NATO në shenjestër, Trump harton listën, ja kush janë sipas tij engjëjt dhe djajtë

Administrata e presidentit të Shteteve të Bashkuara, Donald Trump, ka hartuar një listë të brendshme që kategorizon vendet e NATO-s sipas nivelit të angazhimit të tyre në aleancë dhe mbështetjes ndaj politikave amerikane, raporton Politico.

“Shtëpia e Bardhë ka një listë të mirë dhe të keqe, kështu që duket se logjika është e njëjtë”, tha një diplomat evropian për Politico-n, duke iu referuar dokumentit të përgatitur nga administrata.

Ky zhvillim sinjalizon një tjetër presion ndaj aleancës, e cila tashmë është përballur me tensione të shumta për shkak të qëndrimeve të ashpra të presidentit amerikan.

“Aleatët që nuk bëjnë pjesën e tyre për mbrojtjen kolektive do të përballen me pasoja”, deklaroi më parë sekretari i Mbrojtjes, Pete Hegseth, duke përforcuar qasjen e re të administratës.

Dokumenti përfshin një vlerësim të kontributeve të vendeve anëtare dhe i ndan ato në kategori, megjithëse detajet konkrete mbeten të paqarta.

“Nuk duket se kanë ide shumë konkrete për ndëshkimin e aleatëve të këqij”, tha një tjetër zyrtar evropian, duke vënë në dyshim realizueshmërinë e planit.

Pakënaqësia e Shteteve të Bashkuara është bërë e qartë edhe në deklaratat zyrtare të administratës.

Dokumenti përfshin një vlerësim të kontributeve të vendeve anëtare dhe i ndan ato në kategori, megjithëse detajet konkrete mbeten të paqarta.

“Nuk duket se kanë ide shumë konkrete për ndëshkimin e aleatëve të këqij”, tha një tjetër zyrtar evropian, duke vënë në dyshim realizueshmërinë e planit.

Pakënaqësia e Shteteve të Bashkuara është bërë e qartë edhe në deklaratat zyrtare të administratës.

“Ndërsa Shtetet e Bashkuara kanë qenë gjithmonë aty për aleatët tanë, ata nuk kanë qenë për në gjatë Operacionit Epic Fury… dhe ne do ta mbajmë mend këtë”, u shpreh zëdhënësja e Shtëpisë së Bardhë, Anna Kelly.

Një nga opsionet që po shqyrtohen përfshin ripozicionimin e trupave amerikane brenda Evropës, duke favorizuar vendet që konsiderohen më të angazhuara.

“Lëvizja e trupave është një opsion, por në fund ndëshkon vetë Shtetet e Bashkuara, apo jo?”, theksoi një diplomat, duke ngritur pikëpyetje mbi efektivitetin e masës.

Ndër përfituesit e mundshëm të kësaj qasjeje përmenden vende si Polonia dhe Rumania, të cilat kanë ofruar mbështetje më të madhe për operacionet amerikane dhe shpenzojnë më shumë për mbrojtjen.

“Departamenti i Mbrojtjes do t’i japë përparësi bashkëpunimit me aleatët model që po bëjnë pjesën e tyre për mbrojtjen kolektive”, thuhet në një deklaratë të Pentagonit.

Megjithatë, kjo qasje përballet me kundërshti edhe brenda vetë politikës amerikane.

“Nuk është e dobishme kur liderët amerikanë flasin me përbuzje për aleancat tona”, paralajmëroi senatori Roger Wicker, duke theksuar rëndësinë strategjike dhe morale të tyre.

Në një kohë kur lufta dhe tensionet globale vijojnë, ekspertët dyshojnë nëse administrata amerikane ka kapacitetin për të hapur një front të ri përplasjeje me aleatët evropianë.

“Administrata nuk ka hapësirën për të hapur një tjetër front armiqësor me Evropën ndërsa lufta vazhdon”, u shpreh një ish-zyrtar finlandez, duke nënvizuar kufizimet reale të strategjisë.