Sekondat e fundit të regjimit/ Vuçiç dhe qentë e tij besnikë të sulmit, hidhen në veprim

Ish-deputet i Asamblesë Kombëtare të Republikës së Serbisë Dragan Shormaz, tha se fillimi i trazuar i vitit 2026 ka zbuluar, në ekstrem, shkallën e kolapsit dhe rrugën pa krye strategjike në të cilën Serbia e gjen veten nën kontrollin e regjimit të Vuçiçit. 

“Arrestimi i Nicolás Maduro dhe vënia në përdorim operativ të qasjes së re dhe të fuqishme të presidentit amerikan Donald Trump për t’u përballur me boshtin global të së keqes të përbërë nga autokratë të korruptuar dhe krerë të karteleve të drogës të sponsorizuara nga shteti, ka shkaktuar një nivel të paparë nervozizmi tek vetë Aleksander Vuçiç dhe qentë e tij besnikë të sulmit. Kështu, Trump – i cili pas fitores së tij zgjedhore u përshëndet prej Beogradit si “serb” – pothuajse brenda natës u cilësua si bandit, pirat dhe shkatërrues global i së drejtës ndërkombëtare” – deklaroi Shormaz, duke shtuar se ajo që është më hipokrite në zinë mbarë-regjimore për fatin e partnerit strategjik venezuelian të Vuçiçit është fakti se ata nuk thanë asnjë fjalë të vetme për shkeljet më serioze të së drejtës ndërkombëtare dhe krimet masive të kryera në vitet e fundit nga regjimi i Putinit përmes agresionit të tij brutal kundër Ukrainës. 

“Trump demonstroi qartë vendosmërinë e tij për t’u përballur me boshtin e së keqes në mbarë botën, duke shkatërruar ëndrrën e ish-mbështetësve të të zjarrtë të Putinit në Serbi” –  theksoi Shormaz