Izraeli fut në lojë armën me lazer “Iron Beam”

Izraeli ka vënë në funksion një sistem të ri mbrojtjeje ajrore me energji lazer, të quajtur Iron Beam, duke u bërë vendi i parë në botë që disponon një teknologji të tillë në nivel operacional, raporton The Times of Israel.

Ministria izraelite e Mbrojtjes njoftoi se sistemi iu dorëzua zyrtarisht Forcave Ajrore gjatë një ceremonie në veri të vendit.

Projekti është zhvilluar nga Drejtoria për Kërkim dhe Zhvillim e Ministrisë së Mbrojtjes, në bashkëpunim me kompaninë shtetërore të mbrojtjes Rafael.

Ai e cilësoi zhvillimin si një “mesazh strategjik” për kundërshtarët e Izraelit.

Sistemi i ri synon të plotësojë arkitekturën ekzistuese të mbrojtjes ajrore të Izraelit, ku përfshihen Iron Dome për kërcënimet me rreze të shkurtër, David’s Sling dhe sistemet Arrow për raketat balistike.

Ndryshe nga këto sisteme, Iron Beam pritet të ulë ndjeshëm koston për çdo interceptim, pasi përdor energji elektrike në vend të raketave mbrojtëse.