Agjencia e Mbikëqyrjes Policore ka arrestuar në flagrancë një punonjës policie në pikën kufitare Qafë-Botë, pasi dyshohet për kontrabandë me mallra që paguhet akcizë.

Bëhet fjalë për Beqir Halili, i cili u arrestua në flagrancë teksa transportonte me automjetin e tij “Mercedes Benz”, nga pika e kalimit kufitar Qafë Botë në drejtim të Sarandës, 49 steka të papajisura me pullën fiskale, të dyshuara kontrabandë, me një vlerë rreth 3500 euro.

Nga kontrolli i një dyqani në pronësi të policit në Metoq, bashkia Sarandë u gjetën edhe disa qese me duhan pa pullë fiskale.

Nga hetimet e AMP, ka rezultuar se ky punonjës policie në mënyrë periodike, gjatë kohës që ka qenë me shërbim në PKK Qafë Botë, kalonte këto mallra kontrabandë për të furnizuar biznese të ndryshme në Sarandë, në një vlerë që përllogaritet të jetë rreth 10,000 euro në muaj nga shit-blerja e mallrave.

Në cilësinë e provës materiale u sekuestruan stekat me cigare kontrabandë, qese plasmasi me duhan pa pullë fiskale, 2 telefona celularë dhe automjeti tip Mercedez Benz që shërbente për transport.

Polici Beqir Halili me detyrë përgjegjës turni në Qafë Botë, me origjinë nga Memaliaj dhe me familje në Metoq donte edhe 6 muaj dhe dilte në pension. Arrestimi i tij është bërë rrugës duke u kthyer në shtëpi pas punës.

Ish-missi Sara Gjordeni së fundmi në “Post Big Brother” ka sqaruar deklaratën e saj se më shumë ka humbur nga pjesëmarrja në këtë reality show sesa ka fituar.

Ajo tregoi se pjesëmarrja në këtë spektakël i ka kushtuar në anën e moralit dhe dinjitetit, për shkak se ish-banorja bëri bujë në median rozë për jetën personale dhe për meshkujt që u përfol se ajo kishte pasur një lidhje.

Sara nga ana tjetër hodhi poshtë edhe aludimet që Romeo Veshaj dhe Silvi Forte kanë qenë ish-partnert e saj, duke u shprehur se raportit që ka pasur me këta meshkuj është akuzuar se ka pasur një lidhje me ta.

Përsa i përket personit misterioz që i dërgoi dronin në shtëpinë e “BBV”, ish-banorja tha që tashmë këtë gjë e ka biseduar me të dashurin e saj, Bardhi Idrizin.

Pjesë nga biseda:

Moderatori: Ke thënë më shumë kam humbur nga ky BBV sesa kam fituar. Çfarë nënkupton me këtë?

Sara Gjordeni: Më ka dhënë një impakt shumë të madh në publik, ishte i mirë apo i keq. Por më ka kushtuar shumë në anën e moralit dhe dinjiteti që është diskutuar jashtëzakonisht shumë.

Moderatori: Rikja në një batutë ka thënë sa shumë ka patur…

Rike Roçi: I ka ardhur droni, ishte i dyti ish që futej në big, gjithë të famshëm, jo ndonjë gjë të keqe.

Sara Gjordeni: Unë nuk e kuptoj kur i bë kaq e madhe kjo puna e ish-ave të mi që u bënë këto memet sa ish-të dashur ka Sara për metër katror. U diskutua Romeo, më vjen keq që nuk është këtu që të hidhte poshtë aludimin që unë kam pasur diçka me Romeon, që nuk kam pasur. U aludua për Silvin, Silvin e kam takuar vetëm 15 minuta në jetën time, nuk kam pasur asnjë gjë tjetër, u fut Endriku, unë sigurisht kisha pasur një histori me të para 10 vitesh, unë nuk e di çfarë priste publiku të bëja ndërkohë që ai kishte bashkëshorten e dytë shtatzënë me fëmijën e dytë, unë nuk e kuptoj çfarë pritur publiku që të bëja me Endrikun. Ndërsa personin nga i cili erdhi droni, të cilin nuk e kishte dërguar absolutisht ai person, ishte personi të cilin ia kisha treguar Bardhit brenda në shtëpi. Unë nuk e kuptoj që ku janë këta ish-at që u diskutuan kaq shumë.

Kujtojmë që Sara u dashurua dhe u lidh me Bardhi Idrizin në “BBV”, ndërsa e vazhduan romancën edhe pas daljes nga shtëpia dhe tashmë çifti së shpejti do të bëhen prindër për herë të parë.

Ditën e sotme vendi ynë do të ndikohet nga kushte të qëndrueshme atmosferike. Sa i përket fushës termike temperaturat në vlerat minimale pritet të kenë një rritje fare të lehtë ndërsa ato të mesditës pritet të kapin vlera 19-32 gradë celcius kjo dhe për shkak të masave ajrore të ngrohta që vijnë si pasojë e kësaj qendre të presionit të lartë me origjinë nga Ishujt Azore dhe afrika e veriut.

Sa i përket javës ku sapo kemi hyrë, depërtimi i pazakontë e një qendre të thellë të presionit të lartë mbi kontinentin europian (ashtu si dhe mbi vendin tonë) do të bëjë që moti të jetë kryesisht i kthjellët në pjesën më të madhe të territorit.

Mjeku Tritan Kalo ka ndarë një ngjarje mjaft të trishtë për të dhe familjen e tij.

Përmes një postimi në rrjetet sociale ka njoftuar se bashkëshortja e tij ka ndërruar jetë pas sëmundjes së rëndë.

“31.05.2024…..Ora 14:15 dhoma 517 North, në Patient Center Care of Royal Jubilee Hospital, Victoria, BC, Canada, pushoj së rrahuri zëmra e ROZETA KALOS….

Të tre yjet tona Besjana, Enkelejda dhe Genta Juna Kalo, patën mirësinë të rriteshin e edukoheshin nga një Nënë mjaft e dedikuar për familjen dhe për ecurinë mbrothësuese të saj….

Unë, Dr. Tritan Kalo, pata fatin të lidh jetën me një zemërbardhë, punëtore, familjedashëse, dijekërkuese dhe shpresësjedhëse si Rozeta Kalo (Qirjako)…..

Midis dy fotove të para shtrihet një hark kohor prej rreth 39 vitesh (18.07.1985 dhe 31.05.2024), nga koha e njohjes dhe e fejesës sonë deri në largimin për në Amëshim, të gjysmës sime më të mirë Rozeta Kalo….

VITE JETE të mbushura plot gëzime, përpjekje dhe dëshira shpresësjedhëse për Familjen Kalo Jr…..

NË Elbasan ditën e dasmës dhëndri i këndon nuses: E para moj është nëna, e dyta moj më je ti, të dyja të mira jeni, gjithë bota ju kanë zili, shkruan Kalo në Facebook.

Ndërkohë që ka shtuar se bashkëshortja e tij ka humbur jetën në të njëjtën ditë dhe orë ashtu si nëna e tij.

 Mama e ka trajtuar Rozin si vajzën e vet, ndaj edhe Perëndija të dyjave u përzgjodhi të njëjtën ditë amëshimi më 31 Maj, dhe të njëjtën orë 14:15 në 13 vite distancë nga njëra tjetra më 2011 dhe më 2024”, thekson ai.

Vapa do të nis me qershorin.  Termometri sipas meteorologëve parashikohet të shënojë vlera të ngjashme me muajin  korrik dhe gusht.   Kjo për shkak të masave ajrore me origjinë nga Arika  që do të përfshijnë  të gjithë Ballkanin.

” Nesër që futemi zyrtarisht në qershor  presim temperatura 32 – 33 gradë celcius,  e diela, e hëna 34 gradë,  më pas dhe java tjetër le të themi do të sjellë temperatura shumë të larta, të  paktën deri në datën 15.  Starton sikur të jenë  temperatura korriku apo gushti  ku përgjatë kësaj vale mund të shënojmë dhe vlera  37 gradë në zona të izoluara. Është një masë ajrore nga Afrika e cila po fuqizohet, në fakt do të jetë në  Europën Juglindore duke përfshirë dhe Ballkanin.”

Të pakta  pritet  te jenë ditët me temperatura normale për muajin.  Pavarësisht se qielli nuk do të jetë përherë i kthjellët   meteorologët nuk parashikojnë  reshje  intensive.

“Vranësirat do të jenë prezente,  në zonat lindore parashikohet të ketë grumbulim të vranësirave  duke gjeneruar reshje të pakta dhe aspak problematike.  Është parashikuar që qershori të jetë mjaft i nxehtë,  edhe pse mund të kemi një normalizim të temperaturave pas valës,  do kemi sërish valë të të nxehtit përgjatë gjithë qershorit.”

Pas mbylljes  së një muaji relativisht të freskët si maji menjëherë sipas meteorologëve nis një  muaj i nxehtë  si qershori.