoi se “fakti që procesi është i ngarkuar nga kriteret e reja politike nuk mund të injorohet”.

Këshilli i Ministrave i BE-së miratoi javën e kaluar vendimin përfundimtar për ndryshimin e tekstit të kushteve nga kapitulli 35 në kuadër të kornizës negociuese për anëtarësimin e Serbisë, i cili, përveç mbulimit të kritereve formale për shtetin serb, adreson edhe zbatimin e marrëveshjeve për normalizimin e raporteve, ku Serbisë i kërkohet njohja de facto e Kosovës.

Mandatari per formimin e qeverise serbe, dy dite me pare pati paralajmeruar per postin qe ai do ti besojë Aleksander Vulinit.

E ne lidhje me kete, Associated Press ka shkruar se “Qeveria e re e Serbisë do të përfshijë ish-shefin e shërbimit inteligjent, i cili mban lidhje të ngushta me Rusinë dhe që është i sanksionuar nga Shtetet e Bashkuara”-

Aleksandër Vulin do të jetë njëri nga disa nënkryeministrat, ka thënë Millosh Vuçeviç gjatë shpalljes së përbërjes së kabinetit të tij të ardhshëm, i cili pritet të votohet në Kuvendin e Serbisë në ditët në vijim.

Serbia po kërkon zyrtarisht anëtarësimin në Bashkimin Evropian, por ka ruajtur marrëdhënie miqësore me Rusinë dhe ka refuzuar t’i bashkohet sanksioneve perëndimore kundër Moskës për luftën në Ukrainë, kujton AP.

Përfshirja e Vulin në qeverinë e re tregon për vazhdimin e lidhjeve të ngushta me Rusinë pavarësisht rrugës së shpallur pro-BE nga Serbia.

Në korrik të vitit të kaluar, SHBA vendosi sanksione ndaj Vulin, duke e akuzuar atë për përfshirje në dërgesat e paligjshme të armëve, trafik droge dhe shpërdorim detyre.

Ish-ambasadori i Serbisë në SHBA, Marko Gjuriç, kandidat për minister I puneve te jashme ne qeverine e re te Vuçeviç, përmes një shkrimi në profilin e tij në “X” ka sulmuar raportuesen për Kosovën në Këshillin e Evropës, Dora Bakoyannis, pasi kjo e fundit ka deklaruar se asnjë shteti tjetër nuk i janë kërkuar që të përmbush kaq shumë kritere përsa po i kërkohet Kosovës.

Gjuriç, i cili është kthyer në Beograd për t’i shërbyer Vuçiçit në propagandë, ka përmendur detyrimet që dalin nga Marrëveshja e Brukselit dhe gjithashtu edhe nga diskutimet e Ohrit, dhe sipas politikanit serb, Bakoyannis “nuk i sheh këto shkelje”.

I mllefosur ndaj raportueses greke, ai ka pyetur gjithashtu se bazuar në çfarë kritere, Bakoyannis po e përkrah anëtarësimin e Republikës së Kosovës në Këshillin e Evropës.

“Unë do të doja të dija, nëse është e mundur, cilat janë saktësisht ato kritere në bazë tek të cilat ajo tani mbështet anëtarësimin e qeverisë etnonacionaliste të Kurtit në Këshillin e Evropës. A është ndalimi total 11-mujor i hyrjes së mallrave serbe në Kosovë? A është ndalimi i paligjshëm i përdorimit të dinarit serb, duke rezultuar që spitaleve në zonat me shumicë serbe të mos kenë ilaçe dhe furnizime mjekësore, dhe mjekë, infermiere dhe nëna të mos marrin paga, kujdes për fëmijët apo pensione? A janë këto kritere ndoshta arrestimet jashtëgjyqësore (të përmendura publikisht disa herë nga Josep Borrell dhe zyrtarë të tjerë të BE-së dhe SHBA-së), apo është shtypja brutale të cilës serbët e Kosovës i nënshtrohen çdo ditë?” –  ka shkruar Gjuriç, duke theksuar: – “Mbështetja për anëtarësimin e qeverisë së Kurtit në KiE, është një njollë e turpshme që nuk mund të justifikohet. Njëra për të cilën jam thellësisht i bindur nuk është në interes as të popullit grek dhe as atij serb”.